8 ‘Inapwana Eaubada Tauna Iseraela ‘ina to mia apwesa ‘i egogonedi ‘i gwae, Ta ‘ena ‘aidi wate ia da egogonedi, ta nigea taudimo ‘ina tomota ni‘atu si egogona.
Loina ‘ana‘e toguna gea‘abo Iuda ‘i da pilisinena, Nai loina ‘ana keweliwelili ‘aena mwatuinega, Ga Silo ‘i da mai; Ta ‘ena tomotaiao si da ematamatana.
Ieoba ‘ima Eaubada, ‘u da ‘etoseema, Ta ‘ebeloinao gamwagamwanidiega ‘u da egogonema, Be ‘a da lokagutoki ‘amu esana tabu ‘enaia, Be ‘a da ona waiwai ‘amu tuputupu enega.
Iaarata ‘ena ia da ona, ‘U da tagwara; ta iarasi ‘ena, Gea‘abo ‘u egagara; natuguao me‘olotodi ‘edasorega wa da me‘edi, ta natuguao me wainedi bare‘u ‘ana ‘ebelosaroniega;
‘Inapwana Eaubada gete nadigega ‘i gwae, Wa ‘ita, nimagu ia da gilagasi ‘ebeloinao ‘edia, ta ‘agu doe ia sa‘u etooro tomota ‘edia: ta natumuao me‘olotodi si da me‘edi lumalumadiega, ta natumuao me wainedi si da ‘a‘aridi.