Isaia 65:16 - Buki Tabu Lowaenei 1919

¹⁶ Ta ‘enega tauna ‘i onaobobomena tauna bare‘uia ‘i da onaobobomena tauna Emeni ‘ina Eaubada ‘enega: ta tauna ‘i ona‘upa‘upa bare‘uia ‘i da ona‘upa‘upa Emeni ‘ina Eaubada ‘enega; gimi iage ‘ebeloniu si nuapupuredi ta ‘enega, ta si miakwaia matagu ‘ediega ta ‘enega.

Isaia 65:16 ပူးပေါင်းရင်းမြစ်များ

Salamo 31:5

Nimaio ‘enega iaruiaruagu ia ‘ebwaeae; Ieoba ie, ni‘atu ‘u li‘amigu, ‘oio ona ‘ai‘aila ‘ina Eaubada.

Salamo 63:11

Ta king ‘i da eguausoara Eaubada ‘enaia: ‘Ebweuna ‘ebweuna tauna ‘enega ‘i ona‘upa‘upa ‘i da tuputupu; Taudi si onaona kabokabo ‘awadi ‘i da pota ta ‘enega.

Salamo 72:17

‘Ana esana ‘i da mia ataia; ‘Ana esana ‘i da mia ataia sinara matanaia: Ta ‘ena tai si da bobo‘ana; ‘Ebeloina iauiauna si da ‘awa to‘eguausoarena.

Salamo 86:15

Ta ‘oio, ‘Inapwana ie, ‘oio Eaubada nua‘ole‘ole ta oboboma ‘ediega ‘u maa, Gamwasoara manuna ‘u so‘iso‘i, ta ‘imu nua‘ole‘ole ta ona ‘ai‘aila si ‘elosinabwa.

Si Apwesa 34:6

Ta Ieoba ‘i sakowasi matanaia, ta i ‘inanena, Ieoba, Ieoba, Eaubada ‘i maa nua‘ole‘oleiega ta ‘i oboboma, sabi gamwasoara ‘i so‘iso‘i, nua‘ole‘ole ta ona ‘ai‘aila ‘ediega ‘i maa‘apu‘apu;

Isaia 11:16

Ta ‘eda sinabwana ‘i da miami ‘ina tomota tupwadi manudi, taudi si miami, Asiriega; nadigega lowa ‘i miami Iseraela manuna asiata ‘enega ‘i tu‘ema ‘asa Aigupitoega.

Isaia 19:18

Asiata gote ‘asa ‘e nima si da miami ‘asa Aigupito ‘enaia taudi ena Kanania si oneone, ta si ona‘upa‘upa bodao ‘idi Ieoba ‘enaia; ‘e bweu si da eesena Saoora ‘ina ‘asa.

Isaia 35:10

Ta Ieoba ‘ina lagwalagwadi si da ‘ilama, ta Siona ‘ena si da mai wariega; ta guausoara mia ‘ataia debadi, ‘edia ‘i da miami: ‘uiawana ta guausoara si da ‘ewa, ta dedoi be eiawasilagalaga si da denawa.

Isaia 48:1

Iakobo ‘ina susu ie, gete wa da nono, taudi ‘adi esana Iseraela, ta Iuda ‘ina boasiao ‘ediega si apwesama; taudi si ona‘upa‘upa Ieoba ‘ana esanega, ta Iseraela ‘ina Eaubada si ‘inana, ta nigea ona ‘ai‘ailega, nai bubuna paruparuiega.

Isaia 54:4

Gea‘abo ‘u matauta; gea‘abo ‘u da omaiamaia ta ‘enega: nai nuaio ‘i da owana; gea‘abo ‘amu omaiamaiamo ta ‘enega: ‘imu tuta gomagweine ‘ina omaiamaia ‘u da nuapupure ta ‘enega, ta ‘imu tuta ‘oabura ‘ana ‘ebesinara gea‘abo wate ‘u da nua‘i‘isina.

Isaia 54:5

‘Amu Tomwerurua mwaneio ta ‘enega: bodao ‘idi Ieoba ‘ana esana: ta Iseraela ‘ina Tabu Tebweuna tauna ‘amu to‐‘ewalimana; si da eesena bare‘u maibo‘ana ‘ina Eaubada.

Isaia 65:19

Ta Ierusalemega ia da guausoara, ta ‘igu tomota ‘ediega ia da ‘uiawana: ta dedoi ‘enana gea‘abo wate ‘ena si da nono, nai bwau ‘enana.