Isaia 61:7 - Buki Tabu Lowaenei 1919

⁷ ‘Imi omaiamaia manuna girua wa da ‘ewa: ta nuaowana manuna si da guausoara ‘idi esena ‘enaia: ta ‘enega ‘idi ‘asa ‘ena e rua si da ‘ewa: guausoara ‘ataia ‘i da miami ‘edia.

Isaia 61:7 ပူးပေါင်းရင်းမြစ်များ

Salamo 126:5

Taudi si ‘aso mataseruiega si da sesoi guausoarega.

Salamo 16:11

Iawasi‐‘arena ‘ina ‘eda ‘u da e‘itagu: Matamuia guausoara maibo‘ana ‘i miami; ‘Ataimuia ‘ebeguausoara ‘ena si mia ataia.

Isaia 35:10

Ta Ieoba ‘ina lagwalagwadi si da ‘ilama, ta Siona ‘ena si da mai wariega; ta guausoara mia ‘ataia debadi, ‘edia ‘i da miami: ‘uiawana ta guausoara si da ‘ewa, ta dedoi be eiawasilagalaga si da denawa.

Isaia 40:2

Ierusalema ‘atena ‘ena wa da ona, ta ‘ena wa da bwau, ‘ana tuta saia ni‘atu ‘i gumwara, ‘ina bubuna bokobokona ni‘atu ‘i kweu; ni‘atu Ieoba nimanega ‘e rua si ‘ewena ‘ina loegesi iauiauna manudi.

Isaia 51:11

Ta Ieoba ‘ina li‘ali‘amidi si da ‘ilama, ta Siona ‘ena si da mai wariwariega; ta guausoara ‘ataia debadia ‘i da miami: guausoara ta ‘uiawana si da ‘ewa, ta dedoi be eiawasilagalaga si da dena.

Isaia 54:4

Gea‘abo ‘u matauta; gea‘abo ‘u da omaiamaia ta ‘enega: nai nuaio ‘i da owana; gea‘abo ‘amu omaiamaiamo ta ‘enega: ‘imu tuta gomagweine ‘ina omaiamaia ‘u da nuapupure ta ‘enega, ta ‘imu tuta ‘oabura ‘ana ‘ebesinara gea‘abo wate ‘u da nua‘i‘isina.

Isaia 60:15

Lowa si e‘idi‘idiemu ta si guitoasemu, ta ‘enega nigea ‘e bweu tai ‘i rubwareio, ta gete ia da bubuio be ‘u da bobo‘ai‘ailina ‘ataia, ‘epata tomota iauna ‘idi ‘ebeguausoara.

Isaia 60:21

‘Imu tomota wate iauiaudi si da paruparu, ‘asa si da ‘ewa ‘ataia; ‘igu asoa narina, nimaguao ‘idi guinua, be ‘enega ma‘igu esaesa.

Isaia 65:13

Ta ‘enega gete nadigega ‘Inapwana Eaubada ‘i gwae, Wa ‘ita, ‘igu to‐guinuao si da ‘e‘ai, ta wa da botana: wa ‘ita, ‘igu toguinuao si da numa, ta ‘omi tona‘ami ‘i da iapasa: wa ‘ita, ‘igu to‐guinuao si da guausoara, ta ‘omi wa da omaiamaia: