Isaia 66:20 - Buki Tabu Lowaenei 1919

²⁰ Ta tasimiao iauiaudi si da ‘au‘ewedima ‘ebeloinao iauiaudi ‘ediega ‘ebwaeadaita manuna Ieoba ‘enaia, ‘ose ‘edia, saliote ‘edia be, ‘ebe‘a‘ara ‘edia be, mule ‘edia be, kameli ‘edia be, ‘igu ‘oea tabu Ierusalema ‘ena, Ieoba ‘i gwae, nadigega Iseraela natunao ‘idi ‘ebwaeadaita si me‘ena gaeba ‘esasena ‘enega Ieoba ‘ina anua ‘enaia.

Isaia 66:20 ပူးပေါင်းရင်းမြစ်များ

Isaia 11:9

Gea‘abo si da unuunu nai si da giesaoora ‘igu ‘oea tabu maibo‘ana ‘enaia: bare‘u ‘i da maa Ieoba ‘ina sinasinapu ‘enega, na‘ieana boasiao ora si bodena.

Isaia 2:2

Ta asiata muriega gete ‘i da apwesa, ‘aene Ieoba ‘ina anua ‘ana ‘oea ‘i da mia pa‘ara ‘oea debadia, ta ‘i da mia tu‘e ‘oea ‘etanidia; ta ‘ebeloina iauiaudi si da daudau ‘enaia.

Isaia 2:3

Ta tomota iauiauna si da tauia ta si da ona, Wa da mai, be ta da tu‘e Ieoba ‘ina ‘oea ‘enaia, Iakobo ‘ina Eaubada ‘ina anua ‘enaia; ta ‘ina ‘edao manudi ‘i da e‘iteda, be ta da tautauia ‘ina ‘edao ‘edia: Sionega loina ‘i da apwesawa ta ‘enega, ta Ieoba ‘ina ona Ierusalemega.

Isaia 43:6

Iaarata ‘ena ia da ona, ‘U da tagwara; ta iarasi ‘ena, Gea‘abo ‘u egagara; natuguao me‘olotodi ‘edasorega wa da me‘edi, ta natuguao me wainedi bare‘u ‘ana ‘ebelosaroniega;

Isaia 52:11

Wa da tauiawa, wa da tauiawa, gote ‘enega wa da apwesawa, gea‘abo ‘e bweu iage baila wa da gitoo; gamwagamwaninega wa da tauiawa; wa da ‘esasena, ‘omi Ieoba ‘ina keigao wa ‘a‘aridi.

Isaia 54:3

‘U da sasaila ‘ataimuiega ta gegeumiioega ta ‘enega; ta tubumuao ‘ebeloinao si da ‘ewedi, ta ‘asa waborebore tomota ‘edia si da sa‘u.

Isaia 56:5

‘Igu anua ‘ena ta ‘igu pitao gamwagamwanidia ‘ebenua‘i‘isi ta esana bobo‘ana wawasae natudiao me‘olotodi ta natudiao me wainedi ‘edia ia da ‘ebwaedi; esana miaataia ia da ‘ebwaedi, tauna nigea si da ‘upwa‐iaulena.

Isaia 56:7

Tuga taudi ia da ‘au‘ewedima ‘igu ‘oea tabu ‘enaia, ta ‘igu anua ‘ebesidasida ‘ena ‘adi guausoara ia da sa‘u; ‘idi ‘ebwaeadaita‐gabugabudi ta ‘idi tariao ia da nuanuana ‘igu ‘ebetaria ‘enaia: ‘igu anua si da eesena sidasida ‘ina anua tomota iauiaudi manudi ta ‘enega.

Isaia 65:11

Ta ‘omi Ieoba wa e‘idi‘idia, ‘igu ‘oea tabu wa nuapupura, tebeli wa sa‘u ‘ai‘aili Simasimana manuna, ta oine wa ‘ili‘ilina wa loemaa Oba manuna;

Isaia 65:25

Wolifa ta lami si da ‘e‘ai rererea, ta laione nedu ‘i da ‘e‘ai bulomakau ‘atua: ta kau ‘i da moata ‘ana masura. Gea‘abo si da unua nai si da giesaoora ‘igu ‘oea tabu maibo‘ana ‘enaia, Ieoba ‘i gwae.