Isaia 54:17 - Buki Tabu Lowaenei 1919

¹⁷ Nigea ‘e bweu ‘ebesaia si bubu manuio ‘i da bobo‘ana; ta meia ‘e bweuna ‘e bweuna ‘i tooro manuio etara ‘ena ‘u da ‘awato‘umaliena. Gete Ieoba ‘ina to‐guinuao ‘idi ‘egu‘eguia, ta ‘idi bubuna paruparu tauna ‘eguiega, Ieoba ‘i gwae.

Isaia 54:17 ပူးပေါင်းရင်းမြစ်များ

Salamo 32:6

Gete manuna ‘e bweuna ‘e bweuna ‘i tapwaroro ‘emuia ‘i da sidasida tuta ‘enega si da lobaio: ‘Ai‘aila ‘ena boasi sinabwadi si maa‘apu‘apu gea‘abo ‘ena si da tu‘etu‘e.

Salamo 61:5

‘Oio, Eaubada ie, ‘igu ona‘upa‘upa ni‘atu ‘u nonona ta ‘enega: Taudi ‘amu esana si ‘amaiabena ‘adi ‘egu‘eguiai ni‘atu u ‘ebwaegu.

Salamo 71:16

Ia da mai ‘Inapwana Ieoba ‘ina guinua waiwaiao ‘ediega: ‘Imu bubuna paruparuna ia da ‘inana, tuga ‘imu bubuna namo.

Salamo 71:19

Eaubada ie, ‘imu bubuna paruparuna wate ‘i mia tu‘e wawasae; Ni‘atu iage sinabwadi ‘u guinuedi, Eaubada ie, iaita ‘oio nadigega?

Isaia 17:12

A! tomota iauiaudi ‘idi bwau toila, taudi si dududu nadigega lisuiao ‘idi dududu; ta ‘ebeloinao ‘idi pili didiga, si pilipili nadigega boasi waiwaidi ‘idi daudau murua!

Isaia 26:2

‘Eberugu wa da gigegedi, be ‘enega ‘ebeloina paruparu tauna ona ‘ai‘aila i ita‘i‘isina ‘ena ‘i da rugu.

Isaia 29:8

Ta ‘i da nadigega ‘ena tai botabotanina ‘i madawara, ta, wa ‘ita, i ‘e‘ai; ta ‘i tooro, ta iaruiaruana ‘i kakaena: nai nadigega tai tonaana ‘i iapasa ‘i madawara, ta, wa ‘ita, ‘i numanuma; ta ‘i tooro, ta, wa ‘ita, ‘i emwaromwaroa, ta iaruiaruana ‘aene ‘i da numa; nadigega ‘i da apwesa ‘ebeloina iauiauna ‘adi iau ‘edia, taudi si saia ‘oea Siona ‘enaia.

Isaia 3:10

To paruparu ‘ena ‘u da gwae, ‘i da mia bobo‘ana: ‘idi bubuna uanega si da ‘e‘ai ta ‘enega.

Isaia 40:2

Ierusalema ‘atena ‘ena wa da ona, ta ‘ena wa da bwau, ‘ana tuta saia ni‘atu ‘i gumwara, ‘ina bubuna bokobokona ni‘atu ‘i kweu; ni‘atu Ieoba nimanega ‘e rua si ‘ewena ‘ina loegesi iauiauna manudi.

Isaia 41:11

U ‘ita, iauiaudi nuadi ‘i to‘umali ‘emuia si da omaiamaia ta si da loniu: taudi wa e‘upwa ma‘ieaio si da nadigega nigea ‘e bweu, ta si da saoora.

Isaia 46:13

‘Igu bubuna paruparu ia me‘ena serabenaia, gea‘abo ‘i da mia ‘edasora, ta ‘igu ‘etoseana gea‘abo ‘i da iamwaiamwa; ta ‘etoseana ia da sa‘u Siona ‘ena Iseraela ‘igu esaesa manuna.

Isaia 50:8

Tauna ‘i ‘awaparuparuiegu ‘i serabeguia: iaita ma‘ieagu ‘a da e‘upwa? ta da tooro rererea: iaita ‘agu tarauwara? ‘i da mai serabeguia.

Isaia 50:9

Wa ‘ita, ‘Inapwana Eaubada ‘i da lemegu; ‘iaita tauna ‘i da ‘awato‘umaliegu? wa ‘ita, iauiaudi si da ekadekaderidi ‘atua ‘oama; manumanuao si da ‘e‘egumwaridi.

Isaia 51:5

‘Igu bubuna paruparu ‘i serabenaia, ‘igu ‘etoseana ‘i apwesa, ta nimaguao tomota si da loinedi; saruiao si da iamwaiamwa manugu, ta nimagu ‘ena si da ‘emisa.

Isaia 54:15

U ‘ita, si da deriegogona nai ta nigea ‘eguiega: taudi si egogona matamuia, si da be‘u manuio.

Isaia 54:16

Wa ‘ita, tobubu‐kainumu ia mweruruina tauna kebwanigita ‘ara‘arata ‘i loweniwenini, ta ‘ebeguinua i ‘ewenama ‘ina guinua manuna; ta to mudara ia mweruruina sabi giesaoora.

Isaia 58:14

Ga tauio ‘u da ‘uiawana Ieoba ‘enaia: ta ia da bubuio be bare‘u ‘ina esena lo‘etanidi ‘edia ‘u da geru; ta ia da e‘eniio Iakobo tamaio ‘ina ‘egu‘eguiaiega: Ieoba ‘awana ni‘atu i ‘inana ta ‘enega.

Isaia 60:21

‘Imu tomota wate iauiaudi si da paruparu, ‘asa si da ‘ewa ‘ataia; ‘igu asoa narina, nimaguao ‘idi guinua, be ‘enega ma‘igu esaesa.

Isaia 61:10

Ieoba ‘enega ia da guausoara sinabwana, iaruiaruagu ‘i da guausoara ‘igu Eaubada ‘enega; ni‘atu ‘i e‘otegu ‘etoseana ‘ana ‘oama ‘ediega ta ‘enega, bubuna paruparu ‘ana tara‘apwarega ni‘atu ‘i bodegu, ‘atua toai me‘olotona ‘i eiarina tauna iaiarega, ta ‘atua toai mewainena ‘i eiarina tauna ‘ina oesiega.