Isaia 63:7 - Buki Tabu Lowaenei 1919

⁷ Ieoba ‘ina oboboma nua‘ole‘oleiao ia da ‘inana, ta Ieoba ‘ana tuputupuiao, nadigega iage maibo‘ana Ieoba i ‘ebwaeda; ta bobo‘ana sinabwana Iseraela ‘ina susu ‘enaia, tauna i ‘ebwaedi nadigega ‘ina nua‘ole‘oleiao, ta nadigega ‘ina oboboma ‘ana iau.

Isaia 63:7 ပူးပေါင်းရင်းမြစ်များ

Salamo 103:2

Iaruiaruagu ie, Ieoba ‘u da tupuna, Ta ‘ina guinua bobo‘adi iauiauna gea‘abo ‘u nuapupuredi:

Salamo 107:15

‘Eguma tai Ieoba si da tupuna ‘ina bubuna bobo‘ana manuna, Ta ‘ina guinua to sinabwa sadi manuna tai natudiao ‘edia!

Salamo 107:21

Eguma tai Ieoba si da tupuna ‘ina bubuna bobo‘ana manuna, Ta ‘ina guinua to sinabwa sadi manuna tai natudiao ‘edia!

Salamo 107:31

‘Eguma tai Ieoba si da tupuna ‘ina bubuna bobo‘ana manuna, Ta ‘ina guinua to sinabwa sadi manuna tai natudiao ‘edia!

Salamo 107:8

‘Eguma tai Ieoba si da tupuna ‘ina bubuna bobo‘ana manuna, Ta ‘ina guinua to sinabwa sadi manuna tai natudiao ‘edia!

Salamo 145:7

‘Imu bobo‘ana sinabwana ‘ana ‘ebenua‘i‘isi si da ‘inane, Ta ‘imu bubuna paruparuna manuna si da wari.

Salamo 25:6

Ieoba ie, ‘imu nua‘ole‘ole nuadi ta ‘imu obobomaiao ‘u da nua‘i‘sidi; Taudi lowaenei ‘ataia ta ‘enega.

Salamo 51:1

Eaubada ie, ‘u da ‘atenua‘ole‘oleiegu, ‘imu oboboma‐nua‘oleole na‘ieana; Na‘ieana ‘imu nua‘ole‘ole nuana ‘ana iauiaudidigana ‘igu li‘oaloina ‘u da kweudi.

Salamo 63:3

Imu nua‘ole‘ole oboboma ‘i bobo‘ana wawasae iawasigu ‘enaia ta ‘enega; Sopagu si da tupuio.

Salamo 86:15

Ta ‘oio, ‘Inapwana ie, ‘oio Eaubada nua‘ole‘ole ta oboboma ‘ediega ‘u maa, Gamwasoara manuna ‘u so‘iso‘i, ta ‘imu nua‘ole‘ole ta ona ‘ai‘aila si ‘elosinabwa.

Salamo 86:5

‘Oio ta ‘enega, ‘Inapwana, ‘u bobo‘ana, ta to‘umalina ‘u kweu manini, Ta iauiaudi ‘emuia si bwau ‘edia ‘u nua‘ole‘ole sinabwana.

Salamo 92:2

Be ‘imu oboboma nua‘ole‘ole ‘a da e‘ita apwesa gonagonaia, Ta ‘imu bubuna ‘ai‘aila boiboi iauiauna,

Si Apwesa 18:9

Ta Ietoro ‘i guausoara bubuna bobo‘ana iauiauna Ieoba ‘i guinua ni‘atu Iseraela ‘ena manuna, i ‘etoseedi me Aigupito nimadiega ta ‘enega.

Isaia 26:13

Ieoba ie ‘ima Eaubada, mari ‘inapwanao ta ‘oio nigea, ni‘atu si loina ‘emaia; ta tebweuio ‘emuiega ‘amu esana ‘a da ‘inana.

Isaia 51:2

Aberaamo tamami ‘ena wa da ‘ita, ta sinami Sara ‘enaia; ‘ena tauna ‘e bweunamo ia bwauiena ta ‘enega, ta ia ona obobomena, ta ia gieiauiena.

Isaia 54:10

‘Oea sinabwadi si da sawara ta ‘enega, ta ‘oea gidaridi si da tauia: ta ‘igu oboboma gea‘abo ‘i da pilisineio, nai ‘igu ona‘upa‘upa guguia ‘i da tauia, Ieoba tauna i ‘atenua‘ole‘oleio ‘i gwae.

Isaia 54:7

Tuta tomwana gidarina ia e‘idi‘idiemu ta ‘enega; ta nua‘ole‘ole sinabwadi ‘ediega ia da egogoneio.

Isaia 54:8

Egamwagamwagu maa‘apu‘apu ‘ena maninigu ia kwaiena ‘emuiega tuta tomwanega; ta oboboma mia ‘ataiega ia da ‘atenua‘ole‘oleio, Ieoba ‘amu to ‘ewalimana ‘i gwae.

Isaia 55:7

To to‘umalina ‘ina ‘eda ‘i da pilisinena, ta tai nigea bubuna paruparu ‘ina nuanua: ta Ieoba ‘ena ‘i da ‘ilama, ta ‘i da ‘atenua‘ole‘oleiena: ta ‘ida Eaubada ‘ena, tauna to‘umalina ‘i da giekweu ‘ai‘ailina ta ‘enega.

Isaia 64:5

Tauna ‘i guausoara ta bubuna paruparu ‘i guinuei ‘oio ‘u lobena, taudi si nua‘i‘isiio ‘imu ‘edao ‘ediega: u ‘ita, ‘oio ‘u gamwasoara, ta ‘a loegesi: ‘edia ‘a miami tuta lowaeneiega, ta ‘a da bobo‘ana nai?