Isaia 50:2 - Buki Tabu Lowaenei 1919

² Toase manuna, ‘ena ia mai, nigea ‘e bweu tai ‘i miami? Ena ia bwau, nigea ‘e bweu ‘i da onalimana nai? Nimagu ‘i kukupa nai, be ‘enega gea‘abo ‘i da ‘ewalima? Nai nigea ma‘igu waiwai be ia ‘etosee? Wa ‘ita, ‘igu ba‘eiega ora ia gieiapasina, boasi‘awa ia bubudi be si emitawa: ‘idi iana si mwa‘ulu, nigea ‘idi boasi ta ‘enega, ta si mwawasa tona‘adi ‘i iapasa manuna.

Isaia 50:2 ပူးပေါင်းရင်းမြစ်များ

Nugana 18:14

‘E bweu iage ‘i mwauwawasae Ieoba ‘enaia? Tuta ‘ai‘aila ‘enega ‘emuia ia da ‘ilama, ‘ena tuta ‘i apwesama, ta Sara natuna me‘olotona ‘i da enatunena.

Salamo 106:9

Ora Bweabwearina wate ‘i ba‘ena, ta ‘i loiadaiada: Nadigega ni‘uiega i ‘au‘ewedi, ‘atua mitawega.

Salamo 107:33

Boasi‘awanao ‘i gibunidi be si ‘emitawa, Ta wewerupwa be si ‘ebwa‘a iapasa;

Si Apwesa 14:21

Ta Mose nimana ‘i iasitotona ora debanaia; ta Ieoba ora ‘i gi‘ilena bomatu pa‘arinega boiboi maibo‘ana ‘enaia, ta ora ‘i bubuna be ‘i da e bwa‘a iadaiadana, ta ora ‘i weara ruena.

Si Apwesa 14:29

Ta Iseraela tubunao bwa‘a iadaiadana ‘ena si tautauia ora gamwagamwanega; ta ora ‘i pita rueruedi ‘ataidiega, ta gegeumidiega.

Si Apwesa 7:18

Ta iana boasi‘awa ‘ena si miami si da mwawasa, ta boasi‘awa ‘i da mwa‘ulu; ta me Aigupito numa boasi boasi‘awanega si da lo‘ubusutooroe.

Si Apwesa 7:21

Ta iana boasi‘awa ‘ena, si ‘elo‘amasa; ta boasi‘awa ‘i mwa‘ulu, ta me Aigupito nigea kapekapeana boasi‘awanega si da numa boasi; ta rara ‘asa Aigupito maibo‘ana ‘ena ‘i miami.

Isaia 11:15

Ta Ieoba ora Aigupito meiana ‘i da giesaoori; ta iagila ‘ara‘arata ‘enega nimana ‘i da giniuiei Boasi‘awa debanaia, ta ‘i da ununa be ‘i boasidaudau ‘e sebeni, ta ‘i da loina be tai si da rubwarena ‘aedi iadaiadana.

Isaia 19:5

Ta boasiao si da gumwara orega, ta boasi ‘awanao si da mudarina ta ‘i da eloiapasa.

Isaia 23:11

Nimana ni‘atu ‘i iasitoto ora debanaia, ‘ebeloinao ni‘atu ‘i giniuiedi: Ieoba ni‘atu ‘i loina Kanania manuna, be ‘ina anua ‘ebepa‘ara ‘i da giesaooridi.

Isaia 36:20

‘Asa getedi ‘idi eaubadao iauiaudi iaisigei, ‘ediega ‘idi ‘asa si ‘etoseena nimaguiega, be ‘enega Ieoba Ierusalema ‘i da ‘etoseena nimaguiega?

Isaia 41:28

Ta ni‘atu ia ‘ita, ta nigea ‘e bweu tai; tuga gamwagamwanidia nigea ‘e bweu to‐onaleme, be ‘enega ‘ena ia eonedi, ona ‘e bweu ‘i da ona‐limena.

Isaia 42:15

‘Oea sinabwadi ta ‘oea gidaridi ia da loegumwaridi, ta ‘idi pwatura iauiauna ia da gie ‘oaperuiedi; ta boasi‐daudau ia da bubudi be si ‘esaruiao, ta sewasewa ia da gieiapasidi.

Isaia 43:16

Gete nadigega Ieoba ‘i gwae, tauna ‘eda ‘i bubuna oraia, ta ‘eda gilelena boasi waiwai ‘edia;

Isaia 44:27

Tauna ni‘u ‘ena ‘i ona, ‘U da iapasa, ta ‘imu boasi‘awa ia da gieiapasedi;

Isaia 51:10

Nigea ‘oio nai tauna ora ‘i gieiapasa, ni‘u sinabwana ‘ina ora; tauna ora ‘ina ni‘u ‘i bubuna be ‘eda ‘enega li‘ali‘amidi si taona?

Isaia 54:6

Ieoba ‘i bwauiemu na‘ieana to‐aimewainena e‘idi‘idiena ta ‘ate‘uia‘uia ta ‘enega, tuga to‐aimewainena megoamana, ‘ena si e‘idi‘idiena, ‘imu Eaubada ‘i gwae.

Isaia 59:1

Wa ‘ita, Ieoba nimana nigea ‘i kukupa, be gea‘abo ‘i da ‘etoseana; nai tenana ‘i mwau, be gea‘abo ‘i da nono:

Isaia 59:16

Ta i ‘ita nigea ‘e bweu tai, ta nuana ‘i owana nigea ‘e bweu to sida ta ‘enega; ta ‘enega tauna nimana ‘etoseana ‘i me‘ena ‘enaia; ta ‘ina bubuna paruparu, tauna ‘i giiaina.

Isaia 63:13

Tauna i ‘au‘ewedi ni‘u gamwanaia, ‘atua ose mitawa ‘ena, ta nigea si setupedi?

Isaia 64:6

Iauiauma ni‘atu nadigega ‘e bweu ‘i baila ta ‘enega, ta ‘ima bubuna paruparu iauiaudi nadigega ‘oama mabi‘ina: ta iauiauma ‘a medamedara kaiwe iawana ‘atua; ta ‘ima bubuna bokobokoiao, nadigega iagila, si tauieda.

Isaia 65:12

Ia da ‘aseiemi sisi‐saia ‘ena, ta iauiaumi wa da ‘opu‘opu esilae ‘ena: ‘ena ia bwau, nigea wa nono ta ‘enega: ‘ena ia ona, nigea wa nono; ta iage to‘umalina matagu ‘edia wa guinua, ta iage nigea manuna ia guausoara wa ‘esinuena.

Isaia 66:4

‘Abo‘agu wate ‘idi kabokaboiao ia da ‘esinua, ta ‘idi matauta ia da me‘ena ‘edia; ‘ena ia bwau, nigea ‘e bweu ‘i onalimana ta ‘enega; ‘ena ia ona, nigea si nono: ta iage nidi ‘i to‘umalina mataguao ‘edia si guinuedi, ta iage ‘enega nigea ia ‘uiawana si ‘esinua.