Isaia 55:13 - Buki Tabu Lowaenei 1919

¹³ Kaiwe saiperesa ‘i da tabwa kwakwakwara ‘ana lopa‘eru, ta kaiwe saido ‘i da tabwa kaiwe dakadakana ‘ana lopa‘eru: ta ‘i da esana manuna Ieoba ‘enaia, we‘iwe‘iiaia ‘ataia nigea si da ‘upwa iaulena manuna.

Isaia 55:13 ပူးပေါင်းရင်းမြစ်များ

Salamo 96:12

Bagura ‘i da uiawana, ta iage iauiauna ‘ena ‘i miami; Ga mitawa ‘ina kaiweao si da wari guausoarega;

Isaia 19:20

Ta ‘i da we‘iwe‘iiaia manuna ta ‘ebe‘ita manuna bodao ‘idi Ieoba ‘enaia ‘asa Aigupito ‘enaia: si da bwau Ieoba ‘ena ta ‘enega to‐didiga manudi, ta to ‘etoseana ‘i da etunena ‘edia, ta to leme, ta ‘i da ‘etoseedi.

Isaia 32:13

‘Igu tomota ‘idi bwa‘a kaiwe mamatana ta kwakwakwara ‘ena si da tabwa; tamo, anua guausoara iauiaudi ‘asa eguaueguausoarina ‘enaia:

Isaia 35:1

Mitawa ta esena waborebore si da ‘uiawana; ta kaukaudaita ‘i da guausoara ta ‘i da senina rose ‘atua.

Isaia 35:2

‘I da senina sinabwana, ta ‘i da ‘uiawana, tamo, guausoarega ta wariega; Lebanona ‘ina esaesa ‘ena si da ‘ebwaea, Kaamela ta Sarona ‘idi bobo‘ai‘ailina: Ieoba ‘ina esaesa si da ‘itena, ‘ida Eaubada ‘ina bobo‘ai‘ailina.

Isaia 41:19

Maruana be, kaiwe akasia be, matele be, kaiwe olibe be, ia da ‘asodi mitawaia; ta kaukaudaisinamo ‘ena keigwana be, damanu be, saiperesa be, ia da ‘asodi rererea;

Isaia 43:21

Tomota nidi ia bubudi manugu taugu, be ‘enega ‘agu tuputupu si da gieapwese.

Isaia 5:6

Ta ia da loegumwarina; gea‘abo si da ‘upwa‘upwa narina nai si da gesoa; ta kaiwe dakadakadi be kwakwakwara si da tabwa: wate poana ia da loinedi be gea‘abo si da ‘usa‘usana ‘enaia.

Isaia 54:10

‘Oea sinabwadi si da sawara ta ‘enega, ta ‘oea gidaridi si da tauia: ta ‘igu oboboma gea‘abo ‘i da pilisineio, nai ‘igu ona‘upa‘upa guguia ‘i da tauia, Ieoba tauna i ‘atenua‘ole‘oleio ‘i gwae.

Isaia 56:5

‘Igu anua ‘ena ta ‘igu pitao gamwagamwanidia ‘ebenua‘i‘isi ta esana bobo‘ana wawasae natudiao me‘olotodi ta natudiao me wainedi ‘edia ia da ‘ebwaedi; esana miaataia ia da ‘ebwaedi, tauna nigea si da ‘upwa‐iaulena.

Isaia 60:13

Lebanona ‘ina esaesa ‘emuia ‘i da mai, gewana, maruana, ta kwakwamo rererea; be ‘igu anua tabu ‘ina esena ‘ana ‘ita bobo‘ana si da iagei, ta ‘aegu ‘adi ‘ebesa‘u ia da bubuna esaesa.

Isaia 60:17

Gola ia da me‘ena barasa ‘ana lopa‘eru, ta sileba ia da me‘ena kainumu ‘ana lopa‘eru, ta barasa kaiwe ‘ana lopa‘eru, ta kainumu gurewa ‘adi lopa‘eru: wate ‘imu to‐‘ita‘i‘isiao ia da bubudi guguia, ta ‘imu to‐nuganao bubuna paruparu.

Isaia 60:21

‘Imu tomota wate iauiaudi si da paruparu, ‘asa si da ‘ewa ‘ataia; ‘igu asoa narina, nimaguao ‘idi guinua, be ‘enega ma‘igu esaesa.

Isaia 61:3

Be taudi si dedo Siona ‘ena ia da aseiedi, ia da ‘ebwaedi iiara karikau ‘ana lopa‘eru, guausoara ‘ina bunama ‘ewabamu ‘ana lopa‘eru, tuputupu ‘ana ‘oama iaruiarua mwaumwau ‘ana lopa‘eru; be ‘enega si da eesedi bubuna paruparu ‘ina kaiweao, Ieoba ‘ana ‘aso‘aso, be ‘enega si da ‘awaeseeseiena.

Isaia 63:12

Tauna nimana esaesa ‘i tauiena Mose ‘atainaia? tauna boasi ‘i weara ruena matadia, be tauna manuna esana ‘ataia ‘i bubuna?

Isaia 63:14

Na‘ieana bulomakau si mwa‘uta sa‘ara ‘enaia, Ieoba iaruiaruana ‘idi eiawai‘ata ‘i sa‘u: nadigega ‘imu tomota ‘u nuganedi, be esana esaesa ‘u bubuna ‘emuia tauio.

Isaia 7:11

We‘iwe‘iiaia ‘u da sida ‘emuia Ieoba ‘imu Eaubada ‘enega; ‘u da sidena nai ni‘u ‘ena, nai ‘etosora lo‘etana ‘ena.

Isaia 7:19

Ta si da mai, ta iauiaudi si da toa sa‘ara waborebore ‘edia, ta gurewa gaulidi ‘edia, ta kwakwakwara iauiauna ‘edia, ta pwatura iauiauna ‘edia.

Isaia 7:24

Gita ‘ediega ta tupu ‘ediega ‘e bweuna ‘i da mai ‘enaia; bwa‘a maibo‘ana ‘i da kaiwe taritaridi ta kwakwakwara ta ‘enega.