Isaia 52:6 - Buki Tabu Lowaenei 1919

⁶ Ta ‘enega ‘igu tomota ‘agu esana si da mwaratoni: ta ‘enega asiata gote ‘enega si da mwaratoni ‘aene ‘abo‘agu tauna ‘i onaona; wa ‘ita, ‘Abo‘agu.

Isaia 52:6 ပူးပေါင်းရင်းမြစ်များ

Salamo 48:10

Na‘ieana ‘amu esana, Eaubada ie, Na‘ieana ‘amu tuputupu bare‘u ana ‘ebelosaroniao ‘edia: ‘Ataio ‘i maa bubuna paruparunega.

Si Apwesa 3:13

Ta Mose Eaubada ‘ena ‘i gwae, U ‘ita, ‘ena ia wai Iseraela tubunao ‘edia, ta ‘edia ia da gwae, Tamamiao ‘idi Eaubada ni‘atu i ‘etunegu ‘emia; ta ‘eguia si da ona; Mwa‘adega ‘ana esana? to‘ase ia da ona ‘edia?

Si Apwesa 33:19

Ta ‘i gwae, ‘Igu bobo‘ana maibo‘ana ia da gitaonena matamuia, ta Ieoba ‘ana esena ia da ‘inana matamuia; ta ia da nuabobo‘ana taudi nuagu ia da nuabobo‘ana ‘edia, ta ia da e‘ita nua‘ole‘ole taudi nuagu ia da e‘ita nua‘ole‘ole ‘edia.

Si Apwesa 6:3

ta ia apwesa Aberaamo ‘ena, Isaako ‘ena, ta Iakobo ‘ena, Eaubada Toewaiwaisana nadigega, ta ‘agu esana Ieoba ‘enega nigea si mwaratonigu.

Isaia 40:9

‘Oio tetera bobo‘ana ‘u etetera Siona ‘ena, ‘u da tu‘e ‘oea kesora ‘enaia; ‘Oio tetera bobo‘ana ‘u etetera Ierusalema ‘ena, ‘enaio ‘u da gitu‘eiei waiwaiega; ‘u da gitu‘eiei, gea‘abo ‘u matauta; Iuda ‘ina ‘asa ‘edia ‘u da gwae, Wa ‘ita, ‘imi Eaubada!

Isaia 42:9

Wa ‘ita, gimi iage ni‘atu si apwesa, ta iage auaudi ia simana: ‘idi apwesama nuganinaia ia simanedi ‘emia.

Isaia 49:23

Ta kiniao si da tamamuao to amwamwa, ta ‘idi kuiniao sinamuao to amwamwa: si da bwagobwago sana mwa‘uta bare‘uia ‘emuia, ta ‘aeio ‘ina kau si da loiamosi: ta ‘u da mwaratoni ‘abo‘agu Ieoba, ta taudi si iamwaiamwa manugu gea‘abo si da omaiamaia.

Isaia 60:16

‘Ebeloinao ‘idi susu ‘u da numa wate, ta kiniao susudi ‘u da esusu: ta ‘u da mwaratoni ‘aene ‘abo‘agu Ieoba ‘abo‘agu ‘amu To‘Etoseana, ta ‘amu to‘ewalima, Iakobo ‘ina Waiwai Tebweuna.