Isaia 5:24 - Buki Tabu Lowaenei 1919

²⁴ Ta ‘enega na‘ieana awe meiana sumwana ‘i e‘egumwarina, ta na‘ieana nedu iadaiadana ‘i mwa‘uta awe sabelulu ‘ena, na‘ieana ramudi ‘i da bila ‘atua, ta senidi ‘i da tu‘e kau ‘atua: bodao ‘idi Ieoba ‘ina loina si e‘idi‘idiena ta ‘enega, ta Iseraela ‘ina Tabu Tebweuna ‘ina ona si sinarina.

Isaia 5:24 ပူးပေါင်းရင်းမြစ်များ

Salamo 50:17

E‘ita ‘u guitoasena ta ‘enega, Ta ‘igu ona u ‘ula‘iledi guaumuia.

Si Apwesa 15:7

Ta ‘imu bobo‘ai‘ailina ‘ana sinabwa ‘enega taudi ‘emuia si tootooro u ‘ula mwa‘utedi: ‘Imu gamwasoara u ‘ulena, ga i ‘arasidi sumwana ‘atua.

Si Apwesa 5:12

Ta ‘enega tomota si sawara dadana ‘asa Aigupito maibo‘ana ‘enega be sumwana si egogone nedu manuna.

Isaia 1:31

Ta to ewaiwai ‘i da nadigega imo, ta ina guinua nadigega kaiwe ‘ara‘arata matana; ta si da ‘arata ruarua, ta nigea ‘e bweu ‘i da giekweudi.

Isaia 1:4

Ie ‘asa ma‘imi to‘umalina, tomota ‘imi ‘a‘ara bubuna bokobokona, to‐guinua to‘umalina tubudi, gogama to bubu geiogeioi: ni‘atu Ieoba si e‘idi‘idiena, Iseraela ‘ina Tabu Tebweuna ni‘atu si sinarina, si mia dumaduma ta si ‘ilawa.

Isaia 24:6

Ta ‘enega ‘elia bare‘u i ‘enina, ta taudi ‘ena si miami si ‘awato‘umaliedi: ta ‘enega bare‘u ‘ana tomi si ‘arasidi, ta tai pu‘epu‘edi si tupwa.

Isaia 26:11

Ieoba, nimaio ‘i tooro, ta nigea si ‘ita‘ita: ta ‘imu waiwai tomota manudi si da ‘itena, ta si da omaiamaia; tamo, awesabelulu ‘amu tarauwarao ‘i da ‘enidi.

Isaia 30:12

Ta ‘enega gete nadigega Iseraela ‘ina Tabu Tebweuna ‘i gwae, ona gete wa sinarina ta ‘enega, ta giemwau ta bokoboko ‘edia wa ‘emisa, ta ‘ena wa mia‘ataia;

Isaia 30:9

Tomota gete loguitoasidi, gogama onakabokabo, gogama Ieoba ‘ina loina nigea si da nono:

Isaia 47:14

U ‘ita, si da ‘e witi ‘aredi ‘atua; ‘awe ‘i da ‘arasidi; gea‘abo si da ‘etoseedi awe‐sabelulu ‘ina waiwaiega: gea‘abo ‘i da ‘e kebwanigita ‘ebesi‘asi‘ata, nai ‘awe ‘ebemiatoa matanaia.

Isaia 7:9

Ta Eparaima debana Samaria, ta Samaria debana Remalia natuna. ‘Abo gea‘abo wa da iareiare, gea‘abo wa da mia pa‘ara.

Isaia 8:6

Nadigega tomota gete Siloa boasinao daudau manuaedi ni‘atu si guitoasedi, ta si guausoara Resina ta Remalia natuna ‘edia;

Isaia 9:18

Bubuna to‘umalina i ‘ara‘arata awe sabelulu na‘ieana ta ‘enega; kaiwe taritaridi ta kwakwakwara i ‘arasidi: tamo, mitawa o‘enina badodi ‘edia i ‘ara‘arata, ta si tu‘e ‘asu ‘ina poana badodi ‘edia.

Isaia 9:19

Bodao ‘idi Ieoba ‘ina gamwasoarega ‘asa ni‘atu i ‘arasi: tomota wate awe na‘ieana; nigea ‘e bweu tai tasina ‘i lobobo‘anena.