Isaia 64:5 - Buki Tabu Lowaenei 1919

⁵ Tauna ‘i guausoara ta bubuna paruparu ‘i guinuei ‘oio ‘u lobena, taudi si nua‘i‘isiio ‘imu ‘edao ‘ediega: u ‘ita, ‘oio ‘u gamwasoara, ta ‘a loegesi: ‘edia ‘a miami tuta lowaeneiega, ta ‘a da bobo‘ana nai?

Isaia 64:5 ပူးပေါင်းရင်းမြစ်များ

Salamo 103:17

Ta Ieoba ‘ina nua‘ole‘ole taudi si ‘amaiabena ‘edia ‘i mia ‘ataia be ‘ataia, Ta ‘ina bubuna paruparu natunao natudiao ‘edia;

Salamo 112:1

Ieoba wa da tupuna. Tauna Ieoba ‘i matautena tauna ‘i bobo‘ana, Tauna ‘ina ona manudi ‘i guausoara sinabwana.

Salamo 25:10

Ieoba ‘ina ‘eda iauiauna si oboboma ta ona ‘ai‘aila Taudi ‘ina ona‘upa‘upa ta ‘ina simana si ‘ita‘i‘isidi ‘edia.

Salamo 37:4

Wate ‘u da eguausoara tauio Ieoba ‘enaia: Ta ‘ateio ‘ina ‘awanoi ‘i da ‘ebwaeio.

Si Apwesa 20:24

‘Ebetaria bwa‘a ‘u da bubuna ‘eguia, ta ‘ena ‘imu ‘ebwaeadaita gabugabudi ‘u da taria, ‘imu ‘ebwaeadaitao guguia, ‘imu sipiao, ta ‘imu bulomakau: esena ‘e bweuna ‘e bweuna ‘ena ‘agu esana ‘ana nua‘i‘isi ia da sa‘u ‘ena ia da mai ‘emuia ta ia da ‘awabobo‘aneio.

Si Apwesa 25:22

Ta ‘ena ia da lobaio, ta ia da onaona ma‘ieaio ‘auboda‐nua‘ole‘ole ‘etanega, ierubima ‘e rua, taudi ‘ebe‘e‘ita ‘ana dedewaga ‘ena si miami, gamwagamwanidia ediega, iage iauiauna manudi taudi ia da ‘ebwaemu ona ‘enega Iseraela tubunao ‘edia.

Si Apwesa 30:6

Ta ‘aubodakaleko, tauna ‘ebee‘ita ‘ana dedewaga deinaia ‘i miami, matanaia ‘u da sa‘u, ‘ebemia‐nua‘ole‘ole tauna ‘ebee‘ita debanaia ‘i miami matanaia, ‘ena ma‘ieaio ta da elobaloba.

Isaia 1:30

‘Omi wa da nadigega keigwana tauna iawana ‘i medarina, ta na‘ieana bagura nigea boasi namo.

Isaia 12:1

Ta asiata gote ‘enega ‘u da ona, Ieoba ie, ‘emuia ia da lokagutoki; lowa ‘u gamwasoara ‘eguia, ga ‘imu gamwasoara i ‘ilawa, ta ‘igu mia bobo‘ana ‘u sa‘una ta ‘enega.

Isaia 26:13

Ieoba ie ‘ima Eaubada, mari ‘inapwanao ta ‘oio nigea, ni‘atu si loina ‘emaia; ta tebweuio ‘emuiega ‘amu esana ‘a da ‘inana.

Isaia 27:8

Gete tugai, ‘ena ‘u etunenawa, ‘u losaia ma‘ieana; ni‘atu ‘i tauiena ‘ina iagila dakadaka ‘enega bomatu ‘ina asiata ‘enega.

Isaia 63:10

Ta si loguitoasa, ta ‘ina iaruiarua tabu si gie‘ate‘uiena: ta ‘enega ‘i gibuni be ‘adi tarauwara, ta tauna ‘i losaia ‘edia.

Isaia 63:7

Ieoba ‘ina oboboma nua‘ole‘oleiao ia da ‘inana, ta Ieoba ‘ana tuputupuiao, nadigega iage maibo‘ana Ieoba i ‘ebwaeda; ta bobo‘ana sinabwana Iseraela ‘ina susu ‘enaia, tauna i ‘ebwaedi nadigega ‘ina nua‘ole‘oleiao, ta nadigega ‘ina oboboma ‘ana iau.