Isaia 51:22 - Buki Tabu Lowaenei 1919

²² Gete nadigega ‘imu ‘Inapwana Ieoba ‘i gwae, ta ‘imu Eaubada tauna ‘ina tomota manudi ‘i ona leme, U ‘ita, keiga logadogado nimamuiega ia ‘ewena, tuga ‘igu egamwagamwagu keigana gaebana; gea‘abo wate ‘u da numa limena:

Isaia 51:22 ပူးပေါင်းရင်းမြစ်များ

Salamo 35:1

Ieoba ie, taudi ma‘eguao ‘a e‘upwa ma‘edi ‘u da e‘upwa: Taudi ‘eguia si losaia ‘edia ‘u da losaia.

Salamo 60:3

Iage pa‘aridi ni‘atu u e‘ita ‘imu tomota ‘edia: Oine ‘ebeiogaiogara ‘enega ‘u enumema.

Isaia 29:9

Wa da iamwaiamwa ta nuami ‘i da owana; ‘imi ‘ebeguausoara wa da ‘ewa, ta wa da matakebo: si elausi, ta nigea oineega; si gadogado, ta nigea boasi pa‘arega.

Isaia 3:12

Ta ‘igu tomota manudi, gogama si unuedi, ta iine si loinaedi. ‘Igu tomota ie, taudi si nuganeio si gieloegesiemi, ta ‘imu ‘eda ‘aredi si giesaooridi.

Isaia 3:13

Ieoba ‘i tooro sabi onaona, ta ‘i tooro be tomota ‘i loinedi.

Isaia 49:25

Ta gete nadigega Ieoba ‘i gwae, Tuga to ewaiwai ‘idi ioniionidi si da ‘ewedi, ta to didiga ‘idi iage oae si da ‘etoseedi: ‘abo‘agu ia da e‘upwa tauna ‘i e‘upwa ma‘ieaio ma‘ieana, ta natumuao ia da ‘etoseedi.

Isaia 51:17

‘U da tooro, ‘u da tooro, ‘u da tooro ‘ai‘aila, Ierusalema ie, tauio Ieoba nimanega ‘ina egamwagamwagu didiga ‘ina keiga ‘u numena; keiga gadogado gaebana ni‘atu ‘u numena, ga ‘i iapasa.

Isaia 62:8

Ieoba ni‘atu ‘i ona‘upa‘upa atainega, ta ‘ina waiwai nimanega, Ona‘ai‘aila ‘imu witi nigea wate ia da ‘ebwaea be ‘i da emasura ‘amu tarauwarao manudi; ta to‘u‘umara gea‘abo ‘imu oineuana si da numena, tauna manuna ni‘atu ‘u guinua: