Isaia 61:10 - Buki Tabu Lowaenei 1919

¹⁰ Ieoba ‘enega ia da guausoara sinabwana, iaruiaruagu ‘i da guausoara ‘igu Eaubada ‘enega; ni‘atu ‘i e‘otegu ‘etoseana ‘ana ‘oama ‘ediega ta ‘enega, bubuna paruparu ‘ana tara‘apwarega ni‘atu ‘i bodegu, ‘atua toai me‘olotona ‘i eiarina tauna iaiarega, ta ‘atua toai mewainena ‘i eiarina tauna ‘ina oesiega.

Isaia 61:10 ပူးပေါင်းရင်းမြစ်များ

Nugana 24:53

Ta ‘ari‘ei nina oesi sileba be, oesi gola be, ‘oama be, ‘i me‘ena ta Rebeka i ‘ebwaena: wate gwegwe bobo‘ai‘ailidi nuuna ta sinana i ‘ebwaedi.

Salamo 132:16

‘Ina to tariao wate ia da e‘otedi ‘etoseanega: Ta ‘ina to‐esasenao si da bwau toila guausoara manuna.

Salamo 132:9

‘Imu to‐tariao si da e‘oama bubuna paruparuiega; Ta ‘imu to‐esasenao si da bwau guausoara manuna.

Salamo 28:7

Ieoba tauna ‘igu waiwai ta ‘igu lawa; ‘Ategu ni‘atu ‘ena i ‘emisa, ta leme ia ‘ewena: Ta ‘enega ‘ategu ‘i guausoara sinabwana; Ta ‘igu wariega ia da tupuna.

Salamo 35:9

Ta iaruiaruagu ‘i da guausoara Ieoba ‘enaia: ‘I da guausoara ‘ana ‘etoseana ‘enaia.

Isaia 12:1

Ta asiata gote ‘enega ‘u da ona, Ieoba ie, ‘emuia ia da lokagutoki; lowa ‘u gamwasoara ‘eguia, ga ‘imu gamwasoara i ‘ilawa, ta ‘igu mia bobo‘ana ‘u sa‘una ta ‘enega.

Isaia 12:2

Wa ‘ita, Eaubada ‘agu ‘etoseana; ia da ‘emisa, ta gea‘abo ia da ‘atesa‘ara; Eaubada Ieoba tauna ‘igu waiwai ta ‘igu wariwari ta ‘enega; ta tauna ni‘atu ‘agu ‘etoseana.

Isaia 17:10

‘Amu ‘etoseana ‘ina Eaubada ‘u nuapupurena ta ‘enega, ta ‘imu waiwai ‘ina gurewa nigea ‘u nuena; ta ‘enega kaiwe ‘adi ‘ita bobo‘ana u ‘asodi, ta ‘u badina kaiwe ‘upwa‘upwadi dumadumadi ‘ediega:

Isaia 25:1

Ieoba ie, ‘oio ‘igu Eaubada; ia da sa‘u tu‘eieio, ‘amu esana ia da tupuna; iage to sinabwasidi ‘u guinuedi ta ‘enega, nuanua lowaeneiega, bubuna ‘ai‘aila ta ona ‘ai‘aila ‘ediega.

Isaia 25:9

Ta asiata gote ‘enega si da gwae, Wa ‘ita, gete ‘ida Eaubada; manuna ta iamwaiamwa, ta ‘i da ‘etoseeda; gete Ieoba; manuna ta iamwaiamwa, ta da uiawana be ta da guausoara ‘ina ‘etoseana ‘enega.

Isaia 35:10

Ta Ieoba ‘ina lagwalagwadi si da ‘ilama, ta Siona ‘ena si da mai wariega; ta guausoara mia ‘ataia debadi, ‘edia ‘i da miami: ‘uiawana ta guausoara si da ‘ewa, ta dedoi be eiawasilagalaga si da denawa.

Isaia 41:16

‘U da louweuwenunudi, ta iagila ‘i da ‘ewa iauledi, ta bwawabwawa ‘i da lelewanedi: ta ‘u da guausoara Ieoba ‘ena, ‘u da lotuputupu Iseraela ‘ina Tabu Tebweuna ‘enaia.

Isaia 48:18

‘Eguma ‘igu ona ni‘atu ‘u nonodi! ga ‘imu guguia ‘i da boasi‘awa ‘atua, ta ‘imu bubuna paruparu ora ‘ina lisuiao nadigega:

Isaia 49:18

Wa da dunedune tu‘e dadana, ta wa da ‘ita: iauiaudi getedi si egogona rererea, ta si mai ‘emuia. Maiawasigu, Ieoba ‘i gwae, ‘u da e‘ote‘ai‘ailiio iauiaudi ‘ediega na‘ieana ‘ebeiarega, ta ‘u da logadiwaniio ‘ediega, nadigega to ai mewainena.

Isaia 49:4

Ta ia gwae, Ni‘atu ia guinua besobeso, ‘igu waiwai ia loegumwarina iage nigea ‘e bweu ta iage besobeso manudi: ta ‘igu etara Ieoba ma‘ieana ‘ai‘aila, ta ‘igu e‘isa ‘igu Eaubada ma‘ieana.

Isaia 51:11

Ta Ieoba ‘ina li‘ali‘amidi si da ‘ilama, ta Siona ‘ena si da mai wariwariega; ta guausoara ‘ataia debadia ‘i da miami: guausoara ta ‘uiawana si da ‘ewa, ta dedoi be eiawasilagalaga si da dena.

Isaia 51:3

Ieoba Siona ‘ana guausoara ‘i sa‘u ta ‘enega: ‘ina esena waborebore iauiaudi ‘adi guausoara ‘i sa‘u, ta ‘ina mitawa ‘i bubuna Edena nadigega, ta ‘ina kaukaudaisinamo nadigega Ieoba ‘ina bagura; guausoara ta ‘uiawana si da lobedi ‘enaia, lotuputupu, ta wari ‘ai‘aila ‘enana.

Isaia 52:1

‘U da tooro, ‘u da tooro, ‘imu waiwai ‘u da ‘otena, Siona ie; ‘amu ‘oama ‘adi ‘ita bobo‘ana ‘u da ‘otedi, Ierusalema ie, ‘asa tabu: gete ‘enega ta muriega gea‘abo wate taudi nigea si lodaba ta nigea si ‘esasena ‘emuia si da rugu ta ‘enega.

Isaia 56:7

Tuga taudi ia da ‘au‘ewedima ‘igu ‘oea tabu ‘enaia, ta ‘igu anua ‘ebesidasida ‘ena ‘adi guausoara ia da sa‘u; ‘idi ‘ebwaeadaita‐gabugabudi ta ‘idi tariao ia da nuanuana ‘igu ‘ebetaria ‘enaia: ‘igu anua si da eesena sidasida ‘ina anua tomota iauiaudi manudi ta ‘enega.

Isaia 58:14

Ga tauio ‘u da ‘uiawana Ieoba ‘enaia: ta ia da bubuio be bare‘u ‘ina esena lo‘etanidi ‘edia ‘u da geru; ta ia da e‘eniio Iakobo tamaio ‘ina ‘egu‘eguiaiega: Ieoba ‘awana ni‘atu i ‘inana ta ‘enega.

Isaia 61:3

Be taudi si dedo Siona ‘ena ia da aseiedi, ia da ‘ebwaedi iiara karikau ‘ana lopa‘eru, guausoara ‘ina bunama ‘ewabamu ‘ana lopa‘eru, tuputupu ‘ana ‘oama iaruiarua mwaumwau ‘ana lopa‘eru; be ‘enega si da eesedi bubuna paruparu ‘ina kaiweao, Ieoba ‘ana ‘aso‘aso, be ‘enega si da ‘awaeseeseiena.

Isaia 65:18

Ta wa da guausoara ta wa da ‘uiawana ‘ataia iage ia mweruruina ‘enega: wa ‘ita, ta ‘enega, Ierusalema ia mweruruina ‘ebeguausoara, ta ‘ina tomota ‘ebe‘uiawana.