Isaia 60:14 - Buki Tabu Lowaenei 1919

¹⁴ Ta taudi si unuio natudiao me‘olotodi ‘emuia si da mai bwagobwago; ta iauiaudi si sinariio si da a‘opu‘opu ‘aeiapaiapamuao ‘edia; ta si da eesemu Ieoba ‘ina asa, Iseraela ‘ina Tabu Tebweuna ‘ina Siona.

Isaia 60:14 ပူးပေါင်းရင်းမြစ်များ

Nugana 27:29

Tomota emuia si da guinua, Ta ‘asa ‘emuia si da bwagobwago: Tasimuao ‘edia ‘u da e ‘inapwana, Ta sinaio natunao me‘olotodi ‘emuia si da bwagobwago: Iauiauna ‘i eliemu si da eliena, Ta iauiauna ‘i onaobobomeio si da onaobobomena.

Nugana 42:6

Ta Iosepa ‘asa ‘ana to‐loina; tauna ‘i gimwagimwane ‘asa ‘ina tomota iauiauna ‘edia: ta Iosepa tasinao si mai, ta ‘ena si bwagobwago sanamwa‘uta bare‘uia.

Salamo 46:4

‘E bweu boasi ‘i miami, narinao Eaubada ‘ina ‘asa si gieguausoarina, To ‘Etana Sana ‘ina anua‐tabenakeleao ‘idi esena tabu.

Salamo 48:2

‘Ina miatu‘e ‘ana ‘ita bobo‘ana, bare‘u maiboana ‘ina ‘ebeguausoara, Tauna ‘oea Siona, iaarata deinao ‘edia, King sinabwana ‘ina ‘asa esaesa.

Salamo 87:3

Iage esaesaiao si ‘ina‘inana manuio, ‘Oio Eaubada ‘ina ‘asa sinabwana. (Sela.)

Isaia 1:26

Ta ‘imu to loinao ia da sa‘u limedi ‘atua tuta ‘e bweunega, ta ‘imu to‐onaonaiao ‘atua nuganaia: muriega si da eesemu, Bubuna paruparu ‘ina ‘asa, ‘asa bubuna ‘ai‘aila.

Isaia 45:14

Ieoba gete nadigega ‘i gwae, Aigupito ‘ina guinua, ta Aitiope ‘ina gwegwe, ta me Sabea, tai sinabwadi, si da lagama ‘emuia, ta si da ‘imu iage; si da muriemu; ioniionidi ‘aupega si da lagama: si da be‘u mwa‘uta ‘emuia, si da ‘awanoi ‘emuia, si da gwae, Ona ‘ai‘aila Eaubada ‘emuia; ta nigea wate ‘e bweu, nigea ‘e bweu Eaubada.

Isaia 45:23

Tebweugu ‘enega ia ona‘upa‘upa, ona ni‘atu ‘awaguiega ‘i apwesa bubuna paruparunega, ta gea‘abo ‘i da ‘ila, ‘aene ‘eguia ‘ae iauiauna si da tulasena, meia iauna si da ona‘upa‘upa.

Isaia 49:23

Ta kiniao si da tamamuao to amwamwa, ta ‘idi kuiniao sinamuao to amwamwa: si da bwagobwago sana mwa‘uta bare‘uia ‘emuia, ta ‘aeio ‘ina kau si da loiamosi: ta ‘u da mwaratoni ‘abo‘agu Ieoba, ta taudi si iamwaiamwa manugu gea‘abo si da omaiamaia.

Isaia 62:12

Ta si da eesedi Tomota tabu, Ieoba ‘ana ‘ewa‘ewalima: ta si da eeseio ‘Ebe‘ebesaio, ‘Asa nigea si e‘idi‘idia.