Isaia 48:17 - Buki Tabu Lowaenei 1919

¹⁷ Gete nadigega Ieoba ‘amu to‘ewalimana, Iseraela ‘ina Tabu Tebweuna ‘i gwae: ‘Abo‘agu Ieoba ‘imu Eaubada, tauna ‘i e‘iteio be ‘u loeposeana, tauna i ‘au‘ewemu ‘eda sawesawemuia ‘enega.

Isaia 48:17 ပူးပေါင်းရင်းမြစ်များ

Nugana 24:48

Ta ia bwagobwago, ta Ieoba ‘ena ia tapwaroro, ta Ieoba, ‘igu ‘inapwana Aberaamo ‘ina Eaubada, ia tupuna, tauna i ‘au‘ewegu ‘eda ‘ai‘aila ‘ena be ‘igu ‘inapwana tasina natuna me wainena ia ‘ewena natuna me‘olotona manuna.

Salamo 25:12

To tai Ieoba ‘i matautena? Tauna ‘i da e‘ita ‘eda i ‘esinuena ‘enaia.

Salamo 32:8

Ia da giemwaratonio ta ia da e‘itaio ‘eda ‘enega ‘u da tauia: Ia da eonaio matagu ‘emuia ‘enega.

Salamo 71:17

Eaubada ie, ‘igu tubuauiega ‘u e‘itegu; Ta tuta gote ga batua ‘imu guinua ‘ebenuaowana ni‘atu ia simanedi.

Salamo 73:24

‘Imu nuanua ‘enega ‘u da nuganegu, Ta muriega esaesa ‘ena ‘u da ‘au‘ewegu.

Isaia 2:3

Ta tomota iauiauna si da tauia ta si da ona, Wa da mai, be ta da tu‘e Ieoba ‘ina ‘oea ‘enaia, Iakobo ‘ina Eaubada ‘ina anua ‘enaia; ta ‘ina ‘edao manudi ‘i da e‘iteda, be ta da tautauia ‘ina ‘edao ‘edia: Sionega loina ‘i da apwesawa ta ‘enega, ta Ieoba ‘ina ona Ierusalemega.

Isaia 28:9

Sinasinapu ‘i da e‘ita iaita ‘enaia? ta ‘are ‘i da e‘ita iaita ‘enaia? Taudi nai susuiega si gagidi, ta susu matadiega si lisidi?

Isaia 30:20

Ta ‘abo ‘Inapwana mia to‘umalina ‘ana masura i ‘ebwaemi, ta elo‘uia ‘ana boasi, ta gea‘abo ‘imu to e‘itao si da miakwaia wate, ta mataio ‘imu to e‘itao si da ‘ita:

Isaia 30:21

Ta tenamuao ona si da nono guaumuia, ‘i da gwae, Gete ‘eda nina, ‘ena wa da tauia; ‘ena wa sana‘ila ‘ataimi ‘ena, ta ‘ena wa sana‘ila gegeumimi ‘ena.

Isaia 41:14

Gea‘abo wa matauta, ‘oio didimwana Iakobo, ta ‘omi tai Iseraela; ia da lemeio, Ieoba ‘i gwae, ta ‘imu to‐e‘isa‐limana tauna Iseraela ‘ina Tabu Tebweuna.

Isaia 43:14

Ieoba, ‘imi to‐‘ewalimana, Iseraela ‘ina Tabu Tebweuna, gete nadigega ‘i gwae; Leleami Babulonia ‘ena ia etune, ta iauiaudi ia da ‘au‘ewa mwa‘utedi to denadena ‘atua, tuga me Kalidea, ‘idi guausoara ‘idi waga ‘edia.

Isaia 43:16

Gete nadigega Ieoba ‘i gwae, tauna ‘eda ‘i bubuna oraia, ta ‘eda gilelena boasi waiwai ‘edia;

Isaia 45:11

Gete nadigega Ieoba ‘i gwae, Iseraela ‘ina Tabu Tebweuna, ta ‘ana Tomwerurua: Iage si da mai manudi wa da eonegu; natuguao me‘olotodi manudi, ta nimaguao ‘idi guinua manuna, ‘eguia wa da loina.

Isaia 48:20

Babuloniega wa da tauiawa, me Kaledea ‘ediega wa da dena; wari ‘enanega wa da simana, gete wa da oneone, wa da ‘inana ga bare‘u ‘ina ‘ebelosaroni: wa da gwae, Ieoba ‘ina toguinua Iakobo ni‘atu i ‘ewa limena.

Isaia 49:26

Ta taudi si giemwa‘utemi ia da ‘e‘enidi taudi esiodi ‘enega: ta si da elolaulausi taudi raradiega, ‘atua oine dibidibiega: ta esio maibo‘ana ‘i da mwaratoni ‘aene ‘abo‘agu Ieoba ‘imu to‐‘etoseana, ta ‘amu to ‘ewa limana, Iakobo ‘ina Waiwai Tebweuna.

Isaia 49:7

Gete nadigega Ieoba ‘i gwae, Iseraela ‘ana to‘ewa limana, ta ‘ina Tabu Tebweuna, tauna tai ‘i sinarina ‘enaia, tauna ‘asa ‘i guitoasena ‘enaia, ‘inapwanao ‘idi toguinua ‘enaia: Kiniao si da ‘ita ta si da tooro; ‘inapwanao, ta si da bwago: Ieoba tauna to bubu ‘ai‘aila manuna, tuga Iseraela ‘ina Tabu Tebweuna, tauna i ‘esinueio.

Isaia 54:13

Ta natumuao iauiaudi si da Ieoba ‘ina disaipeliao; ta natumuao ‘idi guguia ‘i da sinabwara.

Isaia 54:5

‘Amu Tomwerurua mwaneio ta ‘enega: bodao ‘idi Ieoba ‘ana esana: ta Iseraela ‘ina Tabu Tebweuna tauna ‘amu to‐‘ewalimana; si da eesena bare‘u maibo‘ana ‘ina Eaubada.

Isaia 54:8

Egamwagamwagu maa‘apu‘apu ‘ena maninigu ia kwaiena ‘emuiega tuta tomwanega; ta oboboma mia ‘ataiega ia da ‘atenua‘ole‘oleio, Ieoba ‘amu to ‘ewalimana ‘i gwae.