Isaia 54:7 - Buki Tabu Lowaenei 1919

⁷ Tuta tomwana gidarina ia e‘idi‘idiemu ta ‘enega; ta nua‘ole‘ole sinabwadi ‘ediega ia da egogoneio.

Isaia 54:7 ပူးပေါင်းရင်းမြစ်များ

Salamo 106:47

Ieoba ‘ima Eaubada, ‘u da ‘etoseema, Ta ‘ebeloinao gamwagamwanidiega ‘u da egogonema, Be ‘a da lokagutoki ‘amu esana tabu ‘enaia, Be ‘a da ona waiwai ‘amu tuputupu enega.

Salamo 107:3

Ta ‘i egogonedi ‘asa ‘ediega, Bomatuiega ta ‘ebwagega, Iaaratega ta iarasiega.

Salamo 30:5

‘Ina gamwasoara tuta matana ‘e bweuna tugama; Iawasida ‘ina nuabobo‘ana ‘enaia: Dedoi ‘i da miami nai boiboi ‘enega, Ta guausoara ‘i da mai gonagonaia.

Salamo 30:6

Ta ‘abo‘agu manugu, ‘igu mia esaesa ‘ena ia gwae, Gea‘abo sa‘i ia da loniu.

Isaia 11:11

Ta gete ‘i da apwesa asiata gote, ‘Inapwana nimana ‘i da sa‘u limana ‘e ruena be ‘ina tomota tupwadi ‘i da ‘ewalimedi, taudi si da miami, Asiriega, Aigupitoega be, Patarosega be, Kusega be, Elamega be, Sinaega be, Amatega be, ora saruna ‘ediega be.

Isaia 11:12

Ta doe ‘i da sa‘u tu‘e ‘ebeloinao manudi, ta me Iseraela ‘ina to mia apwesa ‘i da egogonedi, ta me Iuda ‘ina to sawarao ‘i da egogonedi bare‘u tupitupina ‘e ata ‘ediega.

Isaia 12:1

Ta asiata gote ‘enega ‘u da ona, Ieoba ie, ‘emuia ia da lokagutoki; lowa ‘u gamwasoara ‘eguia, ga ‘imu gamwasoara i ‘ilawa, ta ‘igu mia bobo‘ana ‘u sa‘una ta ‘enega.

Isaia 14:1

Ieoba ‘i da ‘atenua‘ole‘ole Iakobo ‘enaia ta ‘enega, ta Iseraela ‘i da ‘esinuei, ta ‘idi ‘asa taudi ‘ena ‘i da sa‘udi: ta to‘u‘umara ‘i da mai sabi mia ma‘edi, ta Iakobo ‘ina susu ‘ena si da miaiai.

Isaia 26:20

‘Igu tomota, wa da mai, ‘imu anuao ‘edia ‘u da rugu, ta ‘imu ‘auboda ‘u da gibodedi deimuia: ‘u da ‘akwaiemu ga tuta tomwana gidarina, be gamwasoara ‘i da gumwara bemi.

Isaia 27:12

Ta gete ‘i da apwesa asiata gote ‘enega, Ieoba uana ‘i da sapi iaulei, Boasi‘awa muruinega ga Aigupito boasina, ta si da egogonemi ‘e bweuna ‘e bweuna, ‘Omi Iseraela natunao.

Isaia 27:8

Gete tugai, ‘ena ‘u etunenawa, ‘u losaia ma‘ieana; ni‘atu ‘i tauiena ‘ina iagila dakadaka ‘enega bomatu ‘ina asiata ‘enega.

Isaia 40:11

‘Ina sipiao ‘i da e‘enidi to‐‘ita‘i‘isi‐sipi ‘atua, ‘ina lamiao ‘i da egogona nimana ‘enaia, ta lumalumana ‘ena ‘i da ‘a‘aridi, ta taudi si giesusu ‘i da ‘au‘ewa manua‘edi.

Isaia 49:13

Wa da wari, Garewa ie; ta ‘u da guausoara; Bare‘u ie; ta wa da ‘arapwaila wari ‘ena, ‘omi ‘oeao: Ieoba ‘ina tomota ‘i gieguausoaridi ta ‘enega, ta ‘ina to‐elo‘uia ‘edia ‘i da ‘atenua‘ole‘ole.

Isaia 49:18

Wa da dunedune tu‘e dadana, ta wa da ‘ita: iauiaudi getedi si egogona rererea, ta si mai ‘emuia. Maiawasigu, Ieoba ‘i gwae, ‘u da e‘ote‘ai‘ailiio iauiaudi ‘ediega na‘ieana ‘ebeiarega, ta ‘u da logadiwaniio ‘ediega, nadigega to ai mewainena.

Isaia 49:21

Ga ‘oio ‘u da ona ‘atemuia, Iaita getedi ‘i enatunedi ‘eguia, natuguao si ‘ewedi ta ‘enega, ta ‘abo‘agu ia mia tebweugu, ia mia apwesa, ta ia lopilidadana? ta iaita getedi ‘i ‘amwamwedi? Wa ‘ita, si pilisinegu ga tebweugu; getedi, mwa‘o si miami?

Isaia 50:1

Gete nadigega Ieoba ‘i gwae, Sinami ‘ina sa‘ila ‘ina ‘etoladi mane, tauna ‘enega ia sa‘ilena? nai to tai ‘igu to iotura ‘ediega ‘ena ia gimwaniemi? Wa ‘ita, ‘imi bubuna bokobokona manudi ia gimwaniemi, ta ‘imi li‘oa‐loina manudi sinami ia sa‘ilena.

Isaia 56:8

‘Inapwana Eaubada Tauna Iseraela ‘ina to mia apwesa ‘i egogonedi ‘i gwae, Ta ‘ena ‘aidi wate ia da egogonedi, ta nigea taudimo ‘ina tomota ni‘atu si egogona.

Isaia 60:10

Ta to‘u‘umarao ‘imi ‘ari‐gurewa si da ‘abidi, ta ‘idi kiniao ‘emuia si da guinua: ‘igu gamwasoarega ia unuio ta ‘enega, ta ‘igu nuabobo‘anega ia ‘atenua‘ole‘olemu.

Isaia 60:4

‘U da dune tu‘e dadana, be u ‘ita: iauiaudi si egogonedi rererea, si mai ‘emuia: natumuao me‘olotodi si da mai ‘edasorega, ta natumuao me wainedi si da ‘amwamwedi.

Isaia 62:4

Gea‘abo wate si da eesemu ‘E‘idi‘idiena, nai ‘imu ‘asa si da eesena Waborebore: ta si da eesemu Episibaa, ta ‘imu ‘asa Beula: Ieoba ‘i guausoara manuio ta ‘enega, ta ‘imu ‘asa ‘i da ai.

Isaia 63:7

Ieoba ‘ina oboboma nua‘ole‘oleiao ia da ‘inana, ta Ieoba ‘ana tuputupuiao, nadigega iage maibo‘ana Ieoba i ‘ebwaeda; ta bobo‘ana sinabwana Iseraela ‘ina susu ‘enaia, tauna i ‘ebwaedi nadigega ‘ina nua‘ole‘oleiao, ta nadigega ‘ina oboboma ‘ana iau.

Isaia 66:18

‘Idi guinuao ta ‘idi nuanuao ia mwaramwaratoni ta ‘enega: tuta ‘i memai, ‘enega ‘ebeloinao ta meia iauiaudi ia da egogonedi; ta si da mai, ta ‘igu esaesa si da ‘ita.