Isaia 5:17 - Buki Tabu Lowaenei 1919

¹⁷ Ga lamiao si da ‘e‘ai na‘ieana ‘adi pwatura ‘enaia, ta taudi si momonana ‘idi esena miadaita to‘u‘umara si da ‘enina.

Isaia 5:17 ပူးပေါင်းရင်းမြစ်များ

Salamo 119:70

‘Atedi ‘i momonana iapa ‘atua; Ta ‘abo‘agu ‘imu loina ‘ena ia guausoara.

Salamo 17:10

Iapadi ‘ena si miabodena: ‘Awadiega si ona gagasa.

Salamo 17:14

Tai ‘ediega, nimamuiega, Ieoba ie, Gabura ‘ina tai ‘ediega, taudi ‘adi ‘egu‘eguiai tuta gete ‘ena, Ta gamwadi ‘u loemae ‘imu gwegweiega: Nuadi ‘i bobo‘ana gogama manudi, Ta ‘idi gwegwe tupwana si pilisinena meameadi ‘edia.

Salamo 73:7

Matadi si dunedune iapega: ‘Atedi ‘idi nuanua ‘i maa‘apu‘apu.

Isaia 1:7

‘Imi esena ‘i waborebore; ‘imi ‘asa si e‘arasi aweiega; ‘imi bwa‘a, to‘u‘umara si ‘enina matamia, ta ‘i waborebore, ‘atua to‘u‘umara si ‘ulamwa‘utena.

Isaia 10:16

Ta ‘enega ‘Inapwana, bodao ‘idi ‘Inapwana, ‘ebewakaka ‘i da etunena ‘ina iapaiapadi ‘edia; ta ‘ina esaesa ‘ubunaia ‘arata nadigega ‘awe ‘ina ‘ara‘arata si da loe‘abia.

Isaia 17:2

Aroera ‘ina ‘asa ni‘atu si pilisinedi: si da sipi iau manudi, taudi si da ‘eno, ta gea‘abo ‘e bweu ‘i da giematautedi.

Isaia 32:14

Anua esaesa si da e‘idi‘idia ta ‘enega; ‘asa tomoiauiau si da pilisinena; ‘oea ta anua ‘ebe‘ita‘i‘isi si da egaula ‘ataia, ‘ase bomitawa ‘idi ‘ebeguausoara, sipi iau ‘adi ‘ebe‘e‘ai;

Isaia 40:11

‘Ina sipiao ‘i da e‘enidi to‐‘ita‘i‘isi‐sipi ‘atua, ‘ina lamiao ‘i da egogona nimana ‘enaia, ta lumalumana ‘ena ‘i da ‘a‘aridi, ta taudi si giesusu ‘i da ‘au‘ewa manua‘edi.

Isaia 65:10

Ta Sarona ‘i da sipiao ‘idi ‘ebe‘e‘ai, ta sa‘ara Akora ‘i da esena ‘ebe‘eno bulomakau manudi, ‘igu tomota manudi taudi si ‘ebesegu.

Isaia 7:25

Ta ‘oea iauiaudi si gesoa ‘ebesalega, gea‘abo ‘ena ‘u da mai kaiwe taritaridi ta kwakwakwara ‘adi matauta manuna, ta ‘i da bulomakau ‘idi apwesa manuna, ta sipi ‘idi ‘aiaina manuna.