Isaia 60:20 - Buki Tabu Lowaenei 1919

²⁰ ‘Imu sinara gea‘abo wate ‘i da sugua, nai ‘imu nawarae ‘i da kwaiena tauna: Ieoba ‘i da ‘imu ma‘edana ‘ataia ta ‘enega, ta ‘imu ‘ewabamu ‘ana asiatao si da gumwara.

Isaia 60:20 ပူးပေါင်းရင်းမြစ်များ

Salamo 27:1

Ieoba ‘igu ma‘edana ta ‘agu ‘etoseana; iaita ia da matautena? Ieoba iawasigu ‘ina waiwai; iaita manuna ia da ‘atesa‘ara?

Salamo 84:11

Ieoba Eaubada Tauna sinara ta lawa ta ‘enega: Ieoba nua‘ole‘ole ta esaesa ‘i da ‘ebwaea: Taudi si tauia ‘ai‘aila gea‘abo ‘e bweu iage bobo‘ana ‘ediega ‘i da egagare.

Isaia 24:23

Ga nawarae ‘i da nua‘owana, ta sinara ‘i da omaiamaia; bodao ‘idi Ieoba ‘i da loiloina ‘oea Siona ‘enaia ta ‘enega, ta Ierusalema ‘ena, ta ‘ina ‘ina‘inapwanao matadia ma‘ina esaesa.

Isaia 25:8

Mwawasa ni‘atu ‘i tonena ‘ataia; ta ‘Inapwana Eaubada mataseru ‘i da lo‘i‘ili iaulei iauiaudi maninidiega; ta ‘ina tomota ‘adi ‘ebesinasinara ‘i da ‘ewa bare‘u maibo‘anega: Ieoba ni‘atu ‘i oneonena ta ‘enega.

Isaia 30:19

Tomota Siona ‘ena si da miami Ierusalema ‘enaia ta ‘enega: gea‘abo wate ‘u da dedoi; ‘imu bwau ‘enanega ‘i da nua‘ole‘ole ‘ai‘aila ‘emuia; ‘ena ‘i da nono, ‘i da ona limana ‘emuia.

Isaia 30:26

Wate nawarae ‘ina ma‘edana ‘i da na‘ieana sinara ‘ina ma‘edana, ta sinara ‘ina ma‘edana ‘i da esebeni, ‘atua asiata ‘e sebeni ‘adi ma‘edana, asiata nina ‘enega Ieoba ‘ina tomota ‘idi elo‘uia ‘i paimina, ta ‘idi ‘abiiama ‘ina ‘ebeunua ‘i giebobo‘anena.

Isaia 35:10

Ta Ieoba ‘ina lagwalagwadi si da ‘ilama, ta Siona ‘ena si da mai wariega; ta guausoara mia ‘ataia debadi, ‘edia ‘i da miami: ‘uiawana ta guausoara si da ‘ewa, ta dedoi be eiawasilagalaga si da denawa.

Isaia 51:11

Ta Ieoba ‘ina li‘ali‘amidi si da ‘ilama, ta Siona ‘ena si da mai wariwariega; ta guausoara ‘ataia debadia ‘i da miami: guausoara ta ‘uiawana si da ‘ewa, ta dedoi be eiawasilagalaga si da dena.

Isaia 60:1

‘U da tooro, ‘u da sae; ‘imu ma‘edana ni‘atu ‘i mai ta ‘enega, ta Ieoba ‘ina esaesa ‘i apwesa ‘emuia.

Isaia 61:3

Be taudi si dedo Siona ‘ena ia da aseiedi, ia da ‘ebwaedi iiara karikau ‘ana lopa‘eru, guausoara ‘ina bunama ‘ewabamu ‘ana lopa‘eru, tuputupu ‘ana ‘oama iaruiarua mwaumwau ‘ana lopa‘eru; be ‘enega si da eesedi bubuna paruparu ‘ina kaiweao, Ieoba ‘ana ‘aso‘aso, be ‘enega si da ‘awaeseeseiena.

Isaia 65:19

Ta Ierusalemega ia da guausoara, ta ‘igu tomota ‘ediega ia da ‘uiawana: ta dedoi ‘enana gea‘abo wate ‘ena si da nono, nai bwau ‘enana.