Isaia 59:1 - Buki Tabu Lowaenei 1919

¹ Wa ‘ita, Ieoba nimana nigea ‘i kukupa, be gea‘abo ‘i da ‘etoseana; nai tenana ‘i mwau, be gea‘abo ‘i da nono:

Isaia 59:1 ပူးပေါင်းရင်းမြစ်များ

Nugana 18:14

‘E bweu iage ‘i mwauwawasae Ieoba ‘enaia? Tuta ‘ai‘aila ‘enega ‘emuia ia da ‘ilama, ‘ena tuta ‘i apwesama, ta Sara natuna me‘olotona ‘i da enatunena.

Salamo 94:9

Tauna tena ‘i sa‘u, gea‘abo nai ‘i da nono? Tauna mata ‘i bubuna, gea‘abo nai ‘i da ‘ita?

Isaia 50:1

Gete nadigega Ieoba ‘i gwae, Sinami ‘ina sa‘ila ‘ina ‘etoladi mane, tauna ‘enega ia sa‘ilena? nai to tai ‘igu to iotura ‘ediega ‘ena ia gimwaniemi? Wa ‘ita, ‘imi bubuna bokobokona manudi ia gimwaniemi, ta ‘imi li‘oa‐loina manudi sinami ia sa‘ilena.

Isaia 50:2

Toase manuna, ‘ena ia mai, nigea ‘e bweu tai ‘i miami? Ena ia bwau, nigea ‘e bweu ‘i da onalimana nai? Nimagu ‘i kukupa nai, be ‘enega gea‘abo ‘i da ‘ewalima? Nai nigea ma‘igu waiwai be ia ‘etosee? Wa ‘ita, ‘igu ba‘eiega ora ia gieiapasina, boasi‘awa ia bubudi be si emitawa: ‘idi iana si mwa‘ulu, nigea ‘idi boasi ta ‘enega, ta si mwawasa tona‘adi ‘i iapasa manuna.

Isaia 58:9

Gote ‘enega ‘u da bwau, ta Ieoba ‘i da onalimana; ‘u da bwau, ta ‘i da gwae, ‘Abo‘agu gete ‘ena. ‘Abo gamwagamwaniio ‘enega ‘ebe‘a‘ara ‘u da ‘ewena, ‘enimasusu, ta onaona to‘umalina;

Isaia 6:10

Tomota gete ‘atedi ‘u da gieiapa, ta tenadi ‘u da gietuine, ta matadi ‘u da gibode; ‘abona nai matadiega si ‘ita, ta tenadiega si nono, ta atediega si mwaratoni, ta si sana‘ila, ta si bobo‘ana.

Isaia 63:1

Iaita gete Edomega ‘i mai, ‘ana ‘oama bweabwearidi Bosira ‘enega? tauna gete ‘ana ‘oamega ‘i esaesa, ‘i tautauia ‘ina waiwai ‘ana sinabwa ‘enega? ‘Abo‘agu ia onaona bubuna paruparuiega, waiwai sabi ‘etoseana.

Isaia 65:24

Ta gete ‘i da apwesa, ‘idi bwau nuganinaia, ia da onalimana, ta tuta ‘enega si onaona, ia da nono.