Isaia 49:23 - Buki Tabu Lowaenei 1919

²³ Ta kiniao si da tamamuao to amwamwa, ta ‘idi kuiniao sinamuao to amwamwa: si da bwagobwago sana mwa‘uta bare‘uia ‘emuia, ta ‘aeio ‘ina kau si da loiamosi: ta ‘u da mwaratoni ‘abo‘agu Ieoba, ta taudi si iamwaiamwa manugu gea‘abo si da omaiamaia.

Isaia 49:23 ပူးပေါင်းရင်းမြစ်များ

Nugana 27:29

Tomota emuia si da guinua, Ta ‘asa ‘emuia si da bwagobwago: Tasimuao ‘edia ‘u da e ‘inapwana, Ta sinaio natunao me‘olotodi ‘emuia si da bwagobwago: Iauiauna ‘i eliemu si da eliena, Ta iauiauna ‘i onaobobomeio si da onaobobomena.

Nugana 43:26

Ta ni‘atu Iosepa ‘i mai anuaia, ga ‘ebwaeadaita nimadia ‘i miamiana si me‘ena ‘enaia anua gamwanaia, ta ‘ena si bwagobwago sanamwa‘uta bare‘uia.

Salamo 138:4

Ieoba ie, bare‘u ‘ina king iauiaudi ‘emuia si da lotuputupu, ‘Awaio ‘ina ona ni‘atu si nonodi ta ‘enega.

Salamo 25:3

Tamo, nigea ‘e bweu ‘emuia ‘i iamwaiamwana ‘i da omaiamaia; Taudi si wasegigi daita si da omaiamaia.

Salamo 34:22

Ieoba ‘ina to‐guinuao iaruiaruadi i ‘eli‘amina; Ta nigea ‘e bweu, taudi si ‘emisena ‘ediega ‘i da ‘esilae.

Salamo 68:31

‘Inapwanao Aigupitoega si da apwesama; Aitiopia si da pili be nimadi si da iasitoto Eaubada ‘enaia.

Salamo 69:6

Taudi ‘emuia si miamia iamwaiamwana gea‘abo si da omaiamaia manugu, ‘Oio boda ‘idi ‘Inapwana Eaubada: Taudi si ‘ebeseio gea‘abo si da sinaridi manugu, ‘Oio Iseraela ‘ina Eaubada.

Si Apwesa 6:7

ta ia da ‘au‘ewemi ‘eguia ‘igu tomota, ta ‘Abo‘agu Eaubada ‘emia; ta wa da mwaratoni ‘aene ‘abo‘agu Ieoba ‘imi Eaubada, tauna me Aigupito ‘idi ‘a‘ara ‘agaraunega i ‘au‘ewemi.

Isaia 14:1

Ieoba ‘i da ‘atenua‘ole‘ole Iakobo ‘enaia ta ‘enega, ta Iseraela ‘i da ‘esinuei, ta ‘idi ‘asa taudi ‘ena ‘i da sa‘udi: ta to‘u‘umara ‘i da mai sabi mia ma‘edi, ta Iakobo ‘ina susu ‘ena si da miaiai.

Isaia 14:2

Ta tomota si da ‘ewedi, ta si da me‘edi ‘idi esena ‘enaia: ta Iseraela ‘ina susu ‘i da giiaidi Ieoba ‘ina ‘asa ‘ena to‐guinua me‘olotodi ta to guinua mewainedi manudi: ta taudi lowa ioniionidi ‘edia, taudi si da ionidi; taudi lowa si unudi ‘edia si da loina.

Isaia 25:9

Ta asiata gote ‘enega si da gwae, Wa ‘ita, gete ‘ida Eaubada; manuna ta iamwaiamwa, ta ‘i da ‘etoseeda; gete Ieoba; manuna ta iamwaiamwa, ta da uiawana be ta da guausoara ‘ina ‘etoseana ‘enega.

Isaia 26:8

Tamo, Ieoba ie, ‘imu loinao ‘idi ‘eda ‘ena ‘a iamwaiamwa manuio; iaruiaruama ‘ina nuanua ‘amu esana ‘ena ta ‘amu ‘ebenua‘i‘isi ‘ena.

Isaia 29:22

Ta ‘enega gete nadigega Ieoba ‘i gwae, tauna Aberaamo i ‘ewa limena, Iakobo ‘ina susu manuna: Iakobo gea‘abo gete ‘enega ‘i da omaiamaia, ta wate maninina gea‘abo gete ‘enega ‘i da eburabura.

Isaia 41:20

Be ‘enega si da ‘ita, ta si da mwaratoni, ta si da nuanua, ta si da sinapuna rererea, ‘aene Ieoba nimana iage gete ‘i guinua, ta Iseraela ‘ina Tabu Tebweuna ‘i mweruruina.

Isaia 43:10

‘Omi ‘igu to‐‘itao, Ieoba ‘i gwae, ta ‘igu to‐guinua tauna ia ‘esinua; be ‘enega wa da mwaratonigu ta wa da iaregu, ta wa da sinapuna ‘aene ‘Abo‘agu Tauna; nuganiguia nigea ‘e bweu Eaubada mwerumweruruina, ta gea‘abo ‘e bweu muriguia.

Isaia 45:14

Ieoba gete nadigega ‘i gwae, Aigupito ‘ina guinua, ta Aitiope ‘ina gwegwe, ta me Sabea, tai sinabwadi, si da lagama ‘emuia, ta si da ‘imu iage; si da muriemu; ioniionidi ‘aupega si da lagama: si da be‘u mwa‘uta ‘emuia, si da ‘awanoi ‘emuia, si da gwae, Ona ‘ai‘aila Eaubada ‘emuia; ta nigea wate ‘e bweu, nigea ‘e bweu Eaubada.

Isaia 45:17

Iseraela Ieoba ‘i da ‘etoseena ‘etoseana mia‘ataia ‘enega: gea‘abo wa da omaiamaia nai wa da loniu ga bare‘u ‘ana ‘ebelosaroni.

Isaia 49:7

Gete nadigega Ieoba ‘i gwae, Iseraela ‘ana to‘ewa limana, ta ‘ina Tabu Tebweuna, tauna tai ‘i sinarina ‘enaia, tauna ‘asa ‘i guitoasena ‘enaia, ‘inapwanao ‘idi toguinua ‘enaia: Kiniao si da ‘ita ta si da tooro; ‘inapwanao, ta si da bwago: Ieoba tauna to bubu ‘ai‘aila manuna, tuga Iseraela ‘ina Tabu Tebweuna, tauna i ‘esinueio.

Isaia 50:7

‘Inapwana Ieoba ‘i da lemegu ta ‘enega; ta ‘enega nigea ia nuaowana: ta ‘enega maninigu ia sa‘u ‘ai‘aila ginausa ‘atua, ta ia mwaramwaratoni gea‘abo ia da omaiamaia.

Isaia 52:15

Nadigega ‘ebeloina iauna ‘i da loseuseulidi; kiniao ‘awadi si da gibode manuna: iage nigea si etetera ‘edia si da ‘ita ta ‘enega; ta iage nigea si nonona si da mwaratoni.

Isaia 52:6

Ta ‘enega ‘igu tomota ‘agu esana si da mwaratoni: ta ‘enega asiata gote ‘enega si da mwaratoni ‘aene ‘abo‘agu tauna ‘i onaona; wa ‘ita, ‘Abo‘agu.

Isaia 60:14

Ta taudi si unuio natudiao me‘olotodi ‘emuia si da mai bwagobwago; ta iauiaudi si sinariio si da a‘opu‘opu ‘aeiapaiapamuao ‘edia; ta si da eesemu Ieoba ‘ina asa, Iseraela ‘ina Tabu Tebweuna ‘ina Siona.

Isaia 60:16

‘Ebeloinao ‘idi susu ‘u da numa wate, ta kiniao susudi ‘u da esusu: ta ‘u da mwaratoni ‘aene ‘abo‘agu Ieoba ‘abo‘agu ‘amu To‘Etoseana, ta ‘amu to‘ewalima, Iakobo ‘ina Waiwai Tebweuna.

Isaia 60:3

Ta ‘ebeloinao si da mai ‘imu ma‘edana ‘enaia, ta kiniao ‘imu apwesama ‘ina tuiaiara ‘enaia.

Isaia 62:2

Ta ‘ebeloinao ‘imu bubuna paruparu si da ‘ita, ta kiniao iauiaudi ‘imu esaesa: ta ‘amu esana ‘i da auauna, tauna Ieoba ‘awana ‘i da ‘inana.

Isaia 64:4

Lowaeneiega tai nigea si nonono ta ‘enega, nai tenadiega si sinapu, nai mata i ‘ita mari Eaubada ‘e bweuna tebweuio tuga, tauna ‘i guinua tauna ‘i iamwaiamwana manuna.