Isaia 64:7 - Buki Tabu Lowaenei 1919

⁷ Ta nigea ‘e bweu ‘amu esana ‘ena ‘i bwau, nai ‘i giewaiwaiena tauna be ‘i giiai‘i‘isiio: maniniio ‘u kwaiena ‘emega ta ‘enega, ta ‘u loegumwarima ‘ima bubuna bokoboko ‘ediega.

Isaia 64:7 ပူးပေါင်းရင်းမြစ်များ

Salamo 100:3

Wa da mwaratoni Ieoba tauna Eaubada: Tauna ‘i mweruruida, ta ‘abo‘ada ‘ina tomota; ‘Abo‘ada ‘ina tomota, ta ‘ina ‘ebe ‘e‘ai ‘ina sipiao.

Salamo 14:4

Bubuna bokobokona ‘ana to‐guinua iauiaudi nigea nai ‘e bweu ‘idi sinasinapu? Taudi ‘igu tomota si ‘egumwaridi na‘ieana palaua si ‘e‘ani, Ta nigea si bwau Ieoba ‘enaia.

Si Apwesa 32:12

To‘ase manuna me Aigupito si da gwae, si da ona, To‘umalina manuna ‘i ‘au‘ewedi, be ‘i unudi ‘oea ‘edia, ta bare‘u matanega ‘i loegumwaridi? ‘Imu gamwasoara didiga ‘enega ‘u da sana‘ilama, ta to‘umalina gete ‘imu tomota ‘edia manuna nuaio ‘i da ‘ebuni.

Isaia 1:15

Ta ‘ena nimami wa gilagata, matagu ia da e‘etokwaiedi ‘emiega: tamo, ‘ena wa sidasida iauna, gea‘abo ia da nono: nimami si maa rarega.

Isaia 27:5

Nai ‘igu pa‘ara ‘i da giiai, be ‘i da bubu guguia ma‘ieagu; tamo, ‘i da bubu guguia ma‘ieagu.

Isaia 45:9

Tauna i ‘e‘upwa ‘ana Tomwerurua ma‘ieana oioi ‘enaia! keigaiga bare‘u ‘ina keigaiga gamwagamwanidia! Bwa‘a ‘i da ona tauna ‘i bubuna ‘ena, Toase ‘u mwerurua? nai ‘imu guinua, Nigea nimanamo?

Isaia 50:2

Toase manuna, ‘ena ia mai, nigea ‘e bweu tai ‘i miami? Ena ia bwau, nigea ‘e bweu ‘i da onalimana nai? Nimagu ‘i kukupa nai, be ‘enega gea‘abo ‘i da ‘ewalima? Nai nigea ma‘igu waiwai be ia ‘etosee? Wa ‘ita, ‘igu ba‘eiega ora ia gieiapasina, boasi‘awa ia bubudi be si emitawa: ‘idi iana si mwa‘ulu, nigea ‘idi boasi ta ‘enega, ta si mwawasa tona‘adi ‘i iapasa manuna.

Isaia 54:8

Egamwagamwagu maa‘apu‘apu ‘ena maninigu ia kwaiena ‘emuiega tuta tomwanega; ta oboboma mia ‘ataiega ia da ‘atenua‘ole‘oleio, Ieoba ‘amu to ‘ewalimana ‘i gwae.

Isaia 56:4

Eunakao taudi ‘igu sabateao si ‘ita‘i‘isi, ta iage nuanuagu si ‘esinuedi, ta ‘igu ona‘upa‘upa si giiai, ‘idi Ieoba gete nadigega ‘i gwae ta ‘enega:

Isaia 57:17

‘Ina iato‘ai ‘ina bubuna bokoboko manuna ia gamwasoara ta ia ununa, maninigu ia kwaiena ta ia gamwasoara: ta ‘i tauia sanasana‘ila ‘atena ‘ina bubuna ‘enega.

Isaia 59:16

Ta i ‘ita nigea ‘e bweu tai, ta nuana ‘i owana nigea ‘e bweu to sida ta ‘enega; ta ‘enega tauna nimana ‘etoseana ‘i me‘ena ‘enaia; ta ‘ina bubuna paruparu, tauna ‘i giiaina.

Isaia 59:2

Ta ‘imi bubuna bokobokona si wearimi ‘omi ta ‘imi Eaubada mwatuimi, ta ‘imi loegesiao maninina si kwaiena ‘emiega, be gea‘abo ‘i da nono.

Isaia 59:4

Nigea ‘e bweu ‘i bwaubwau bubuna paruparuiega, ta nigea ‘e bweu ‘i eonaona ona‐‘ai‘ailega: iage besobeso ‘ena si ‘emisa, ta onakabokabo si oneone; wasegigiega si ‘euwana, ta bubuna bokoboko si enatunena.

Isaia 63:16

‘Oio tamama tuga ta ‘enega, ‘abo Aberaamo nigea ‘i mwaramwaratonima, ta Iseraela nigea i ‘awanatunema; ‘oio, Ieoba ie, ‘oio tamama; ‘amu esana ‘ama to‘ewalima tuta ‘ataia ‘enega.