Isaia 62:4 - Buki Tabu Lowaenei 1919

⁴ Gea‘abo wate si da eesemu ‘E‘idi‘idiena, nai ‘imu ‘asa si da eesena Waborebore: ta si da eesemu Episibaa, ta ‘imu ‘asa Beula: Ieoba ‘i guausoara manuio ta ‘enega, ta ‘imu ‘asa ‘i da ai.

Isaia 62:4 ပူးပေါင်းရင်းမြစ်များ

Salamo 149:4

Ieoba ‘i uiawana ‘ina tomota manudi ta ‘enega: Taudi ‘idi bubuna nuana ‘adi ‘ita ‘i da giebobo‘anena ‘etoseanega.

Salamo 16:3

Ta Taudi to iaruiarua‐‘esasena bare‘uia si miami manudi, Taudi bobo‘ai‘ailidi ‘edia ‘igu uiawana maibo‘ana ‘i miami.

Isaia 49:14

Ta Siona ‘i gwae, Ieoba ‘i e‘idi‘idiegu, ta ‘Inapwana ‘i nuapupuregu.

Isaia 54:1

‘U da wari, Oio megagariio, ‘oio nigea ‘u enatuna; ‘u da weari wari ‘ena, ta ‘u da bwau toila, ‘oio nigea ‘u edaedadama goama manuna: to miawaborebore natunao si iauwawasae ta ‘enega to ai mewainena natunao ‘edia, Ieoba ‘i gwae.

Isaia 60:15

Lowa si e‘idi‘idiemu ta si guitoasemu, ta ‘enega nigea ‘e bweu tai ‘i rubwareio, ta gete ia da bubuio be ‘u da bobo‘ai‘ailina ‘ataia, ‘epata tomota iauna ‘idi ‘ebeguausoara.

Isaia 60:18

Didiga gea‘abo wate si da nono ‘imu ‘asa ‘enaia, waborebore nai saoora ‘imu rabao gamwagamwanidia; ta ‘imu ‘ari‐gurewa ‘u da eesedi ‘Etoseana, ta ‘imu ‘eberuguiao Tuputupu.

Isaia 61:10

Ieoba ‘enega ia da guausoara sinabwana, iaruiaruagu ‘i da guausoara ‘igu Eaubada ‘enega; ni‘atu ‘i e‘otegu ‘etoseana ‘ana ‘oama ‘ediega ta ‘enega, bubuna paruparu ‘ana tara‘apwarega ni‘atu ‘i bodegu, ‘atua toai me‘olotona ‘i eiarina tauna iaiarega, ta ‘atua toai mewainena ‘i eiarina tauna ‘ina oesiega.

Isaia 62:12

Ta si da eesedi Tomota tabu, Ieoba ‘ana ‘ewa‘ewalima: ta si da eeseio ‘Ebe‘ebesaio, ‘Asa nigea si e‘idi‘idia.

Isaia 62:2

Ta ‘ebeloinao ‘imu bubuna paruparu si da ‘ita, ta kiniao iauiaudi ‘imu esaesa: ta ‘amu esana ‘i da auauna, tauna Ieoba ‘awana ‘i da ‘inana.

Isaia 62:5

Na‘ieana tubuau gomagweine ‘i aina ta ‘enega, nadigega natumuao me‘olotodi si da ai ma‘ieaio: ta na‘ieana toai me‘olotona mwanena manuna ‘i guausoara, nadigega ‘imu Eaubada ‘i da guausoara manuio.

Isaia 65:19

Ta Ierusalemega ia da guausoara, ta ‘igu tomota ‘ediega ia da ‘uiawana: ta dedoi ‘enana gea‘abo wate ‘ena si da nono, nai bwau ‘enana.