Isaia 55:12 - Buki Tabu Lowaenei 1919

¹² Ma‘imi guausoara wa da apwesawa ta ‘enega, ta si da ‘au‘ewemi guguiega: ‘oea sinabwadi ta ‘oea gidaridi si da weari matamia wariwariega, ta mitawa ‘ina kaiwe iauiauna nimadi si da pwasi.

Isaia 55:12 ပူးပေါင်းရင်းမြစ်များ

Salamo 105:43

‘Ina tomota i ‘au‘ewedima guausoarega, Ta ‘ina esiesinuadi wariega.

Salamo 47:1

‘Omi tomota iauiaumi, nimamiega wa da ‘aupwasipwasi; Eaubada ‘ena wa da bwau ‘enami waiwaiega.

Salamo 65:12

Mitawa ‘ina neduiao ‘edia si pesupesu: Ta ‘oeao si paimidi eguausoarega.

Salamo 65:13

Neduiao si maa iobai ‘ediega; Sa‘arao wate si ‘emiabodena witiega; Si bwau eguausoara manuna, wate si wari.

Salamo 69:34

Garewa ta bare‘u si da tupuna, Ora, ta iage iauiauna ‘ena si miami.

Isaia 14:8

Tamo, kaiwe keigwana si guausoara manuio, ta Lebanona maruanina, si gwae, Ni‘atu ‘oio ‘u ‘eno mwa‘uta, nigea ‘e bweu to ‘upwa ‘i tu‘etu‘ema manuma.

Isaia 35:10

Ta Ieoba ‘ina lagwalagwadi si da ‘ilama, ta Siona ‘ena si da mai wariega; ta guausoara mia ‘ataia debadi, ‘edia ‘i da miami: ‘uiawana ta guausoara si da ‘ewa, ta dedoi be eiawasilagalaga si da denawa.

Isaia 44:23

Wa da wari, ‘omi garewao ie, Ieoba ni‘atu ‘i guinuena ta ‘enega; wa da bwau, ‘omi bare‘u ‘ina esenanao lo‘ubuna; ‘Omi ‘oeao, mitawa ie, ta kaiwe iauna ‘ena, wa da pwaila wari ‘enega: Ieoba ni‘atu Iakobo i ‘ewa‐limena ta ‘enega, ta tauna esaesa ‘i da sa‘u Iseraela ‘ena.

Isaia 48:20

Babuloniega wa da tauiawa, me Kaledea ‘ediega wa da dena; wari ‘enanega wa da simana, gete wa da oneone, wa da ‘inana ga bare‘u ‘ina ‘ebelosaroni: wa da gwae, Ieoba ‘ina toguinua Iakobo ni‘atu i ‘ewa limena.

Isaia 49:13

Wa da wari, Garewa ie; ta ‘u da guausoara; Bare‘u ie; ta wa da ‘arapwaila wari ‘ena, ‘omi ‘oeao: Ieoba ‘ina tomota ‘i gieguausoaridi ta ‘enega, ta ‘ina to‐elo‘uia ‘edia ‘i da ‘atenua‘ole‘ole.

Isaia 51:11

Ta Ieoba ‘ina li‘ali‘amidi si da ‘ilama, ta Siona ‘ena si da mai wariwariega; ta guausoara ‘ataia debadia ‘i da miami: guausoara ta ‘uiawana si da ‘ewa, ta dedoi be eiawasilagalaga si da dena.

Isaia 52:9

Guausoara ‘enega wa da weari, wa da wari rererea, ‘omi Ierusalema ‘ina esena waborebore: Ieoba ni‘atu ‘ina tomota ‘adi guausoara ‘i sa‘u ta ‘enega, Ierusalema ni‘atu i ‘ewalimena.

Isaia 54:10

‘Oea sinabwadi si da sawara ta ‘enega, ta ‘oea gidaridi si da tauia: ta ‘igu oboboma gea‘abo ‘i da pilisineio, nai ‘igu ona‘upa‘upa guguia ‘i da tauia, Ieoba tauna i ‘atenua‘ole‘oleio ‘i gwae.

Isaia 54:13

Ta natumuao iauiaudi si da Ieoba ‘ina disaipeliao; ta natumuao ‘idi guguia ‘i da sinabwara.