Isaia 65:1 - Buki Tabu Lowaenei 1919

¹ Taudi nigea manugu si eona ni‘atu ‘eguiega si eona; taudi nigea si ‘ebesegu taudi si lobegu: Ia gwae, Wa da ‘itegu, wa da ‘itegu, ‘asa nigea ‘agu esanega si eesena ‘enaia.

Isaia 65:1 ပူးပေါင်းရင်းမြစ်များ

Salamo 22:27

Bare‘u ‘ana ‘ebelosaroni iauiauna si da nua‘i‘isi ta Ieoba ‘ena si da sana‘ila: Ta ‘asa ‘idi boda iauiauna matamuia si da bwagobwago.

Isaia 11:10

Ta gete ‘i da apwesa asiata gote, Iese ramuna, tauna ‘i tooro tomotaiao ‘adi doe manuna, ‘ebeloinao ‘ena si da ‘ebesa; ta ‘ina ‘ebe‘eiawai‘ata ‘i da esaesa.

Isaia 40:9

‘Oio tetera bobo‘ana ‘u etetera Siona ‘ena, ‘u da tu‘e ‘oea kesora ‘enaia; ‘Oio tetera bobo‘ana ‘u etetera Ierusalema ‘ena, ‘enaio ‘u da gitu‘eiei waiwaiega; ‘u da gitu‘eiei, gea‘abo ‘u matauta; Iuda ‘ina ‘asa ‘edia ‘u da gwae, Wa ‘ita, ‘imi Eaubada!

Isaia 41:27

Nugana ia da ona Siona ‘ena, Wa ‘ita, wa ‘itedi; ta ‘e bweu tetera bobo‘ana ‘i me‘ena Ierusalema ‘ena ia da ‘ebwaea.

Isaia 43:1

Ta gete ‘enega Ieoba, tauna ‘i mweruruiio, Iakobo ie, ta tauna ‘i bubuio, Iseraela ie, gete nadigega ‘i gwae: Gea‘abo ‘u matauta, ni‘atu ia ‘ewalimemu ta ‘enega; ni‘atu ia bwauiemu ‘amu esanega, ‘oio ‘igu iage.

Isaia 45:22

Wa da ‘ita ‘eguia, ta wa da bobo‘ana, bare‘u ‘ina ‘ebelosaroniao iauiaumi: ‘abo‘agu Eaubada ta ‘enega, ta nigea wate ‘e bweu.

Isaia 55:5

U ‘ita, ‘ebeloina nigea ‘u mwaramwaratoni ‘u da bwauiena, ta ‘ebeloina ‘e bweuna nigea ‘i mwaratoniio ‘i da pili ‘emuia, Ieoba ‘imu Eaubada manuna, ta Iseraela ‘ina Tabu Tebweuna manuna; ni‘atu i ‘awaeseesemu ta ‘enega.

Isaia 63:19

‘Abo‘ama ni‘atu nadigega taudi nigea ‘e bweu tuta ‘u loinedi; nadigega taudi nigea si eesedi ‘amu esanega.