Isaia 51:16 - Buki Tabu Lowaenei 1919

¹⁶ Ta ‘igu ona ni‘atu ia sa‘u ‘awamuia, ta nimagu ‘ina iauiaukwa ‘ena ia bodemu, be ‘enega garewa ia da sa‘u ‘ai‘ailidi, ta bare‘u ‘ana ‘autu ia da sa‘udi, ta ia da ona Siona ‘ena, ‘Oio ‘igu tomota.

Isaia 51:16 ပူးပေါင်းရင်းမြစ်များ

Salamo 75:3

Bare‘u ta ‘ana tomianao iauiaudi ni‘atu si sawara; ‘Ina ‘orao ni‘atu ia sa‘u tu‘eiedi. (Sela.)

Salamo 91:4

Dagurinega ‘i da tara‘apwariio Ta papena ‘agaraudia ‘u da dena; ‘Ina ona‘ai‘aila lawa ta lobodaboda.

Salamo 92:13

Taudi ni‘atu si aso‘idi Ieoba ‘ina anuaia Si da uiawana Eaubada ‘ina atamana ‘edia.

Si Apwesa 33:22

Ta gete ‘i da apwesa, tuta ‘enega ‘igu esaesa ‘i sakowasi, gurewa gaulinaia ‘ena ia da sa‘uio, ta nimaguiega ia da lobodebodeio ga ia da sakowasi bei:

Si Apwesa 4:15

Ta ‘u da ona ‘enaia, ta ‘awanaia ona ‘u da sa‘udi: ta ‘abo‘agu ‘awaio ma‘ieana, ta ‘awana ma‘ieana, ta ia da e‘itemi to‘ase wa da guinua.

Isaia 45:18

Gete nadigega Ieoba tauna garewao ‘i mweruruidi ‘i gwae; tauna Eaubada; tauna bare‘u ‘i gibubuna ta ‘i mweruruina; ‘i sa‘u ‘ai‘ailina, ‘i mweruruina nigea iagedaisinamo, ‘i gibubuna be iauna ‘ana tomi: ‘Abo‘agu Ieoba; ta nigea wate ‘e bweu.

Isaia 48:13

Tamo, nimagu bare‘u ‘ana ‘autui ‘i sa‘una, ta ‘ataigu garewa ‘i neasidi: ‘ena ia bwau ‘edia, si tooro rererea.

Isaia 49:2

Ta ‘awagu ‘i bubuna sisisaia mamatana nadigega, nimana ‘ina iauiaukwa ‘ena ‘i kwaiegu; ta ‘i bubugu gita usiusina, ‘ina ‘ebe‘a‘aragita ‘ena ‘i egagaregu:

Isaia 49:8

Gete nadigega Ieoba ‘i gwae, Tuta bobo‘ana ‘enega ni‘atu ia onalimana ‘emuia, ta ‘etoseana ‘ana asiata ‘enega ni‘atu ia lememu: ta ia da egagareio, ta ia da ‘ebwaea‘eio tomota ‘idi ona‘upa‘upa manuna, be bare‘u ‘u da sa‘u ‘ai‘aili, be ‘u da loinedi be ‘egu‘eguia waboreboreao si da ‘ewa:

Isaia 50:4

‘Inapwana Eaubada tonono e‘ita meiadi ni‘atu i ‘ebwaegu, be ‘enega ia da mwaratoni be tauna ‘i lo‘ame‘ame ia da gi‘ete ona ‘ediega: gonagona be gonagona ‘i lowanowanogu, tenagu ‘i lowanowanona be ‘i nono nadigega to nono e‘ita

Isaia 57:19

Sopa uadi ia mwerurua: Guguia, guguia, tauna ‘edasora ‘ena ta tauna serabeguia ‘ena, Ieoba ‘i gwae; ta ia da giebobo‘anena.

Isaia 59:21

Ta ‘abo‘agu manugu, gete ‘igu ona‘upa‘upa ma‘edi, Ieoba ‘i gwae: iaruiaruagu tauna ‘emuia ‘i miami, ta ‘igu ona taudi ‘awamuia ia sa‘u, gea‘abo ‘awamuiega si da tauiawa, nai tubumuao ‘awadiega, nai tubumuao tubudiao ‘awadiega, Ieoba ‘i gwae, gete ‘enega ta tuta ‘ataia.

Isaia 60:21

‘Imu tomota wate iauiaudi si da paruparu, ‘asa si da ‘ewa ‘ataia; ‘igu asoa narina, nimaguao ‘idi guinua, be ‘enega ma‘igu esaesa.

Isaia 61:3

Be taudi si dedo Siona ‘ena ia da aseiedi, ia da ‘ebwaedi iiara karikau ‘ana lopa‘eru, guausoara ‘ina bunama ‘ewabamu ‘ana lopa‘eru, tuputupu ‘ana ‘oama iaruiarua mwaumwau ‘ana lopa‘eru; be ‘enega si da eesedi bubuna paruparu ‘ina kaiweao, Ieoba ‘ana ‘aso‘aso, be ‘enega si da ‘awaeseeseiena.

Isaia 65:17

Wa ‘ita, ta ‘enega, garewa auaudi ta bare‘u auauna ia mweruruidi: ta gimi iage gea‘abo ia da nua‘i‘isidi, nai ‘ategu ‘ena si da mai.

Isaia 66:22

Na‘ieana garewa auaudi ta bare‘u auauna taudi ia da mwerurua, si da mia ‘ataia mataguia ta ‘enega, Ieoba ‘i gwae, na‘ieana tubumi ta ‘ami esana si da mia ‘ataia.