Isaia 57:15 - Buki Tabu Lowaenei 1919

¹⁵ Tebweuna to mia tu‘e ta to lo‘etana tauna tuta ‘ataia ‘ena ‘i miami, tauna ‘ana esana Tabu, gete nadigega ‘i gwae: ‘abo‘agu esena lo‘etana ta tabu ‘ena ia miami, wate tauna iaruiaruana nua‘ebuni ta nuana ma‘ieana, be taudi si nuana iaruiaruadi ia da giewaiwai, ta taudi si nua‘ebuni ‘atedi ia da giewaiwai.

Isaia 57:15 ပူးပေါင်းရင်းမြစ်များ

Nugana 21:33

Ta Aberaamo kaiwe tamarika ‘i asona Beeriseba ‘enaia, ta ‘ena Ieoba ‘ana esana ‘ena ‘i bwauiena, Eaubada Tomia Ataia.

Salamo 111:9

Li‘ama ni‘atu ‘i etunena ‘ina tomota ‘edia; ‘Ina ona‘upa‘upa ni‘atu ‘i oneone ‘ataena: ‘Ana esana ‘i tabu ta ‘ebe‘amaiabe.

Salamo 115:3

Ta ‘ida Eaubada garewaia: Iage ‘i nuanuana tauna ni‘atu ‘i guinuena.

Salamo 123:1

‘Emuia ia ‘ita tu‘e, ‘Oio garewaia ‘u miatoa.

Salamo 138:6

Ona ‘ai‘aila Ieoba to lo‘etana ta ‘enega, ga to mia mwa‘uta ‘i nonodi; Ta to gagasa ‘i mwaramwaratonidi ‘edasorega.

Salamo 138:7

‘Abo ‘ebeloniu gamwagamwanaia ia lopilidadana, ‘u da giebobo‘ana limegu; Nimaio ‘u da iasitotona ‘agu tarauwarao ‘idi gamwasoara ‘enaia, Ta ‘ataio ‘i da ‘etoseegu.

Salamo 147:3

Taudi ‘atedi ‘i episarina ‘i gi‘ebobo‘anedi, Ta ‘adi ‘abiiama ‘i paimidi.

Salamo 34:18

Ieoba taudi ‘atedi ‘episarina serabedia ‘i miami, Ta taudi iaruiaruadi ‘episarina i ‘etoseedi.

Salamo 34:19

To bubuna paruparu ‘idi elo‘uia iauna: Ta Ieoba iauiaudi ‘ediega i ‘etoseedi.

Salamo 51:17

Eaubada ‘ana tariao iaruiarua pisarina: Eaubada ie, ‘ate episarina ta e‘ida‘idana nigea ‘u da sinarina.

Salamo 51:19

Ga bubuna paruparuna ‘ana tariao ‘imu ‘ebeguausoara, ‘ebwaeadaita gabugabu ta ‘ebwaeadaita gabugabu ma‐iboana; Ga bulomakau si da ‘ebwaeae ‘imu ‘ebetaria ‘enaia:

Salamo 83:18

Be ‘enega si da mwaratoni ‘aene tebweuio, ‘amu esana IEOBA, To Lo‘etana Sana bare‘u maibo‘ana debanaia. ‘Oio.

Salamo 90:2

‘Oeao nigea si apwesama, Nai bare‘u ta gabura ‘u mweruruidi, Tuga tuta nigea ‘i apwesa ga tuta nigea ‘i da gumwara, ‘Oio Eaubada.

Salamo 93:2

‘Imu ‘ebemi‐esaesa lowaeneiega ‘i pa‘ara: ‘Oio gimi lowaeneiega.

Salamo 97:9

‘Oio Ieoba, ‘oio to lo‘etana sana gabura maibo‘ana ‘enaia: ‘Oio ‘u miatu‘e wawasae eaubadao iauiaudi ‘edia.

Salamo 99:3

‘Amu esana sinabwana ta didigana si da tupuna: Tauna ‘i tabu.

Si Apwesa 15:11

Ieoba ie, iaita ‘oio nadigega eaubadao ‘edia? Iaita ‘oio nadigega, esaesa bubuna esasena ‘enaia, Didiga tuputupu ‘edia, iage tosinabwasadi ‘u guinuedi?

Si Apwesa 15:13

‘Oio ‘imu ‘atenua‘ole‘oleiega tomota taudi manudi u ‘e‘isa ‘u nuganedi: ‘Imu waiwaiiega u ‘au‘ewedi ‘imu ‘ebemia tabu ‘enaia.

Si Apwesa 15:18

Ieoba ‘i da loina tuta ataia ta tuta ataia.

Si Apwesa 40:34

Ga poana anua‐‘ebeeloba ‘i lobodebodena, ta Ieoba ‘ina esaesa tabenakele ‘i loema‘ena.

Si Apwesa 40:35

Ta Mose nigea ‘i ewaiwai be anua‐‘ebeeloba ‘ena ‘i da rugu, poana ‘ena ‘i toatoa ta ‘enega, ta Ieoba ‘ina esaesa anua‐tabenakele ‘i loemaena.

Isaia 18:4

Ieoba gete nadigega ‘eguia ‘i gwae ta ‘enega, Ia da enono, ta ‘igu ‘ebemia ‘ena ia da ‘ita; nadigega iaiiai ‘esasena ‘ena sinara ‘i sae, nadigega gaguna umaumana sesoi ‘ina iaiiai ‘enega.

Isaia 33:5

Ieoba ‘i miatu‘e; ‘etanaia ‘i miami ta ‘enega: Siona ‘i loemaa loina ta bubuna paruparu ‘ediega.

Isaia 40:28

Nigea nai ‘u mwaratoni? Nigea nai ‘u nono? Eaubada miaataia, Ieoba, bare‘u ‘ana ‘ebelosaroniao ‘adi Tomwerurua, nigea ‘i tabataba, ta nigea ‘i lo‘ame‘ame; ‘ina sinasinapu nigea ‘e bweu i ‘ebesa.

Isaia 52:13

Wa ‘ita, ‘igu toguinua ‘i da bubu ‘ai‘aila, ‘i da lo‘etana ta ‘i da miatu‘e, ta ‘i da to lo‘etana sana.

Isaia 6:1

Iakwara nina Osia King ‘i mwawasa ‘Inapwana ia ‘itena ‘ebemi esaesa ‘ena ‘i miatoa, lo‘etana ta lomiatu‘e, ta ‘ana ‘oama iuiuna anua tabu ‘i loemaa.

Isaia 6:3

Ta ‘e bweuna ‘i bwau ‘e bweuna ‘enaia, ta ‘i gwae, Tabu, tabu, tabu, bodao ‘idi Ieoba: gabura maibo‘ana ‘i maa ‘ina eseesega.

Isaia 63:15

Garewega ‘u da ‘ita mwa‘utama, ta ‘imu tabu ta ‘imu esaesa ‘idi ‘ebemiega ‘u da dune: mane ‘imu gewagewana ta ‘imu guinua waiwaidi? dia ‘ina waiwai ta ‘imu nua‘ole‘oleao si miaiaina manugu.