Isaia 51:20 - Buki Tabu Lowaenei 1919

²⁰ Natumuao ni‘atu si be‘u, si ‘eno‘eno ‘eda iauiauna debadia, na‘ieana gota‐mitawa tore ‘enaia; si maa Ieoba ‘ina egamwagamwaguiega, ‘imu Eaubada ‘ina ba‘e ‘enega.

Isaia 51:20 ပူးပေါင်းရင်းမြစ်များ

Isaia 29:9

Wa da iamwaiamwa ta nuami ‘i da owana; ‘imi ‘ebeguausoara wa da ‘ewa, ta wa da matakebo: si elausi, ta nigea oineega; si gadogado, ta nigea boasi pa‘arega.

Isaia 40:30

Tubuau tuga oodi ‘i da taba ta si da lo‘ame‘ame, ta tai tubulagalaga si da be‘u ‘ai‘aila:

Isaia 49:26

Ta taudi si giemwa‘utemi ia da ‘e‘enidi taudi esiodi ‘enega: ta si da elolaulausi taudi raradiega, ‘atua oine dibidibiega: ta esio maibo‘ana ‘i da mwaratoni ‘aene ‘abo‘agu Ieoba ‘imu to‐‘etoseana, ta ‘amu to ‘ewa limana, Iakobo ‘ina Waiwai Tebweuna.

Isaia 5:25

Ta ‘enega Ieoba ‘ina gamwasoara i ‘ara‘arata ‘ina tomota ‘edia, ta ni‘atu nimana ‘i gilagasina ‘edia, ta ‘i unudi, ta ‘oea gidaridi si dedera, ta ‘idi kokoao si esumwana ‘atua ‘eda gamwagamwanidia. Iage maibo‘ana gete manuna ‘ina gamwasoara nigea ‘i sana‘ilawa, ta nimana ‘i iasitoto ‘ataena.

Isaia 51:17

‘U da tooro, ‘u da tooro, ‘u da tooro ‘ai‘aila, Ierusalema ie, tauio Ieoba nimanega ‘ina egamwagamwagu didiga ‘ina keiga ‘u numena; keiga gadogado gaebana ni‘atu ‘u numena, ga ‘i iapasa.

Isaia 51:21

Ta ‘enega gete ‘u da nono, ‘oio ma‘imu elo‘uia, ta laulausiio, ta nigea oineega:

Isaia 66:15

Wa ‘ita, ta ‘enega, Ieoba ‘i da mai awe‘ara‘aratega, ta ‘ina salioteao si da ‘ebwawabwawa nadigega; sabi ‘ebwaea ‘ina gamwasoara egamwagamwaguiega, ta ‘ina ba‘e awesabeluluiega.

Isaia 8:21

Ta si da rubwarena, mwaumwau sinabwana ta botana: ta gete ‘i da apwesa, ‘ena si da botana, si da ‘eeiabedi taudi, ta si da elia ‘idi king ‘enega ta ‘idi Eaubada ‘enega, ta maninidi si da gisanatu‘e: