Isaia 65:7 - Buki Tabu Lowaenei 1919

⁷ Taumimo ‘imi bubuna bokobokoiao, ta tamamiao ‘idi bubuna bokobokoiao rererea, Ieoba ‘i gwae, taudi mu‘ana si gabu ‘oea sinabwadi ‘edia, ta si ona besobeso ‘eguia ‘oea gidaridi ‘edia; ta ‘enega nugana ‘idi guinua ia da ‘etopwapwa lumalumadi ‘enaia.

Isaia 65:7 ပူးပေါင်းရင်းမြစ်များ

Si Apwesa 20:5

Gea‘abo ‘edia ‘u da bwagobwago, nai ‘edia ‘u da guinua: ‘Abo‘agu Ieoba ‘imu Eaubada ‘abo‘agu Eaubada e‘ipi‘ipi ta ‘enega, tamadiao ‘idi to‘umalina ia e‘isa natudiao ‘edia, epata‐tomota ‘etonina ‘enaia ta ‘eatana ‘enaia taudi si guitoasegu ‘edia.

Isaia 10:12

Ta ‘enega gete ‘i da apwesa, ‘ena ‘Inapwana ni‘atu ‘ina guinua maibo‘ana ‘i bubuna ‘oea Siona ‘ena ta Ierusalema ‘ena, ga Asiria ‘ana king ‘ina ‘ate patuna uana ia da ununa, ta ‘ina gagasa ‘ina esaesa.

Isaia 13:11

Ta gabura ia da ununa ‘idi to‘umalina manuna, ta to to‘umalidi ‘idi bubuna bokobokona manuna; ta to gagasa ‘idi esinasinara ia da loegumwarina, ta to didiga ‘idi gagasa ia da ulamwa‘uta.

Isaia 22:14

Ta bodao ‘idi Ieoba ‘i e‘ita‘ena tauna tenagu ‘edia, Ona ‘ai‘aila bubuna bokobokona gete gea‘abo ‘i da ‘ewaiaule ‘emiega ga wa mwawasa, ‘Inapwana ‘i gwae, bodao ‘idi Ieoba.

Isaia 26:21

Wa ‘ita, ta ‘enega, Ieoba ‘ina esenega ‘i apwesama be to mia bare‘u ‘i da unudi ‘idi bubuna bokobokona manuna: bare‘u wate ‘ina rara ‘i da giapwesei, ta gea‘abo wate ‘ina toesilae ‘i da bodedi.

Isaia 28:21

Ieoba ‘i da tooro nadigega ‘oea Perisima ‘enaia ta ‘enega, ‘i da egamwagamwagu nadigega sa‘ara Gibeona ‘enaia; be ‘enega ‘ina guinua ‘i da iagena, ‘ina guinua dumadumana, ta ‘ina iage ‘i da gieapwesena, ‘ina iage dumadumana.

Isaia 29:14

Ta ‘enega, wa ‘ita, guinua ‘ebenuaowana ‘i abe ia guinua tomota gete gamwagamwanidia, tuga guinua ‘ebenuaowana ta iage sinabwana: ta ‘idi tai sinasinapu ‘idi sinapu ‘i da saoora, ta ‘idi tai panapana‘isidi ‘idi mwaratoni ‘i da mia kwaia.

Isaia 3:11

Oioi to to‘umali ‘enaia! ‘i da mia to‘umalina: nimana ‘adi e‘isa si da bubuna ‘enaia ta ‘enega.

Isaia 30:13

Ta ‘enega bubuna bokobokona gete ‘i da nadigega weara i ‘abe ‘i be‘u ‘emia, ‘i sinasinabwa ‘arigurewa ‘etosora ‘enaia, tauna ‘ina weara ‘i lomaninisanama.

Isaia 30:14

Ta ‘i da episarina ‘atua to bubu ure ‘ina keiga ‘i episari, ‘i episarina ga senasenamina nigea ‘e bweu ‘i pilisinena; ta ‘enega tomwanao ‘edia nigea ‘e bweu tomwa si da loba be awe si da ‘ewa karikauiega, nai ‘enega boasi si da goni boasigaulega.

Isaia 57:12

‘Imu bubuna paruparu ia da simana: ta ‘imu guinua manudi, gea‘abo ‘idi loeposeana ‘emuia.

Isaia 57:7

‘Oea kesora ta lo‘etana ‘ena ‘imu ‘ebe‘eno ‘u sa‘u: ‘ena wate ‘u tu‘e sabi ‘ebwaea taria.

Isaia 59:18

‘Idi guinuao nadigega, ‘i da e‘isa nadigega, egamwagamwagu ‘ana tolosaiao ‘edia, e‘isa ‘ana tarauwarao ‘edia; e‘isa saru ‘edia ‘i da ‘ebwaealimana.

Isaia 65:6

Wa ‘ita, si ‘etoladina mataguia: gea‘abo ia da enono, ta ia da e‘isa, tamo, ia da e‘isa lumalumadi ‘enaia.

Isaia 66:4

‘Abo‘agu wate ‘idi kabokaboiao ia da ‘esinua, ta ‘idi matauta ia da me‘ena ‘edia; ‘ena ia bwau, nigea ‘e bweu ‘i onalimana ta ‘enega; ‘ena ia ona, nigea si nono: ta iage nidi ‘i to‘umalina mataguao ‘edia si guinuedi, ta iage ‘enega nigea ia ‘uiawana si ‘esinua.

Loina 26:39

Ta taudi ‘emiega tupwadi si da eowasidi ‘idi bubuna bokobokona ‘enaia ‘ami tarauwarao ‘idi esenao ‘edia; ta wate tamadiao ‘idi bubuna bokobokodi ‘edia si da eowasidi ma‘ediao.