Isaia 58:8 - Buki Tabu Lowaenei 1919

⁸ Gete ‘enega ‘imu ma‘edana ‘i da weara gonagona ‘atua, ta ‘imu giebobo‘ana ‘i da tabwa manini: ta ‘imu bubuna paruparu ‘i da tauia nuganimuia; Ieoba ‘ina esaesa ‘i da murieio.

Isaia 58:8 ပူးပေါင်းရင်းမြစ်များ

Salamo 112:4

Ma‘edana ‘i tooro guguioi ‘ena to‐bubuna paruparu ‘edia: Tauna ‘i oboboma, ta nua‘ole‘oleiega ‘i maa, ta ‘i paruparu.

Salamo 37:6

Ta ‘imu bubuna paruparuna ‘i da gieapwesenawa ma‘edana ‘atua, Ta ‘imu loina asuoreore ‘atua.

Salamo 85:13

Bubuna paruparuna matanaia ‘i da tauia; Ta ‘ae‘iaenao ‘i da bubudi be si da ‘eda.

Salamo 97:11

Ma‘edana ‘i lelewanena to‐bubuparuparu manudi, Ta uiawana taudi ‘atediega si paruparu manudi.

Si Apwesa 14:19

Ta Eaubada ‘ina anelose, tauna Iseraela ‘ina ‘ebemia matanaia ‘i tauia, ‘i logara ta muridiega ‘i tauia; ta ‘orapoana ‘i logarama matadia, ta ‘i tooro muridiega:

Isaia 26:2

‘Eberugu wa da gigegedi, be ‘enega ‘ebeloina paruparu tauna ona ‘ai‘aila i ita‘i‘isina ‘ena ‘i da rugu.

Isaia 30:26

Wate nawarae ‘ina ma‘edana ‘i da na‘ieana sinara ‘ina ma‘edana, ta sinara ‘ina ma‘edana ‘i da esebeni, ‘atua asiata ‘e sebeni ‘adi ma‘edana, asiata nina ‘enega Ieoba ‘ina tomota ‘idi elo‘uia ‘i paimina, ta ‘idi ‘abiiama ‘ina ‘ebeunua ‘i giebobo‘anena.

Isaia 33:24

Ta to‐mia gea‘abo si da gwae, Ia le‘oasa: tomota ‘ena si miami ‘idi bubuna bokobokona gea‘abo ‘ana e‘isa.

Isaia 52:12

Gea‘abo wa da apwesa manini ta ‘enega, nai wa da tauia denega: Ieoba ‘i da tauia nuganemi ta ‘enega; ta Iseraela ‘ina Eaubada ‘i da ‘imi to egogona muria.

Isaia 57:18

Ni‘atu ‘ina bubunao ia ‘itedi, ta ia da giebobo‘anena: wate ia da ‘au‘ewena, ta iage ‘ebeguausoara ia da ‘ebwaealimedi ‘enaia ta ‘ina to ‘ewabamu ‘edia.

Isaia 60:1

‘U da tooro, ‘u da sae; ‘imu ma‘edana ni‘atu ‘i mai ta ‘enega, ta Ieoba ‘ina esaesa ‘i apwesa ‘emuia.

Isaia 60:2

U ‘ita, ta ‘enega, guguioi bare‘u ‘i da bodena, ta guguioi badona tomota ‘i da bodedi: ta Ieoba ‘i da apwesa ‘emuia, ta ‘ina esaesa si da ‘ita ‘emuia.

Isaia 62:1

Siona manuna gea‘abo ia da enono, ta Ierusalema manuna gea‘abo ia da eiawai‘ata, ga ‘ina bubuna paruparu ‘i apwesawa na‘ieana tuiaiara, ta ‘ana ‘etoseana na‘ieana maiare i ‘ara‘arata.