Isaia 60:10 - Buki Tabu Lowaenei 1919

¹⁰ Ta to‘u‘umarao ‘imi ‘ari‐gurewa si da ‘abidi, ta ‘idi kiniao ‘emuia si da guinua: ‘igu gamwasoarega ia unuio ta ‘enega, ta ‘igu nuabobo‘anega ia ‘atenua‘ole‘olemu.

Isaia 60:10 ပူးပေါင်းရင်းမြစ်များ

Salamo 102:13

‘U da tooro, ta Siona ‘ena ‘u da ‘atenua‘ole‘ole: Ni‘atu ‘ana tuta ‘u da ‘atenua‘ole‘oleiena ta ‘enega, tamo, ‘ana tuta ‘ai‘aila ni‘atu ‘i mai.

Salamo 30:5

‘Ina gamwasoara tuta matana ‘e bweuna tugama; Iawasida ‘ina nuabobo‘ana ‘enaia: Dedoi ‘i da miami nai boiboi ‘enega, Ta guausoara ‘i da mai gonagonaia.

Isaia 12:1

Ta asiata gote ‘enega ‘u da ona, Ieoba ie, ‘emuia ia da lokagutoki; lowa ‘u gamwasoara ‘eguia, ga ‘imu gamwasoara i ‘ilawa, ta ‘igu mia bobo‘ana ‘u sa‘una ta ‘enega.

Isaia 49:23

Ta kiniao si da tamamuao to amwamwa, ta ‘idi kuiniao sinamuao to amwamwa: si da bwagobwago sana mwa‘uta bare‘uia ‘emuia, ta ‘aeio ‘ina kau si da loiamosi: ta ‘u da mwaratoni ‘abo‘agu Ieoba, ta taudi si iamwaiamwa manugu gea‘abo si da omaiamaia.

Isaia 56:6

Wate to‘u‘umara, taudi Ieoba ‘ena si miami, sabi guinua ‘enaia, ta sabi nuanuana sinabwana Ieoba ‘ana esana, be si da ‘ina to‐guinuao, ‘e bweuna ‘e bweuna sabate si ‘ita‘i‘isi ta nigea si li‘oena, ta ‘igu ona‘upa‘upa ‘enega si giiai:

Isaia 60:3

Ta ‘ebeloinao si da mai ‘imu ma‘edana ‘enaia, ta kiniao ‘imu apwesama ‘ina tuiaiara ‘enaia.

Isaia 61:2

Be Ieoba ‘ina iakwara nuabobo‘ana ia da guguiaei, ta ‘idi Eaubada ‘ina asiata e‘isa; be iauiaudi si dedoi ia da gieguausoaridi;

Isaia 61:5

Ta to‘u‘umara si da tooro ta ‘imi sipi iau si da e‘enidi, ta mari ‘asa tonidi si da ‘imi tosalalisiao ta ‘imi to bubu oineao.

Isaia 64:9

Ieoba ie, gea‘abo ‘u da gamwasoara didiga, nai bubuna bokoboko ‘u da nua‘i‘isi ‘ataia: u ‘ita, ‘u da dune, ‘a sideio, iauiauma ‘imu tomota.

Isaia 66:21

Ta ‘ediega wate ia da ‘ewedi to taria manudi ta me Lebi manudi, Ieoba ‘i gwae.