Isaia 60:1 - Buki Tabu Lowaenei 1919

¹ ‘U da tooro, ‘u da sae; ‘imu ma‘edana ni‘atu ‘i mai ta ‘enega, ta Ieoba ‘ina esaesa ‘i apwesa ‘emuia.

Isaia 60:1 ပူးပေါင်းရင်းမြစ်များ

Salamo 102:16

Ieoba Siona i ‘abi tu‘e ta ‘enega, Ni‘atu ‘i apwesa ‘ina esaesa ‘enaia;

Salamo 87:3

Iage esaesaiao si ‘ina‘inana manuio, ‘Oio Eaubada ‘ina ‘asa sinabwana. (Sela.)

Isaia 2:5

Iakobo ‘ina susu ie, wa da mai, be ta tautauia Ieoba ‘ina ma‘edana ‘enaia.

Isaia 24:23

Ga nawarae ‘i da nua‘owana, ta sinara ‘i da omaiamaia; bodao ‘idi Ieoba ‘i da loiloina ‘oea Siona ‘enaia ta ‘enega, ta Ierusalema ‘ena, ta ‘ina ‘ina‘inapwanao matadia ma‘ina esaesa.

Isaia 28:5

Asiata gote bodao ‘idi Ieoba ‘i da esaesa ‘ana peaula manuna, ‘ita bobo‘ana ‘ana peaula esaesa manuna, ‘ina tomota tupwadi ‘edia:

Isaia 35:2

‘I da senina sinabwana, ta ‘i da ‘uiawana, tamo, guausoarega ta wariega; Lebanona ‘ina esaesa ‘ena si da ‘ebwaea, Kaamela ta Sarona ‘idi bobo‘ai‘ailina: Ieoba ‘ina esaesa si da ‘itena, ‘ida Eaubada ‘ina bobo‘ai‘ailina.

Isaia 4:5

Ta Ieoba ‘Oea Siona ‘ina ‘ebemia maibo‘ana debadia, ta ‘ina deriegogona debadia, poana ta ‘asu ‘i da mweruruidi asiata ‘enega, ta awe sabelulu ‘ana tuiaiara boiboiega: esaesa maibo‘ana debanaia ‘auboda ‘i da eso ta ‘enega.

Isaia 42:6

‘Abo‘agu Ieoba ni‘atu ia bwauiemu bubuna paruparuiega, ta nimaio ia da giiai, ta ia da ‘ita‘i‘isio, ta ia da ‘ebwaea‘eio tomota ‘idi ona‘upa‘upa manuna, ‘Asa‐apwesa ‘idi ma‘edana manuna;

Isaia 58:8

Gete ‘enega ‘imu ma‘edana ‘i da weara gonagona ‘atua, ta ‘imu giebobo‘ana ‘i da tabwa manini: ta ‘imu bubuna paruparu ‘i da tauia nuganimuia; Ieoba ‘ina esaesa ‘i da murieio.

Isaia 62:1

Siona manuna gea‘abo ia da enono, ta Ierusalema manuna gea‘abo ia da eiawai‘ata, ga ‘ina bubuna paruparu ‘i apwesawa na‘ieana tuiaiara, ta ‘ana ‘etoseana na‘ieana maiare i ‘ara‘arata.

Isaia 62:2

Ta ‘ebeloinao ‘imu bubuna paruparu si da ‘ita, ta kiniao iauiaudi ‘imu esaesa: ta ‘amu esana ‘i da auauna, tauna Ieoba ‘awana ‘i da ‘inana.

Isaia 66:11

Be ‘enega wa da esusu ta wa da maa ‘ina ‘ebenuabobo‘ana susudiao ‘ediega; be ‘enega wa da sususu, ta wa da ‘uiawana ‘ina esaesa ‘ana sinabwa ‘enega.

Isaia 9:2

Tomota guguioi ‘ena si lopilidadana ni‘atu ma‘edana sinabwana si ‘itena: taudi mwawasa ‘ana iauiaukwa ‘ina ‘asa ‘ena si miami, ma‘edana ‘edia ‘i sae.