Isaia 5:15 - Buki Tabu Lowaenei 1919

¹⁵ Ta tai gomabeso i ‘opu‘opu, ta tai sinabwana ‘i mwa‘uta, ta to ‘ita tu‘e matadi si sana mwa‘uta:

Isaia 5:15 ပူးပေါင်းရင်းမြစ်များ

Salamo 131:1

Ieoba, ‘ategu nigea ‘i gagasa, nai matagu si sanatu‘e; Wate nigea iage sinabwadi ‘edia ia tautauia, Nai iage to sinabwa sadi ‘eguia.

Salamo 62:9

Ona ‘aiaila tai gomabeso ‘awaiauiauwa tuga, ta tai esaesa onakabokabo. ‘Ebekuge ‘ena si da tu‘e; Rererea si kapekapeana wawasae iage besobeso ‘enaia.

Si Apwesa 9:17

Gete ‘enega ‘u gitu‘eiemu nai ‘igu tomota ‘edia, be ‘enega gea‘abo ‘u da tagwatagwaredi be si tautauia?

Isaia 10:12

Ta ‘enega gete ‘i da apwesa, ‘ena ‘Inapwana ni‘atu ‘ina guinua maibo‘ana ‘i bubuna ‘oea Siona ‘ena ta Ierusalema ‘ena, ga Asiria ‘ana king ‘ina ‘ate patuna uana ia da ununa, ta ‘ina gagasa ‘ina esaesa.

Isaia 10:33

Wa ‘ita, ‘Inapwana, bodao ‘idi Ieoba, kaiwe narina garudi ‘i da ‘upwa iauledi didigega: ta taudi ‘adi ketosora ‘i lo‘etana ‘i da tara mwa‘utedi, ta to mia tu‘e si da mia mwa‘uta.

Isaia 13:11

Ta gabura ia da ununa ‘idi to‘umalina manuna, ta to to‘umalidi ‘idi bubuna bokobokona manuna; ta to gagasa ‘idi esinasinara ia da loegumwarina, ta to didiga ‘idi gagasa ia da ulamwa‘uta.

Isaia 2:11

Ta tai ‘ana ‘itatu‘eiao si da mia mwa‘uta, ta tai ‘idi gagasa ‘i da mia ‘opu‘opu, ta Ieoba tebweuna ‘i da miatu‘e asiata gote ‘enega.

Isaia 2:12

Ieoba ma‘ina bodao ‘ana asiata ‘i da apwesa ta ‘enega iauiaudi si gagasa ta si gigino ‘edia, ta iage maibo‘ana ‘i miatu‘e ‘enaia: ta ‘i da mia mwa‘uta:

Isaia 2:17

Ta tai ‘ina miatu‘e ‘i da mia‘opu‘opu, ta tai ‘idi gagasa ‘i da miamwa‘uta: ta Ieoba tebweuna ‘i da miatu‘e asiata gote ‘enega.

Isaia 2:9

Ta gomabeso i ‘opu‘opu, ta tai sinabwana ‘i mia mwa‘uta; ta ‘enega gea‘abo ‘idi bubuna to‘umalina ‘i da kweu.

Isaia 37:23

Iaita ‘u ba‘ena ta ‘u ona besobeso‘ena? Ta iaita manuna ‘enaio ‘u gitu‘eiei ta matamuiega u ‘ita tu‘e tabwanaia? tuga Iseraela ‘ina Tabu Tebweuna ‘enaia.

Isaia 37:29

‘Imu egamwagamwagu ‘eguia leleana, ta ‘imu gagasa tenagu ‘edia ‘i tu‘ema manuna, ta ‘enega ‘igu dilu ubusuio ‘ena ia da sa‘u, ta ‘igu ‘ebe‘etobode sopaio ‘edia, ta ia da giesana‘ileio ‘eda ‘enega ‘u mai.