Isaia 48:20 - Buki Tabu Lowaenei 1919

²⁰ Babuloniega wa da tauiawa, me Kaledea ‘ediega wa da dena; wari ‘enanega wa da simana, gete wa da oneone, wa da ‘inana ga bare‘u ‘ina ‘ebelosaroni: wa da gwae, Ieoba ‘ina toguinua Iakobo ni‘atu i ‘ewa limena.

Isaia 48:20 ပူးပေါင်းရင်းမြစ်များ

Salamo 126:1

‘Ena Ieoba Siona ‘ana mia ionaiona ‘i gibuni limena, ‘Abo‘ada nadigega taudi si madawara.

Isaia 12:1

Ta asiata gote ‘enega ‘u da ona, Ieoba ie, ‘emuia ia da lokagutoki; lowa ‘u gamwasoara ‘eguia, ga ‘imu gamwasoara i ‘ilawa, ta ‘igu mia bobo‘ana ‘u sa‘una ta ‘enega.

Isaia 12:4

Ta asiata gote ‘enega wa da gwae, Ieoba ‘ena wa da ‘awabobo‘ana, ‘ana esana ‘ena wa da bwau, ‘ina guinuao wa da simanedi tomota gamwagamwanidia, wa da ‘inana ‘aene ‘ana esana ‘i miatu‘e.

Isaia 24:14

Taudi getedi ‘enadi si da tu‘eiei, si da bwau; Ieoba ‘ina waiwai esaesa manuna si bwau toila orega.

Isaia 26:1

Asiata gote ‘enega wari gete si da wariei ‘asa Iuda ‘enaia: ‘Ida ‘asa ‘asa pa‘arina; ‘etoseana ‘i da aseiena ‘ari‐gurewa manudi ta ‘aripa‘ara manudi.

Isaia 42:10

Wari auauna wa da wariei Ieoba ‘enaia, ta ‘ana tuputupu bare‘u ‘ana ‘ebelosaroniega; ‘omi wa mwa‘uta oraia, ta iage iauiauna ‘ena si miami, saruiao, ta ‘ana tomi.

Isaia 43:1

Ta gete ‘enega Ieoba, tauna ‘i mweruruiio, Iakobo ie, ta tauna ‘i bubuio, Iseraela ie, gete nadigega ‘i gwae: Gea‘abo ‘u matauta, ni‘atu ia ‘ewalimemu ta ‘enega; ni‘atu ia bwauiemu ‘amu esanega, ‘oio ‘igu iage.

Isaia 44:22

‘Imu li‘oa‐loinao ni‘atu ia kweuiedi, na‘ieana poana badona, ta ‘imu loegesiao, na‘ieana poana: ‘eguia ‘u da ‘ilama: ‘abo‘agu ia ‘ewalimemu ta ‘enega.

Isaia 48:6

‘Oio ni‘atu ‘u nonona; iage iauiauna gete ‘u da ‘ita; ta ‘omi, gea‘abo wa simanena? Iage auaudi ia e‘ita ‘emuia ni‘atu tuta gete ‘enega, tuga iage si miakwaia, taudi nigea ‘u mwaratoni.

Isaia 49:13

Wa da wari, Garewa ie; ta ‘u da guausoara; Bare‘u ie; ta wa da ‘arapwaila wari ‘ena, ‘omi ‘oeao: Ieoba ‘ina tomota ‘i gieguausoaridi ta ‘enega, ta ‘ina to‐elo‘uia ‘edia ‘i da ‘atenua‘ole‘ole.

Isaia 49:6

Tamo, ‘i gwae, Iage kapekapeana wawasae ‘aene ‘oio ‘igu toguinua be Iakobo ‘ina susuiao ‘u gietooro‘edi, ta Iseraela ‘ina tomia egagara ‘u da sa‘u limedi: wate ia da ‘ebwaea‘eio ‘Asa apwesa ‘idi ma‘edana manuna, be ‘oio ‘igu ‘etoseana ga bare‘u ‘ina ‘ebelosaroni.

Isaia 51:14

To mia apwesa ioniionina ‘i da li‘ami manini: ta gea‘abo ‘i da mwawasa be ‘i mwa‘uta gaulaia, nai ‘ina masura ‘i da gumwara.

Isaia 52:10

Ieoba ni‘atu nimana tabu ‘ana ‘oama ‘i lolona ‘ebeloina iauiauna matadia; ta bare‘u ‘ana ‘ebelosaroni iauiauna ‘ida Eaubada ‘ina ‘etoseana si da ‘ita.

Isaia 52:11

Wa da tauiawa, wa da tauiawa, gote ‘enega wa da apwesawa, gea‘abo ‘e bweu iage baila wa da gitoo; gamwagamwaninega wa da tauiawa; wa da ‘esasena, ‘omi Ieoba ‘ina keigao wa ‘a‘aridi.

Isaia 52:9

Guausoara ‘enega wa da weari, wa da wari rererea, ‘omi Ierusalema ‘ina esena waborebore: Ieoba ni‘atu ‘ina tomota ‘adi guausoara ‘i sa‘u ta ‘enega, Ierusalema ni‘atu i ‘ewalimena.

Isaia 62:11

Wa ‘ita, Ieoba ni‘atu ‘i guguia bare‘u ‘ina ‘ebelosa‘u ‘enaia, Siona natuna me wainena ‘ena wa da gwae, U ‘ita, ‘amu ‘etoseana ‘i memai; u ‘ita, ‘ana e‘isa ma‘ieana, ta ‘ina guinua matanaia.

Isaia 63:9

‘Idi elo‘uia maibo‘anega tauna ‘i elo‘uia, ta ‘ina miami ‘ana anelose i ‘etoseedi: ‘ina oboboma ta ‘ina nua‘ole‘ole ‘ediega i ‘ewalimedi; ta i ‘amwamwedi, ta i ‘aridi asiata iauiauna lowaeneiega.