Isaia 49:26 - Buki Tabu Lowaenei 1919

²⁶ Ta taudi si giemwa‘utemi ia da ‘e‘enidi taudi esiodi ‘enega: ta si da elolaulausi taudi raradiega, ‘atua oine dibidibiega: ta esio maibo‘ana ‘i da mwaratoni ‘aene ‘abo‘agu Ieoba ‘imu to‐‘etoseana, ta ‘amu to ‘ewa limana, Iakobo ‘ina Waiwai Tebweuna.

Isaia 49:26 ပူးပေါင်းရင်းမြစ်များ

Nugana 49:24

Ta ‘ana tupu ‘i miamia pa‘arina, Ta nimana maturuadi si ewaiwai, Iakobo ‘ina Toewaiwai Tebweuna nimanega, (Gote ‘enega to‘ita‘i‘isi‐sipi, Iseraela ‘ina gurewa,)

Salamo 83:18

Be ‘enega si da mwaratoni ‘aene tebweuio, ‘amu esana IEOBA, To Lo‘etana Sana bare‘u maibo‘ana debanaia. ‘Oio.

Salamo 9:16

Ieoba ni‘atu ‘i e‘ita‘ena tauna, ni‘atu loina ‘i iagena: To to‘umalina tauna nimana ‘idi guinuao si sikwena. (Higaiona. Sela.)

Si Apwesa 6:7

ta ia da ‘au‘ewemi ‘eguia ‘igu tomota, ta ‘Abo‘agu Eaubada ‘emia; ta wa da mwaratoni ‘aene ‘abo‘agu Ieoba ‘imi Eaubada, tauna me Aigupito ‘idi ‘a‘ara ‘agaraunega i ‘au‘ewemi.

Isaia 1:24

Ta ‘enega ‘Inapwana ‘i gwae, bodao ‘idi Ieoba, Iseraela ‘ina Toewaiwai, ‘Abo‘agu to loguitoasao ia da ‘ewa‐iauledi, ta ia da e‘isegu ‘agu tarauwarao manudi:

Isaia 12:6

Wa da ona toila ta wa da bwau, ‘oio Siona ‘ana tomi: Iseraela ‘ina Tabu Tebweuna ‘i sinabwa gamwagamwaniio ta ‘enega.

Isaia 14:4

Onasemalimali gete ‘u da ‘ewena Babulonia ‘ana king manuna, ta ‘u da gwae, Wa ‘ita to unua ni‘atu ‘i sa‘una! ‘Asa gola ni‘atu ‘i sa‘una!

Isaia 16:4

‘Igu to dena apwesa ‘u da tagwara be si da miamia ma‘ieaio; ta Moaba manuna, ‘u da e‘ebedena ‘enaia to ‘oae matanega: to ‘oae ni‘atu ‘i mia besobeso ta ‘enega, ‘oae ni‘atu ‘i gumwara, to ‘aiaina ni‘atu si gumwara ‘asega.

Isaia 19:20

Ta ‘i da we‘iwe‘iiaia manuna ta ‘ebe‘ita manuna bodao ‘idi Ieoba ‘enaia ‘asa Aigupito ‘enaia: si da bwau Ieoba ‘ena ta ‘enega to‐didiga manudi, ta to ‘etoseana ‘i da etunena ‘edia, ta to leme, ta ‘i da ‘etoseedi.

Isaia 25:9

Ta asiata gote ‘enega si da gwae, Wa ‘ita, gete ‘ida Eaubada; manuna ta iamwaiamwa, ta ‘i da ‘etoseeda; gete Ieoba; manuna ta iamwaiamwa, ta da uiawana be ta da guausoara ‘ina ‘etoseana ‘enega.

Isaia 33:22

Ieoba ‘ida to loina ta ‘enega, Ieoba ‘ida to ‘ebwae‐loina, Ieoba ‘ida king; ‘i da ‘etoseeda.

Isaia 43:1

Ta gete ‘enega Ieoba, tauna ‘i mweruruiio, Iakobo ie, ta tauna ‘i bubuio, Iseraela ie, gete nadigega ‘i gwae: Gea‘abo ‘u matauta, ni‘atu ia ‘ewalimemu ta ‘enega; ni‘atu ia bwauiemu ‘amu esanega, ‘oio ‘igu iage.

Isaia 43:3

‘Abo‘agu Ieoba ‘imu Eaubada, Iseraela ‘ina Tabu Tebweuna, ‘amu to‐‘eto‐seana; Aigupito ia ‘ebwaea ‘amu e‘isa, Aitiope ta Seba manuio.

Isaia 45:6

Be ‘enega si da mwaratoni sinara ‘ina sae ‘enega, ta ‘ebwagega, ‘aene nigea ‘e bweu ‘abo ‘abo‘agu nigea: ‘Abo‘agu Ieoba, ta nigea wate ‘e bweu.

Isaia 48:17

Gete nadigega Ieoba ‘amu to‘ewalimana, Iseraela ‘ina Tabu Tebweuna ‘i gwae: ‘Abo‘agu Ieoba ‘imu Eaubada, tauna ‘i e‘iteio be ‘u loeposeana, tauna i ‘au‘ewemu ‘eda sawesawemuia ‘enega.

Isaia 49:7

Gete nadigega Ieoba ‘i gwae, Iseraela ‘ana to‘ewa limana, ta ‘ina Tabu Tebweuna, tauna tai ‘i sinarina ‘enaia, tauna ‘asa ‘i guitoasena ‘enaia, ‘inapwanao ‘idi toguinua ‘enaia: Kiniao si da ‘ita ta si da tooro; ‘inapwanao, ta si da bwago: Ieoba tauna to bubu ‘ai‘aila manuna, tuga Iseraela ‘ina Tabu Tebweuna, tauna i ‘esinueio.

Isaia 51:13

Ta Ieoba ‘amu Tomwerurua ‘u nuapupurena, tauna garewa ‘i neasidi ta bare‘u ‘ina ‘autu ‘i sa‘udi; ta ‘u matauta ‘ataia asiata maibo‘anega to didiga ‘ina egamwagamwagu didiga manuna, ‘ena ‘i abe ‘i giesaoora? ta to didiga ‘ina egamwagamwagu didiga mane?

Isaia 51:23

Ta taudi si unuunumi nimadia ia da sa‘u; taudi si ona iaruiaruaio ‘ena, ‘U da ‘opu‘opu, be ‘enega ‘a da taona: ta guauio ‘u sa‘u bwa‘a na‘ieana, ta ‘eda na‘ieana, taudi si taona ‘edia.

Isaia 54:14

Bubuna paruparuiega ‘u da mia pa‘ara: didigega ‘u da mia ‘edasora, gea‘abo ‘u da matauta ta ‘enega; ta ‘ebedidigega, gea‘abo ‘i da mai serabemuia ta ‘enega.

Isaia 60:16

‘Ebeloinao ‘idi susu ‘u da numa wate, ta kiniao susudi ‘u da esusu: ta ‘u da mwaratoni ‘aene ‘abo‘agu Ieoba ‘abo‘agu ‘amu To‘Etoseana, ta ‘amu to‘ewalima, Iakobo ‘ina Waiwai Tebweuna.

Isaia 9:20

Ta ‘e bweu ‘atainega ‘i da ‘oae, ta ‘i da botana; ta gegeuminaia ‘i da ‘e‘ai, ta gea‘abo gamwadi ‘i da pawa: taudi tai ‘e bweuna ‘e bweuna tauna nimana esiona ‘i da ‘e‘ani:

Isaia 9:4

‘Ana ‘a‘ara ‘ana ‘ebe‘a‘ara, ta ‘arana ‘ina guna, ‘ana to didiga ‘ina keweliwelili, ni‘atu ‘u lasedi ta ‘enega na‘ieana Midiana ‘ana asiata.