Isaia 57:13 - Buki Tabu Lowaenei 1919

¹³ ‘Ena ‘u dedoi, taudi ‘u egogonedi si da ‘etoseemu: ta iagila ‘i da tauiedi, uweuwenunu ‘i da siieiedi iauiaudi: ta tauna ‘eguia i ‘emisa ‘asa ‘i da ‘ewa, ta ‘igu ‘oea tabu ‘i da ‘ewena.

Isaia 57:13 ပူးပေါင်းရင်းမြစ်များ

Salamo 1:4

To‐to‘umalidi nigea si da nadigega; Taudi witi bwarana ‘atua iagila ‘i siiesiiei iauiaule.

Salamo 118:8

‘I bobo‘ana wawasae Ieoba ‘ena ta da ‘emisa Ta gea‘abo tai ta da ‘emisedi.

Salamo 125:1

Taudi Ieoba ‘ena si ‘emisa Taudi ‘oea Siona ‘atua, tauna nigea kapekapeana ‘i loniu, ta ‘i mia ‘ataia.

Salamo 37:11

Ta taudi ‘idi bubuna nuana ‘asa si da ‘ewai; Ta si da uiawana taudimo guguia sinabwana manuna.

Salamo 37:22

Taudi ‘i onaobobomedi ‘asa si da ‘ewena ta ‘enega; Ta taudi ‘i eliedi si da ‘upwa iauledi.

Salamo 37:29

To bubuna paruparuna ‘asa si da ‘ewena, Ta ‘ena si da mia ataia.

Salamo 37:3

Ieoba ‘ena ‘u da ‘emisa, ta bobo‘ana ‘u da guinuei; ‘Asa ‘ena ‘u da miami, ta bubuna ‘ai‘aila ‘u da muriena.

Salamo 37:34

Ieoba ‘ena ‘u da iamwaiamwana, ta ina ‘eda ‘u da ‘ita‘i‘isi, Ta ‘i da gitu‘eieio be ‘asa ‘u da ‘ewena: ‘Ena to to‘umalidi si ‘upwa‐iauledi, ‘u da ‘itena.

Salamo 37:9

To guinua to‘umalina si da ‘upwedi ta ‘enega: Ta taudi Ieoba ‘ena si ‘iamwaiamwana, ‘asa si da ‘ewena.

Salamo 58:9

‘Ena ‘ami ‘urena nigea kwakwakwara si tootoodi, ‘Atua bwawabwawa ‘i da ‘ewedi, mama‘ina ta ‘ara‘arasina rererea.

Salamo 84:12

Bodao ‘idi Ieoba ie, Tauna ‘emuia i ‘emisa tauna ma‘ina guausoara.

Isaia 11:9

Gea‘abo si da unuunu nai si da giesaoora ‘igu ‘oea tabu maibo‘ana ‘enaia: bare‘u ‘i da maa Ieoba ‘ina sinasinapu ‘enega, na‘ieana boasiao ora si bodena.

Isaia 14:32

Ga toase ‘e bweu ‘i da ona limana ‘ebeloina ‘ina etuetune ‘enaia? Ieoba Siona ‘ana ‘autui ‘i sa‘ui, ta ‘ena ‘ina tomota ‘elo‘uiadi si da denadena.

Isaia 25:4

‘Oio ‘ebepa‘ara gomabeso ‘edia ta ‘enega, ‘ebepa‘ara nanaewa ‘enaia ‘ina ‘atesa‘ara ‘enega, ‘ebedena wediliega, iauiaukwa iaiiaiega, ‘ena to didiga ‘idi apwesama nadigega wedilia ‘arigurewa ‘enaia.

Isaia 40:24

Tamo, nigea si ‘asodi; tamo, nigea si lolelewanedi; tamo, ‘aredi nigea ‘i ramuramu bare‘u ‘enaia: wate ‘edia ‘i mu‘eunu ta si ‘oaperu, ta bwawabwawa i ‘ewa‐iauledi sumwana ‘atua.

Isaia 41:16

‘U da louweuwenunudi, ta iagila ‘i da ‘ewa iauledi, ta bwawabwawa ‘i da lelewanedi: ta ‘u da guausoara Ieoba ‘ena, ‘u da lotuputupu Iseraela ‘ina Tabu Tebweuna ‘enaia.

Isaia 45:20

Wa da egogonemi ta wa da mai; wa da egogona serabenaia, ‘omi ‘ebeloinao ‘idi to denadena: taudi ‘idi tokwarui daiagi ‘ina kaiwe si ‘a‘ara nigea ‘e bweu ‘idi ‘ebesinapu, ta si sida eaubada nigea kapekapeana ‘i da ‘etoseedi ‘enaia.

Isaia 49:8

Gete nadigega Ieoba ‘i gwae, Tuta bobo‘ana ‘enega ni‘atu ia onalimana ‘emuia, ta ‘etoseana ‘ana asiata ‘enega ni‘atu ia lememu: ta ia da egagareio, ta ia da ‘ebwaea‘eio tomota ‘idi ona‘upa‘upa manuna, be bare‘u ‘u da sa‘u ‘ai‘aili, be ‘u da loinedi be ‘egu‘eguia waboreboreao si da ‘ewa:

Isaia 56:7

Tuga taudi ia da ‘au‘ewedima ‘igu ‘oea tabu ‘enaia, ta ‘igu anua ‘ebesidasida ‘ena ‘adi guausoara ia da sa‘u; ‘idi ‘ebwaeadaita‐gabugabudi ta ‘idi tariao ia da nuanuana ‘igu ‘ebetaria ‘enaia: ‘igu anua si da eesena sidasida ‘ina anua tomota iauiaudi manudi ta ‘enega.

Isaia 60:21

‘Imu tomota wate iauiaudi si da paruparu, ‘asa si da ‘ewa ‘ataia; ‘igu asoa narina, nimaguao ‘idi guinua, be ‘enega ma‘igu esaesa.

Isaia 65:11

Ta ‘omi Ieoba wa e‘idi‘idia, ‘igu ‘oea tabu wa nuapupura, tebeli wa sa‘u ‘ai‘aili Simasimana manuna, ta oine wa ‘ili‘ilina wa loemaa Oba manuna;

Isaia 65:25

Wolifa ta lami si da ‘e‘ai rererea, ta laione nedu ‘i da ‘e‘ai bulomakau ‘atua: ta kau ‘i da moata ‘ana masura. Gea‘abo si da unua nai si da giesaoora ‘igu ‘oea tabu maibo‘ana ‘enaia, Ieoba ‘i gwae.

Isaia 65:9

Ta Iakobo ‘enega tubuna ia da me‘ena, ta Iuda ‘enega ‘igu ‘oeao ‘adi to ‘ewa: ta ‘agu ‘esi‘esinuao si da ‘ewena, ta ‘igu to guinuao ‘edia si da miami.

Isaia 66:20

Ta tasimiao iauiaudi si da ‘au‘ewedima ‘ebeloinao iauiaudi ‘ediega ‘ebwaeadaita manuna Ieoba ‘enaia, ‘ose ‘edia, saliote ‘edia be, ‘ebe‘a‘ara ‘edia be, mule ‘edia be, kameli ‘edia be, ‘igu ‘oea tabu Ierusalema ‘ena, Ieoba ‘i gwae, nadigega Iseraela natunao ‘idi ‘ebwaeadaita si me‘ena gaeba ‘esasena ‘enega Ieoba ‘ina anua ‘enaia.