Isaia 56:5 - Buki Tabu Lowaenei 1919

⁵ ‘Igu anua ‘ena ta ‘igu pitao gamwagamwanidia ‘ebenua‘i‘isi ta esana bobo‘ana wawasae natudiao me‘olotodi ta natudiao me wainedi ‘edia ia da ‘ebwaedi; esana miaataia ia da ‘ebwaedi, tauna nigea si da ‘upwa‐iaulena.

Isaia 56:5 ပူးပေါင်းရင်းမြစ်များ

Isaia 2:2

Ta asiata muriega gete ‘i da apwesa, ‘aene Ieoba ‘ina anua ‘ana ‘oea ‘i da mia pa‘ara ‘oea debadia, ta ‘i da mia tu‘e ‘oea ‘etanidia; ta ‘ebeloina iauiaudi si da daudau ‘enaia.

Isaia 2:3

Ta tomota iauiauna si da tauia ta si da ona, Wa da mai, be ta da tu‘e Ieoba ‘ina ‘oea ‘enaia, Iakobo ‘ina Eaubada ‘ina anua ‘enaia; ta ‘ina ‘edao manudi ‘i da e‘iteda, be ta da tautauia ‘ina ‘edao ‘edia: Sionega loina ‘i da apwesawa ta ‘enega, ta Ieoba ‘ina ona Ierusalemega.

Isaia 26:1

Asiata gote ‘enega wari gete si da wariei ‘asa Iuda ‘enaia: ‘Ida ‘asa ‘asa pa‘arina; ‘etoseana ‘i da aseiena ‘ari‐gurewa manudi ta ‘aripa‘ara manudi.

Isaia 43:7

‘E bweuna ‘e bweuna si bwauiedi ‘agu esanega, ta tauna ia mweruruina ‘igu esaesa manuna; ni‘atu ia bubuna; tamo, ia mweruruina.

Isaia 48:19

Tubumuao wate si da kaukau ‘atua, ta diaio uana nadigega kaukau matanao: ‘ana esana gea‘abo si da ‘upwa iaulei nai ‘i da saoora mataguiega.

Isaia 55:13

Kaiwe saiperesa ‘i da tabwa kwakwakwara ‘ana lopa‘eru, ta kaiwe saido ‘i da tabwa kaiwe dakadakana ‘ana lopa‘eru: ta ‘i da esana manuna Ieoba ‘enaia, we‘iwe‘iiaia ‘ataia nigea si da ‘upwa iaulena manuna.

Isaia 56:7

Tuga taudi ia da ‘au‘ewedima ‘igu ‘oea tabu ‘enaia, ta ‘igu anua ‘ebesidasida ‘ena ‘adi guausoara ia da sa‘u; ‘idi ‘ebwaeadaita‐gabugabudi ta ‘idi tariao ia da nuanuana ‘igu ‘ebetaria ‘enaia: ‘igu anua si da eesena sidasida ‘ina anua tomota iauiaudi manudi ta ‘enega.

Isaia 60:18

Didiga gea‘abo wate si da nono ‘imu ‘asa ‘enaia, waborebore nai saoora ‘imu rabao gamwagamwanidia; ta ‘imu ‘ari‐gurewa ‘u da eesedi ‘Etoseana, ta ‘imu ‘eberuguiao Tuputupu.

Isaia 62:12

Ta si da eesedi Tomota tabu, Ieoba ‘ana ‘ewa‘ewalima: ta si da eeseio ‘Ebe‘ebesaio, ‘Asa nigea si e‘idi‘idia.

Isaia 62:2

Ta ‘ebeloinao ‘imu bubuna paruparu si da ‘ita, ta kiniao iauiaudi ‘imu esaesa: ta ‘amu esana ‘i da auauna, tauna Ieoba ‘awana ‘i da ‘inana.

Isaia 66:20

Ta tasimiao iauiaudi si da ‘au‘ewedima ‘ebeloinao iauiaudi ‘ediega ‘ebwaeadaita manuna Ieoba ‘enaia, ‘ose ‘edia, saliote ‘edia be, ‘ebe‘a‘ara ‘edia be, mule ‘edia be, kameli ‘edia be, ‘igu ‘oea tabu Ierusalema ‘ena, Ieoba ‘i gwae, nadigega Iseraela natunao ‘idi ‘ebwaeadaita si me‘ena gaeba ‘esasena ‘enega Ieoba ‘ina anua ‘enaia.

Isaia 66:22

Na‘ieana garewa auaudi ta bare‘u auauna taudi ia da mwerurua, si da mia ‘ataia mataguia ta ‘enega, Ieoba ‘i gwae, na‘ieana tubumi ta ‘ami esana si da mia ‘ataia.