Isaia 5:25 - Buki Tabu Lowaenei 1919

²⁵ Ta ‘enega Ieoba ‘ina gamwasoara i ‘ara‘arata ‘ina tomota ‘edia, ta ni‘atu nimana ‘i gilagasina ‘edia, ta ‘i unudi, ta ‘oea gidaridi si dedera, ta ‘idi kokoao si esumwana ‘atua ‘eda gamwagamwanidia. Iage maibo‘ana gete manuna ‘ina gamwasoara nigea ‘i sana‘ilawa, ta nimana ‘i iasitoto ‘ataena.

Isaia 5:25 ပူးပေါင်းရင်းမြစ်များ

Salamo 106:40

Ta ‘enega Ieoba ‘ina gamwasoara i ‘ara‘arata ‘ina tomota ‘edia, Ta ‘ana ‘egu‘eguia ‘i guitoasena.

Salamo 114:7

‘Oio bare‘u, ‘u da dedera ‘Inapwana matanaia, Iakobo ‘ina Eaubada matanaia;

Salamo 18:7

Ga bare‘u ‘i loniu ta ‘i dedera, ‘Oea wate ‘adi ‘autui si loniu Ta si dedera, ‘i gamwasoara ta ‘enega.

Salamo 68:8

Bare‘u ‘i dedera, Garewaiao wate si mwa‘uta Eaubada matanaia: Sinai gote ‘i dedera tuga Eaubada matanaia, Iseraela ‘ina Eaubada.

Salamo 77:18

‘Imu weparara ‘enana bwawabwawa ‘ena ‘i miami; Namara gabura ‘i giema‘edanena: Bare‘u ‘i dedera ta ‘i loniu.

Salamo 78:38

Ta tauna, ‘i maa nua‘ole‘oleiega, ga ‘idi bubuna bokobokona nigea ‘i e‘isa, ta nigea ‘i loesaooridi; Tamo, tuta iauna ‘ina gamwasoara i ‘ile‘ile, Ta ‘ina gamwasoara iauiauna nigea ‘i iliili.

Salamo 83:10

Taudi si saoora Enidora ‘ena; Taudi si ebi‘i ‘atua bare‘u manuna.

Si Apwesa 7:19

Ta Ieoba ‘i ona Mose ‘enaia, Aarona ‘ena ‘u da gwae, ‘Imu keweliwelili ‘u da ‘ewa, ta Aigupito boa‘inao ‘edia nimaio ‘u da iasitoto, ‘adi boasi‘awa ‘edia, ‘adi boasisalasala ‘edia, ‘adi boasi‐gaula ‘edia, ‘adi boasi‐gomwagomwadi iauiauna ‘edia, be si da erara; ta ‘asa Aigupito maibo‘ana ‘ena rara ‘i da miami, gaeba kaiwe ta gaeba gurewa ruarua ‘edia.

Isaia 10:4

Si da ‘opu‘opumo ioniionidi ‘agaraudia, ta si da be‘u to esilae ‘ubunidia. Ga iage maibo‘ana gete ‘i da apwesa ta ‘ina gamwasoara nigea i ‘ilawa, ta nimana ‘i iasitoto ‘ataena.

Isaia 10:6

‘Ebeloina ona besobeso ‘ena ia da etunena, ta ‘igu gamwasoara ‘ina tomota manudi ia da ba‘ena, be gwegwe ‘i da ‘ewa, ta ‘ebe‘oae ‘i da ‘ewa, ta ‘i da ‘aiaidi ‘edaiao sepwaridi ‘atua.

Isaia 14:19

Ta ‘oio si ‘ula apweseio ‘amu ‘ari‘ariega nari gadilulu ‘atua, to esilae ‘adi ‘oama ‘atua, taudi si esasa‘aedi sisi‐saiega, taudi si mwa‘uta gaula gurewana ‘edia; kokoa si ‘aiaina ‘atua.

Isaia 23:11

Nimana ni‘atu ‘i iasitoto ora debanaia, ‘ebeloinao ni‘atu ‘i giniuiedi: Ieoba ni‘atu ‘i loina Kanania manuna, be ‘ina anua ‘ebepa‘ara ‘i da giesaooridi.

Isaia 25:11

Ta gamwagamwanaia nimanao ‘i da iasitoto, ‘atua tauna ‘i tutube nimanao ‘i iasitoto sabi tube: ta ‘ina gagasa ‘i da sa‘u mwa‘utena nimanao ‘idi pana‘ita rererea ma‘ieana.

Isaia 29:2

Ga Ariela ia da e‘atemutuiena, ta dedoi ta ‘ewabamu si da apwesa: ta ‘i da Ariela na‘ieana ‘eguia.

Isaia 42:25

Ta ‘enega ‘ina gamwasoara ‘ana iaiiai, ta saia ‘ana pa‘ara ‘i siwa ‘enaia; ta ‘i loe‘abi sakowasiena, ta nigea ‘i sinapuna: ta i ‘arasina, ta nigea ‘i sa‘u ‘atenaia.

Isaia 51:20

Natumuao ni‘atu si be‘u, si ‘eno‘eno ‘eda iauiauna debadia, na‘ieana gota‐mitawa tore ‘enaia; si maa Ieoba ‘ina egamwagamwaguiega, ‘imu Eaubada ‘ina ba‘e ‘enega.

Isaia 64:3

‘Ena iage didiga ‘u guinuedi taudi nigea a ‘ebesa, ‘u mwa‘utama, ‘oea si dau mwa‘uta matamuia.

Isaia 66:15

Wa ‘ita, ta ‘enega, Ieoba ‘i da mai awe‘ara‘aratega, ta ‘ina salioteao si da ‘ebwawabwawa nadigega; sabi ‘ebwaea ‘ina gamwasoara egamwagamwaguiega, ta ‘ina ba‘e awesabeluluiega.

Isaia 66:24

Ta si da apwesawa, ta tai si li‘oa loina ‘eguia ‘adi kokoa si da duneedi: ‘idi didimwana gea‘abo ‘i da mwawasa ta ‘enega, nai ‘idi awe‘ara‘arata ‘i da kweu; ta si da ‘ebegadilulu esio maibo‘ana ‘enaia.

Isaia 9:11

Ta ‘enega Ieoba Resina ‘ana tarauwarao ‘i da sa‘u tu‘e matanaia, ta ‘ana tarauwarao ‘i da giniuiedi;

Isaia 9:16

Taudi tomota gete ‘idi tonuganao si gieloegesiedi; ta taudi nuganuganidi si saoora.

Isaia 9:17

Ta ‘enega ‘Inapwana gea‘abo ‘i da guausoara ‘idi tubuau manudi, nai ‘i da ‘atenua‘ole‘ole ‘idi pesiedao ta ‘idi kwaburao ‘edia; iauiaudi ‘e bweuna ‘e bweuna ‘i ona besobeso ta ‘i to‘umali ‘ina to‐guinua, ta ‘awa iauiauna si ona euwauwa. Ga iage maibo‘ana gete ‘i apwesa ta ‘ina gamwasoara nigea i ‘ilawa, ta nimana ‘i iasitoto ‘ataena.

Isaia 9:20

Ta ‘e bweu ‘atainega ‘i da ‘oae, ta ‘i da botana; ta gegeuminaia ‘i da ‘e‘ai, ta gea‘abo gamwadi ‘i da pawa: taudi tai ‘e bweuna ‘e bweuna tauna nimana esiona ‘i da ‘e‘ani:

Isaia 9:21

Manase, Eparaima; ta Eparaima, Manase: ta siterua ruarua Iuda si da guitoasena. Ga iage maibo‘ana gete ‘i da apwesa ta ‘ina gamwasoara nigea i ‘ilawa, ta nimana ‘i iasitoto ‘ataena.