Isaia 56:1 - Buki Tabu Lowaenei 1919

¹ Gete nadigega Ieoba ‘i gwae, Loina wa da ‘ita‘i‘isi, ta bubuna paruparu wa da guinuei: ‘igu ‘etoseana ‘i abe ‘i mai ta ‘enega, ta ‘igu bubuna paruparu ‘i abe ‘i apwesa.

Isaia 56:1 ပူးပေါင်းရင်းမြစ်များ

Salamo 106:3

Taudi loina si ‘ita‘i‘isi si mia bobo‘ana, Ta tauna bubuna paruparu ‘i guinua tuta iauiauna.

Salamo 50:23

Tauna tuputupu ‘ina taria i ‘ebwaea tauna i ‘awaeseesegu: Ta tauna ‘ina bubuna ‘i sa‘u ‘ai‘ailina Eaubada ‘ina ‘etoseana ia da e‘ita ‘enaia.

Salamo 85:9

Ona ‘ai‘aila ‘ina ‘etoseana taudi si matautena ‘i mia serabedia; Be ‘enega esaesa ‘ida ‘asa ‘ena ‘i da miami.

Isaia 33:5

Ieoba ‘i miatu‘e; ‘etanaia ‘i miami ta ‘enega: Siona ‘i loemaa loina ta bubuna paruparu ‘ediega.

Isaia 46:13

‘Igu bubuna paruparu ia me‘ena serabenaia, gea‘abo ‘i da mia ‘edasora, ta ‘igu ‘etoseana gea‘abo ‘i da iamwaiamwa; ta ‘etoseana ia da sa‘u Siona ‘ena Iseraela ‘igu esaesa manuna.

Isaia 51:5

‘Igu bubuna paruparu ‘i serabenaia, ‘igu ‘etoseana ‘i apwesa, ta nimaguao tomota si da loinedi; saruiao si da iamwaiamwa manugu, ta nimagu ‘ena si da ‘emisa.

Isaia 55:7

To to‘umalina ‘ina ‘eda ‘i da pilisinena, ta tai nigea bubuna paruparu ‘ina nuanua: ta Ieoba ‘ena ‘i da ‘ilama, ta ‘i da ‘atenua‘ole‘oleiena: ta ‘ida Eaubada ‘ena, tauna to‘umalina ‘i da giekweu ‘ai‘ailina ta ‘enega.

Isaia 61:8

‘Abo‘agu Ieoba loina ia nuanuana sinabwana ta ‘enega, ‘ipwara bubuna bokoboko ma‘ieana ia guitoasa; ta ‘adi e‘isa ia da ‘ebwa‘edi ona‘ai‘ailega, ta ona‘upa‘upa ‘ataia ia da bubuna ma‘edi.

Isaia 64:5

Tauna ‘i guausoara ta bubuna paruparu ‘i guinuei ‘oio ‘u lobena, taudi si nua‘i‘isiio ‘imu ‘edao ‘ediega: u ‘ita, ‘oio ‘u gamwasoara, ta ‘a loegesi: ‘edia ‘a miami tuta lowaeneiega, ta ‘a da bobo‘ana nai?