Isaia 48:19 - Buki Tabu Lowaenei 1919

¹⁹ Tubumuao wate si da kaukau ‘atua, ta diaio uana nadigega kaukau matanao: ‘ana esana gea‘abo si da ‘upwa iaulei nai ‘i da saoora mataguiega.

Isaia 48:19 ပူးပေါင်းရင်းမြစ်များ

Nugana 13:16

Ta tubumuao ia da bubudi be si da ‘e bare‘u nedilina ‘atua: ta ‘enega ‘abo tai bare‘u nedilina ‘i da sawa kapekapeana, ga tubumuao wate si da sawedi.

Nugana 22:17

ga onaoboboma ‘enega ia da onaobobomeio, ta gieiau ‘enega tubumuao ia da gieiau na‘ieana kwadimao garewaia, ta na‘ieana kaukau le‘awa ‘enaia; ta tubuio ‘ana tarauwarao ‘adi ‘awa ‘i da ‘ewena;

Salamo 109:13

Tubunao si da ‘upwa iauledi; Epata tomota muria ‘enega ‘adi esana ‘i da kweu.

Salamo 9:5

‘Ebeloinao ni‘atu ‘u ba‘edi, to‐to‘umalina ni‘atu ‘u gi‘esaooridi, ‘Adi esana ni‘atu ‘u kweu ‘ataena.

Isaia 10:22

‘Abo ‘imu tomota Iseraela si eora kaukauna na‘ieana ta ‘enega, ‘ediega tupwana tuga si da ‘ilama: loegumwara ‘i da apwesa ‘ai‘aila, ‘i da maa‘apu‘apu bubuna paruparuiega:

Isaia 14:22

Ta ia da tooro ‘edia, bodao ‘idi Ieoba ‘i gwae, ta Babuloniaega esana ta tupwana ia da ‘upwaiaulei, ta natuna me‘olotona ta natuna natuna, Ieoba ‘i gwae.

Isaia 44:3

Tauna tonaana ‘i iapasa boasi ‘ena ia da siwa, ta boasi‐dauiaiowao bwa‘a iadaiada ‘enaia; iaruiaruagu ia da siwa tubumuao ‘edia, ta ‘igu onaoboboma natumuao ‘edia:

Isaia 44:4

Ta si da tabwa tu‘e nedu gamwagamwanaia, ‘atua wilou boasi ‘ina ‘ebedau deidia.

Isaia 48:9

‘Agu esana manuna ‘igu gamwasoara ia da lo‘ela‘elalawa, ta ‘agu tuputupu manuna ia da egagara manuio, be ‘enega gea‘abo ia da ‘upaiauleio.

Isaia 54:3

‘U da sasaila ‘ataimuiega ta gegeumiioega ta ‘enega; ta tubumuao ‘ebeloinao si da ‘ewedi, ta ‘asa waborebore tomota ‘edia si da sa‘u.

Isaia 56:5

‘Igu anua ‘ena ta ‘igu pitao gamwagamwanidia ‘ebenua‘i‘isi ta esana bobo‘ana wawasae natudiao me‘olotodi ta natudiao me wainedi ‘edia ia da ‘ebwaedi; esana miaataia ia da ‘ebwaedi, tauna nigea si da ‘upwa‐iaulena.

Isaia 66:22

Na‘ieana garewa auaudi ta bare‘u auauna taudi ia da mwerurua, si da mia ‘ataia mataguia ta ‘enega, Ieoba ‘i gwae, na‘ieana tubumi ta ‘ami esana si da mia ‘ataia.

Isaia 9:14

Ta ‘enega Ieoba deba ta iuiu, magimagi narina ta sita, ‘i da ‘upwedi Iseraela ‘enega asiata ‘e bweunega.

Ruta 4:10

Wate Ruta kena Moaba, Malona mwanena, ni‘atu ia lagwena be ‘i mwanegu, be ‘enega to mwawasa ‘ana esana ia da gietooro ‘ina ‘egu‘eguia ‘enaia, be ‘enega to mwawasa ‘ana esana gea‘abo si da ‘upwa‘upwaiaule tasinao ‘ediega, ta ‘ina ‘asa ‘ana ‘eberuguiega: ‘omi to‐‘itao batua.