Isaia 51:10 - Buki Tabu Lowaenei 1919

¹⁰ Nigea ‘oio nai tauna ora ‘i gieiapasa, ni‘u sinabwana ‘ina ora; tauna ora ‘ina ni‘u ‘i bubuna be ‘eda ‘enega li‘ali‘amidi si taona?

Isaia 51:10 ပူးပေါင်းရင်းမြစ်များ

Salamo 106:10

Ta tauna nuana ‘i to‘umali ‘edia nimanega i ‘etoseedi, Ta tarauwara nimanega i ‘ewa limedi.

Salamo 106:9

Ora Bweabwearina wate ‘i ba‘ena, ta ‘i loiadaiada: Nadigega ni‘uiega i ‘au‘ewedi, ‘atua mitawega.

Salamo 74:13

Ora ‘u wearina ‘imu waiwaiega: Warigoa debadi u ‘e‘auwearidi boasi ‘edia.

Salamo 77:19

‘Imu ‘eda oraia ‘i miami, Ta ‘imu ‘edao boasi sinabwadi ‘edia, Ta ‘imu sa‘ulaga nigea si mwaratonidi.

Si Apwesa 14:29

Ta Iseraela tubunao bwa‘a iadaiadana ‘ena si tautauia ora gamwagamwanega; ta ora ‘i pita rueruedi ‘ataidiega, ta gegeumidiega.

Si Apwesa 15:13

‘Oio ‘imu ‘atenua‘ole‘oleiega tomota taudi manudi u ‘e‘isa ‘u nuganedi: ‘Imu waiwaiiega u ‘au‘ewedi ‘imu ‘ebemia tabu ‘enaia.

Isaia 11:15

Ta Ieoba ora Aigupito meiana ‘i da giesaoori; ta iagila ‘ara‘arata ‘enega nimana ‘i da giniuiei Boasi‘awa debanaia, ta ‘i da ununa be ‘i boasidaudau ‘e sebeni, ta ‘i da loina be tai si da rubwarena ‘aedi iadaiadana.

Isaia 11:16

Ta ‘eda sinabwana ‘i da miami ‘ina tomota tupwadi manudi, taudi si miami, Asiriega; nadigega lowa ‘i miami Iseraela manuna asiata ‘enega ‘i tu‘ema ‘asa Aigupitoega.

Isaia 35:10

Ta Ieoba ‘ina lagwalagwadi si da ‘ilama, ta Siona ‘ena si da mai wariega; ta guausoara mia ‘ataia debadi, ‘edia ‘i da miami: ‘uiawana ta guausoara si da ‘ewa, ta dedoi be eiawasilagalaga si da denawa.

Isaia 35:8

Ta ‘eda sinabwana ‘ena ‘i da miami, ta ‘eda, ta si da eesena, Iaruiarua esasena ‘ana ‘eda; Baibailidi gea‘abo ‘ena si da etaona; ta tauna taudi manudi: tai to tauia gesi, tamo uwauwadi, gea‘abo ‘ena si da loegesi.

Isaia 35:9

Nigea ‘e bweu laione ‘ena ‘i da miami, nai ‘e bweu iobai bosasa ‘ena ‘i da tu‘e, gea‘abo ‘ena si da lobedi; ta taudi si ‘ewalimedi ‘ena si da tauia:

Isaia 42:15

‘Oea sinabwadi ta ‘oea gidaridi ia da loegumwaridi, ta ‘idi pwatura iauiauna ia da gie ‘oaperuiedi; ta boasi‐daudau ia da bubudi be si ‘esaruiao, ta sewasewa ia da gieiapasidi.

Isaia 43:16

Gete nadigega Ieoba ‘i gwae, tauna ‘eda ‘i bubuna oraia, ta ‘eda gilelena boasi waiwai ‘edia;

Isaia 50:2

Toase manuna, ‘ena ia mai, nigea ‘e bweu tai ‘i miami? Ena ia bwau, nigea ‘e bweu ‘i da onalimana nai? Nimagu ‘i kukupa nai, be ‘enega gea‘abo ‘i da ‘ewalima? Nai nigea ma‘igu waiwai be ia ‘etosee? Wa ‘ita, ‘igu ba‘eiega ora ia gieiapasina, boasi‘awa ia bubudi be si emitawa: ‘idi iana si mwa‘ulu, nigea ‘idi boasi ta ‘enega, ta si mwawasa tona‘adi ‘i iapasa manuna.

Isaia 62:12

Ta si da eesedi Tomota tabu, Ieoba ‘ana ‘ewa‘ewalima: ta si da eeseio ‘Ebe‘ebesaio, ‘Asa nigea si e‘idi‘idia.

Isaia 63:9

‘Idi elo‘uia maibo‘anega tauna ‘i elo‘uia, ta ‘ina miami ‘ana anelose i ‘etoseedi: ‘ina oboboma ta ‘ina nua‘ole‘ole ‘ediega i ‘ewalimedi; ta i ‘amwamwedi, ta i ‘aridi asiata iauiauna lowaeneiega.