Isaia 63:8 - Buki Tabu Lowaenei 1919

⁸ ‘I gwae ta ‘enega, Ona ‘ai‘aila, taudi ‘igu tomota, natuguao nigea si da bubu kabokabo: nadigega tauna ‘adi to‘etoseana.

Isaia 63:8 ပူးပေါင်းရင်းမြစ်များ

Nugana 17:7

Ta ‘igu ona‘upa‘upa ia da sa‘u ‘eguia ta ‘emuia ta tubumuao murimuia ‘idi epatatomota ‘edia be ‘i da ona‘upa‘upa ‘ataia, be ia da Eaubada ‘emuia ta tubumuao murimuia ‘edia.

Salamo 106:21

Eaubada ‘idi To ‘Etoseana si nuapupurena, Tauna iage sinabwadi ‘i guinuedi Aigupito ‘enaia;

Si Apwesa 14:30

Nadigega Ieoba Iseraela i ‘etoseena asiata gote me Aigupito nimadiega; ta Iseraela me Aigupito si ‘itedi si mwawasa ora dabaraia.

Si Apwesa 24:7

Ta ona‐‘upa‘upa ‘ana buki i ‘ewena, ta tomota tenadia ‘i sawena: ta si gwae, Iage iauiauna Ieoba ni‘atu ‘i oneonedi ‘a da guinua, ta ‘a da ematamatana.

Si Apwesa 3:7

Ta Ieoba ‘i ona, ‘Igu tomota Aigupito ‘ena ‘idi elo‘uia ni‘atu ia ‘ita ‘ai‘ailina, ta ‘idi bwau ‘idi to‐loina‐guinua manudi ni‘atu ia nonona; ‘idi ‘ate‘uia‘uia ia mwaramwaratoni ta ‘enega;

Si Apwesa 6:7

ta ia da ‘au‘ewemi ‘eguia ‘igu tomota, ta ‘Abo‘agu Eaubada ‘emia; ta wa da mwaratoni ‘aene ‘abo‘agu Ieoba ‘imi Eaubada, tauna me Aigupito ‘idi ‘a‘ara ‘agaraunega i ‘au‘ewemi.

Isaia 12:2

Wa ‘ita, Eaubada ‘agu ‘etoseana; ia da ‘emisa, ta gea‘abo ia da ‘atesa‘ara; Eaubada Ieoba tauna ‘igu waiwai ta ‘igu wariwari ta ‘enega; ta tauna ni‘atu ‘agu ‘etoseana.

Isaia 19:20

Ta ‘i da we‘iwe‘iiaia manuna ta ‘ebe‘ita manuna bodao ‘idi Ieoba ‘enaia ‘asa Aigupito ‘enaia: si da bwau Ieoba ‘ena ta ‘enega to‐didiga manudi, ta to ‘etoseana ‘i da etunena ‘edia, ta to leme, ta ‘i da ‘etoseedi.

Isaia 3:15

To‘ase ‘imi nuanua ‘igu tomota wa e‘upwe‘upwedi ta gomabeso maninidi wa dai? ‘Inapwana, Bodao ‘idi Ieoba, ‘i gwae.

Isaia 41:8

Ta ‘oio, Iseraela, ‘igu ‘ari‘ei, Iakobo tauna ia ‘esinuena, Aberaamo gosiagu tubuna;

Isaia 43:11

‘Abo‘agu, tuga ‘Abo‘agu, taugu Ieoba: ta ‘abo‘agu nigea, to‐‘etoseana nigea ‘e bweu.

Isaia 43:3

‘Abo‘agu Ieoba ‘imu Eaubada, Iseraela ‘ina Tabu Tebweuna, ‘amu to‐‘eto‐seana; Aigupito ia ‘ebwaea ‘amu e‘isa, Aitiope ta Seba manuio.

Isaia 51:4

‘Omi ‘igu tomota, ‘eguia wa da sana‘ilama; ‘Oio ‘igu ‘asa, ‘eguia ‘u da enonotenasi: loina ‘i da tauiawa ‘eguiega ta ‘enega, ta ‘igu etara ia da sa‘u ‘ai‘aili tomota ‘idi ma‘edana manuna.

Isaia 57:11

Ta iaita manuna ‘u matauta ta u ‘atesa‘ara, ta ‘enega ‘u onakabokabo, ta nigea ‘u nua‘i‘isigu, nai ‘ateio ‘ena ‘u sa‘u? nigea nai ia enono tuta dudurana ‘enega, ta nigea ‘u matautegu?

Isaia 60:16

‘Ebeloinao ‘idi susu ‘u da numa wate, ta kiniao susudi ‘u da esusu: ta ‘u da mwaratoni ‘aene ‘abo‘agu Ieoba ‘abo‘agu ‘amu To‘Etoseana, ta ‘amu to‘ewalima, Iakobo ‘ina Waiwai Tebweuna.

Isaia 64:8

Ta gete ‘enega, Ieoba ie, ‘oio tamama; ‘abo‘ama bwa‘adegudegu, ta ‘oio to bubu‘urena, ta iauiauma nimaio ‘ina guinua.

Isaia 64:9

Ieoba ie, gea‘abo ‘u da gamwasoara didiga, nai bubuna bokoboko ‘u da nua‘i‘isi ‘ataia: u ‘ita, ‘u da dune, ‘a sideio, iauiauma ‘imu tomota.