Isaia 60:16 - Buki Tabu Lowaenei 1919

¹⁶ ‘Ebeloinao ‘idi susu ‘u da numa wate, ta kiniao susudi ‘u da esusu: ta ‘u da mwaratoni ‘aene ‘abo‘agu Ieoba ‘abo‘agu ‘amu To‘Etoseana, ta ‘amu to‘ewalima, Iakobo ‘ina Waiwai Tebweuna.

Isaia 60:16 ပူးပေါင်းရင်းမြစ်များ

Si Apwesa 6:7

ta ia da ‘au‘ewemi ‘eguia ‘igu tomota, ta ‘Abo‘agu Eaubada ‘emia; ta wa da mwaratoni ‘aene ‘abo‘agu Ieoba ‘imi Eaubada, tauna me Aigupito ‘idi ‘a‘ara ‘agaraunega i ‘au‘ewemi.

Isaia 1:24

Ta ‘enega ‘Inapwana ‘i gwae, bodao ‘idi Ieoba, Iseraela ‘ina Toewaiwai, ‘Abo‘agu to loguitoasao ia da ‘ewa‐iauledi, ta ia da e‘isegu ‘agu tarauwarao manudi:

Isaia 12:6

Wa da ona toila ta wa da bwau, ‘oio Siona ‘ana tomi: Iseraela ‘ina Tabu Tebweuna ‘i sinabwa gamwagamwaniio ta ‘enega.

Isaia 19:20

Ta ‘i da we‘iwe‘iiaia manuna ta ‘ebe‘ita manuna bodao ‘idi Ieoba ‘enaia ‘asa Aigupito ‘enaia: si da bwau Ieoba ‘ena ta ‘enega to‐didiga manudi, ta to ‘etoseana ‘i da etunena ‘edia, ta to leme, ta ‘i da ‘etoseedi.

Isaia 25:9

Ta asiata gote ‘enega si da gwae, Wa ‘ita, gete ‘ida Eaubada; manuna ta iamwaiamwa, ta ‘i da ‘etoseeda; gete Ieoba; manuna ta iamwaiamwa, ta da uiawana be ta da guausoara ‘ina ‘etoseana ‘enega.

Isaia 29:24

Taudi wate si loegesi iaruiaruadi ‘enega sinasinapu si da mwaratoni, ta taudi si ona mugimugi e‘ita‘ita si da nonona.

Isaia 33:22

Ieoba ‘ida to loina ta ‘enega, Ieoba ‘ida to ‘ebwae‐loina, Ieoba ‘ida king; ‘i da ‘etoseeda.

Isaia 43:11

‘Abo‘agu, tuga ‘Abo‘agu, taugu Ieoba: ta ‘abo‘agu nigea, to‐‘etoseana nigea ‘e bweu.

Isaia 45:15

Ona ‘ai‘aila ‘oio Eaubada ‘u kwaiemu, Iseraela ‘ina Eaubada ie, To ‘Etoseana.

Isaia 45:21

Wa da simana, ta wa da apwesenama; tamo, si da onaona rererea: ‘iaita gete ‘i e‘ita tuta lowaeneiega? Iaita ‘i simana lowaeneiega? nigea nai ‘Abo‘agu Ieoba? ta nigea wate ‘e bweu Eaubada tebweugumo; Eaubada loina ‘ai‘ailina ta to‐‘etoseana: nigea wate ‘e bweu tebweugumo:

Isaia 49:23

Ta kiniao si da tamamuao to amwamwa, ta ‘idi kuiniao sinamuao to amwamwa: si da bwagobwago sana mwa‘uta bare‘uia ‘emuia, ta ‘aeio ‘ina kau si da loiamosi: ta ‘u da mwaratoni ‘abo‘agu Ieoba, ta taudi si iamwaiamwa manugu gea‘abo si da omaiamaia.

Isaia 49:26

Ta taudi si giemwa‘utemi ia da ‘e‘enidi taudi esiodi ‘enega: ta si da elolaulausi taudi raradiega, ‘atua oine dibidibiega: ta esio maibo‘ana ‘i da mwaratoni ‘aene ‘abo‘agu Ieoba ‘imu to‐‘etoseana, ta ‘amu to ‘ewa limana, Iakobo ‘ina Waiwai Tebweuna.

Isaia 52:6

Ta ‘enega ‘igu tomota ‘agu esana si da mwaratoni: ta ‘enega asiata gote ‘enega si da mwaratoni ‘aene ‘abo‘agu tauna ‘i onaona; wa ‘ita, ‘Abo‘agu.

Isaia 59:20

Ta to‐‘ewalima ‘i da mai Siona ‘ena, ta taudi li‘oa‐loinega Iakobo ‘ena si sana‘ilama ‘edia, ‘Ieoba ‘i gwae.

Isaia 60:17

Gola ia da me‘ena barasa ‘ana lopa‘eru, ta sileba ia da me‘ena kainumu ‘ana lopa‘eru, ta barasa kaiwe ‘ana lopa‘eru, ta kainumu gurewa ‘adi lopa‘eru: wate ‘imu to‐‘ita‘i‘isiao ia da bubudi guguia, ta ‘imu to‐nuganao bubuna paruparu.

Isaia 61:6

Ta si da eesemi Ieoba ‘ina to tariao: tai si da eesemi ‘ida Eaubada ‘ina to‐guinuao: ‘ebeloinao ‘idi gwegwe wa da ‘e‘ai, ta ‘idi esaesa ‘enega wa da tupumi taumi.

Isaia 63:16

‘Oio tamama tuga ta ‘enega, ‘abo Aberaamo nigea ‘i mwaramwaratonima, ta Iseraela nigea i ‘awanatunema; ‘oio, Ieoba ie, ‘oio tamama; ‘amu esana ‘ama to‘ewalima tuta ‘ataia ‘enega.

Isaia 63:8

‘I gwae ta ‘enega, Ona ‘ai‘aila, taudi ‘igu tomota, natuguao nigea si da bubu kabokabo: nadigega tauna ‘adi to‘etoseana.

Isaia 66:14

Ta wa da ‘itena, ta ‘atemi ‘i da guausoara, ta lulumi si da sinabwa ‘ai‘aila nedu nuana nadigega: ta Ieoba nimana ‘i da e‘ita ‘ina to‐guinuao ‘edia, ta nuana ‘i da to‘umalina ‘ana tarauwarao ‘edia.