Isaia 54:5 - Buki Tabu Lowaenei 1919

⁵ ‘Amu Tomwerurua mwaneio ta ‘enega: bodao ‘idi Ieoba ‘ana esana: ta Iseraela ‘ina Tabu Tebweuna tauna ‘amu to‐‘ewalimana; si da eesena bare‘u maibo‘ana ‘ina Eaubada.

Isaia 54:5 ပူးပေါင်းရင်းမြစ်များ

Isaia 11:9

Gea‘abo si da unuunu nai si da giesaoora ‘igu ‘oea tabu maibo‘ana ‘enaia: bare‘u ‘i da maa Ieoba ‘ina sinasinapu ‘enega, na‘ieana boasiao ora si bodena.

Isaia 43:1

Ta gete ‘enega Ieoba, tauna ‘i mweruruiio, Iakobo ie, ta tauna ‘i bubuio, Iseraela ie, gete nadigega ‘i gwae: Gea‘abo ‘u matauta, ni‘atu ia ‘ewalimemu ta ‘enega; ni‘atu ia bwauiemu ‘amu esanega, ‘oio ‘igu iage.

Isaia 43:14

Ieoba, ‘imi to‐‘ewalimana, Iseraela ‘ina Tabu Tebweuna, gete nadigega ‘i gwae; Leleami Babulonia ‘ena ia etune, ta iauiaudi ia da ‘au‘ewa mwa‘utedi to denadena ‘atua, tuga me Kalidea, ‘idi guausoara ‘idi waga ‘edia.

Isaia 45:11

Gete nadigega Ieoba ‘i gwae, Iseraela ‘ina Tabu Tebweuna, ta ‘ana Tomwerurua: Iage si da mai manudi wa da eonegu; natuguao me‘olotodi manudi, ta nimaguao ‘idi guinua manuna, ‘eguia wa da loina.

Isaia 48:17

Gete nadigega Ieoba ‘amu to‘ewalimana, Iseraela ‘ina Tabu Tebweuna ‘i gwae: ‘Abo‘agu Ieoba ‘imu Eaubada, tauna ‘i e‘iteio be ‘u loeposeana, tauna i ‘au‘ewemu ‘eda sawesawemuia ‘enega.

Isaia 48:2

Si ‘inanedi ta ‘enega ‘asa tabuiega, ta si tugadara Iseraela ‘ina Eaubada ‘enaia; ‘ana esana bodao ‘idi Eaubada.

Isaia 51:15

‘Abo‘agu Ieoba ‘imu Eaubada ta ‘enega, tauna ora ‘i ilia, be ‘enega lisuna si dududu: ‘Ana esana bodao ‘idi Ieoba.

Isaia 54:8

Egamwagamwagu maa‘apu‘apu ‘ena maninigu ia kwaiena ‘emuiega tuta tomwanega; ta oboboma mia ‘ataiega ia da ‘atenua‘ole‘oleio, Ieoba ‘amu to ‘ewalimana ‘i gwae.

Isaia 6:3

Ta ‘e bweuna ‘i bwau ‘e bweuna ‘enaia, ta ‘i gwae, Tabu, tabu, tabu, bodao ‘idi Ieoba: gabura maibo‘ana ‘i maa ‘ina eseesega.

Isaia 65:16

Ta ‘enega tauna ‘i onaobobomena tauna bare‘uia ‘i da onaobobomena tauna Emeni ‘ina Eaubada ‘enega: ta tauna ‘i ona‘upa‘upa bare‘uia ‘i da ona‘upa‘upa Emeni ‘ina Eaubada ‘enega; gimi iage ‘ebeloniu si nuapupuredi ta ‘enega, ta si miakwaia matagu ‘ediega ta ‘enega.