Isaia 64:8 - Buki Tabu Lowaenei 1919

⁸ Ta gete ‘enega, Ieoba ie, ‘oio tamama; ‘abo‘ama bwa‘adegudegu, ta ‘oio to bubu‘urena, ta iauiauma nimaio ‘ina guinua.

Isaia 64:8 ပူးပေါင်းရင်းမြစ်များ

Salamo 100:3

Wa da mwaratoni Ieoba tauna Eaubada: Tauna ‘i mweruruida, ta ‘abo‘ada ‘ina tomota; ‘Abo‘ada ‘ina tomota, ta ‘ina ‘ebe ‘e‘ai ‘ina sipiao.

Salamo 119:73

Nimaio si mweruruigu ta si bubugu: Sinasinapu ‘u da ‘ebwaegu, be ‘imu ona ia da nonodi.

Salamo 138:8

Iage manugu Ieoba ‘i da giebobo‘ai‘ailina: Ieoba ie, ‘imu nua‘ole‘ole ‘i mia ‘ataia; Nimaio tauio ‘idi guinuao gea‘abo ‘u da e‘idi‘idiedi.

Salamo 74:1

Eaubada ie, to‘ase manuna u ‘ula iaula ataema? To‘ase manuna ‘imu gamwasoara i ‘asu‘asu ‘imu pwatura ‘ina sipiao ‘edia?

Salamo 95:6

Wa da mai, be ta da tapwaroro ta kopukopu; Ieoba ‘ada To Mwerurua matanaia ‘aeda ta da tulasa:

Si Apwesa 32:12

To‘ase manuna me Aigupito si da gwae, si da ona, To‘umalina manuna ‘i ‘au‘ewedi, be ‘i unudi ‘oea ‘edia, ta bare‘u matanega ‘i loegumwaridi? ‘Imu gamwasoara didiga ‘enega ‘u da sana‘ilama, ta to‘umalina gete ‘imu tomota ‘edia manuna nuaio ‘i da ‘ebuni.

Si Apwesa 4:22

Ta ‘u da ona Parao ‘enaia, Gete nadigega Ieoba ‘i ona, Iseraela natugu me‘olotona, ‘igu tomatua:

Isaia 19:25

Bodao ‘idi Ieoba ‘i onaobobomedi ta ‘enega, ‘i gwae, Aigupito ‘igu tomota si da miabobo‘ana, ta Asiria nimaguao ‘idi ‘ebeguinua, ta Iseraela ‘igu ‘egu‘eguiai.

Isaia 29:16

‘Omi iage iauna wa gibunibunidi! To bubu‘urena ta da nuena ‘aene bwa‘a ‘atua; be ‘enega iage mwerumweruruina tauna to mwerurua manuna ‘i da gwae, Nigea ‘i mweruruigu; nai iage ‘i bubuna to bubuna manuna ‘i da gwae, Nigea ma‘ina sinasinapu?

Isaia 43:25

‘Abo‘agu, tuga ‘abo‘agu, tauna ‘imu li‘oa‐loina ‘i kweudi manugu taugu; ta ‘imu loegesiao gea‘abo ia da nua‘i‘isidi.

Isaia 43:7

‘E bweuna ‘e bweuna si bwauiedi ‘agu esanega, ta tauna ia mweruruina ‘igu esaesa manuna; ni‘atu ia bubuna; tamo, ia mweruruina.

Isaia 44:21

Iage getedi wa da nua‘i‘isi, Iakobo ie; ta Iseraela, ‘oio ‘igu toguinua ta ‘enega: ‘Abo‘agu ia mweruruimu; ‘oio ‘igu to guinua: Iseraela ie, gea‘abo ia da nuapupureio.

Isaia 44:24

Ieoba, ‘amu To‘ewalimana, ta tauna gamwega ‘i mweruruimu, gete nadigega ‘i gwae: ‘Abo‘agu Ieoba, tauna iage iauiauna ‘i mweruruidi; tauna tebweuna garewao ‘i lisidi: tauna bare‘u ‘i neasina; iaita ma‘ieagu?

Isaia 45:11

Gete nadigega Ieoba ‘i gwae, Iseraela ‘ina Tabu Tebweuna, ta ‘ana Tomwerurua: Iage si da mai manudi wa da eonegu; natuguao me‘olotodi manudi, ta nimaguao ‘idi guinua manuna, ‘eguia wa da loina.

Isaia 45:9

Tauna i ‘e‘upwa ‘ana Tomwerurua ma‘ieana oioi ‘enaia! keigaiga bare‘u ‘ina keigaiga gamwagamwanidia! Bwa‘a ‘i da ona tauna ‘i bubuna ‘ena, Toase ‘u mwerurua? nai ‘imu guinua, Nigea nimanamo?

Isaia 57:16

Nigea ia da e‘upwa ‘ataia ta ‘enega, ta nigea ia da gamwasoara ‘ataia: iaruiarua ‘i da mwawamwawasa mataguia ta ‘enega, ta iawasidi taudi ni‘atu ia mwerurua.

Isaia 60:21

‘Imu tomota wate iauiaudi si da paruparu, ‘asa si da ‘ewa ‘ataia; ‘igu asoa narina, nimaguao ‘idi guinua, be ‘enega ma‘igu esaesa.

Isaia 63:16

‘Oio tamama tuga ta ‘enega, ‘abo Aberaamo nigea ‘i mwaramwaratonima, ta Iseraela nigea i ‘awanatunema; ‘oio, Ieoba ie, ‘oio tamama; ‘amu esana ‘ama to‘ewalima tuta ‘ataia ‘enega.

Isaia 63:8

‘I gwae ta ‘enega, Ona ‘ai‘aila, taudi ‘igu tomota, natuguao nigea si da bubu kabokabo: nadigega tauna ‘adi to‘etoseana.

Isaia 9:6

Goama ‘i tubua ‘edaia ta ‘enega, natuda me‘olotona si ‘ebwaeda ta ‘enega; ta loina ‘i da miami ‘a‘aranaia: ta ‘ana esana si da eesena ‘Ebenuaowana, To E‘ita, Eaubada Waiwai, Tuta ‘ataia Tamana, Guguia ‘ana ‘Inapwana.