Isaia 56:7 - Buki Tabu Lowaenei 1919

⁷ Tuga taudi ia da ‘au‘ewedima ‘igu ‘oea tabu ‘enaia, ta ‘igu anua ‘ebesidasida ‘ena ‘adi guausoara ia da sa‘u; ‘idi ‘ebwaeadaita‐gabugabudi ta ‘idi tariao ia da nuanuana ‘igu ‘ebetaria ‘enaia: ‘igu anua si da eesena sidasida ‘ina anua tomota iauiaudi manudi ta ‘enega.

Isaia 56:7 ပူးပေါင်းရင်းမြစ်များ

Salamo 2:6

Ta ‘igu king ni‘atu ia sa‘una ‘Igu ‘oea tabu Siona ‘enaia.

Si Apwesa 28:38

Ta Aarona debasawanaia ‘i da miami, ta Aarona iage tabu ‘idi to‘umalina ‘i da ‘a‘aridi, tauna Iseraela tubunao si da etabuna ‘idi ‘ebwaeadaita tabu iauiaudi ‘edia; ta debasawanaia ‘ena ‘i da miami tuta iauiauna, be ‘enega Ieoba matanaia nua‘ole‘ole si da loba.

Isaia 11:9

Gea‘abo si da unuunu nai si da giesaoora ‘igu ‘oea tabu maibo‘ana ‘enaia: bare‘u ‘i da maa Ieoba ‘ina sinasinapu ‘enega, na‘ieana boasiao ora si bodena.

Isaia 19:19

Asiata gote e bweu ‘ebetaria Ieoba ‘ena ‘i da miami ‘asa Aigupito gamwagamwanaia, ta tupitupinaia ‘e bweu ‘ora Ieoba ‘enaia.

Isaia 19:21

Ta Ieoba ‘i da e‘ita‘ena tauna Aigupito ‘enaia, ta me Aigupito Ieoba si da mwaratonina asiata gote; tamo, si da bwagobwago taria ta ‘ebwaeadaita ‘ediega, ta ona‘upa‘upa si da ona‘upa‘upa‘ena Ieoba ‘enaia, ta si da guinuena.

Isaia 25:6

Ta ‘oea gete ‘ena bodao ‘idi Ieoba tomota iauiauna ‘edia sagari ‘i da bubuna, iapaiapadi sagarina, sagari oine ‘arena ‘enega, iapaiapadi si maa lulu soranega ‘ediega, oine ‘arena si gi‘esasena ‘ai‘aila ‘enega.

Isaia 56:5

‘Igu anua ‘ena ta ‘igu pitao gamwagamwanidia ‘ebenua‘i‘isi ta esana bobo‘ana wawasae natudiao me‘olotodi ta natudiao me wainedi ‘edia ia da ‘ebwaedi; esana miaataia ia da ‘ebwaedi, tauna nigea si da ‘upwa‐iaulena.

Isaia 57:13

‘Ena ‘u dedoi, taudi ‘u egogonedi si da ‘etoseemu: ta iagila ‘i da tauiedi, uweuwenunu ‘i da siieiedi iauiaudi: ta tauna ‘eguia i ‘emisa ‘asa ‘i da ‘ewa, ta ‘igu ‘oea tabu ‘i da ‘ewena.

Isaia 60:11

‘Imu ‘eberugu wate si da ‘egegedi ‘ataia; gea‘abo si da gibodedi asiata nai boiboi; be ‘enega tai ‘ebeloinao ‘idi gwegwe si da me‘ena ‘emuia, ta ‘idi kiniao si da ‘au‘ewedima.

Isaia 60:7

Kedara ‘ina sipi iau iauiaudi si da egogonama ‘emuia, Nebaiota ‘ina sipi me‘olotodi ‘emuia si da guinua: ‘igu ‘ebetaria ‘ena si da tu‘ema ta nuagu ‘i da bobo‘ana ‘edia, ta ‘igu esaesa ‘ina anua ‘ana tuputupu ia da sa‘u.

Isaia 61:10

Ieoba ‘enega ia da guausoara sinabwana, iaruiaruagu ‘i da guausoara ‘igu Eaubada ‘enega; ni‘atu ‘i e‘otegu ‘etoseana ‘ana ‘oama ‘ediega ta ‘enega, bubuna paruparu ‘ana tara‘apwarega ni‘atu ‘i bodegu, ‘atua toai me‘olotona ‘i eiarina tauna iaiarega, ta ‘atua toai mewainena ‘i eiarina tauna ‘ina oesiega.

Isaia 65:11

Ta ‘omi Ieoba wa e‘idi‘idia, ‘igu ‘oea tabu wa nuapupura, tebeli wa sa‘u ‘ai‘aili Simasimana manuna, ta oine wa ‘ili‘ilina wa loemaa Oba manuna;

Isaia 65:25

Wolifa ta lami si da ‘e‘ai rererea, ta laione nedu ‘i da ‘e‘ai bulomakau ‘atua: ta kau ‘i da moata ‘ana masura. Gea‘abo si da unua nai si da giesaoora ‘igu ‘oea tabu maibo‘ana ‘enaia, Ieoba ‘i gwae.