Isaia 48:14 - Buki Tabu Lowaenei 1919

¹⁴ Iauiaumi, wa da egogona, ta wa da nono; iaita ‘edia iage getedi ‘i simanedi? Ieoba ‘i obobomena: ‘ina nuena ‘i da bubuna Babulonia ‘enaia, ta nimana me Kaladea ‘edia ‘i da miami.

Isaia 48:14 ပူးပေါင်းရင်းမြစ်များ

Nugana 49:1

Ta Iakobo natunao me‘olotodi ‘i bwauiedi, ta ‘i gwae: Wa da mia egogona, be ‘enega iage ‘i da apwesa ‘emia ‘asiata muriega ‘emia ia da simana.

Nugana 49:2

Wa da miaegogona, ta wa da nono, ‘Omi Iakobo natunao; Ta tamami Iseraela ‘ena wa da nono.

Isaia 13:19

Ta Babulonia, ‘ebeloinao ‘idi esaesa, me Kalidea ‘idi ‘ebegagasa ‘ana ‘ita bobo‘ana, ‘i da nadigega ‘ena Eaubada Sodoma ta Gomora i ‘ulamwa‘utedi.

Isaia 21:9

Ta, u ‘ita, gete ‘ena tai mabodana ‘i mai, togeruose ruaruadi. Ta ‘i ona limana ta ‘i gwae, Babulonia ‘i be‘u, ‘i be‘u; ta ‘ina eaubadao ‘idi goamamea daiadaiagidi iauiaudi si ‘episaridi ga bare‘uia.

Isaia 41:22

Si da ‘au‘ewedima, ta ‘emaia si da simana to‘ase ‘i da apwesa: gimi iage wa da simana ‘emaia, to‘ase taudi, be ‘a da nuedi, ta ‘idi ‘ebelosaroni ‘a da mwaratoni; nai ‘emaia wa da e‘ita iage si da mai.

Isaia 43:9

‘Ebeloinao iauiaudi si da egogona rererea, ta tomota si da deriegogona: iaita ‘edia ‘i ewaiwai be gete ‘i da simana, ta gimi iageao ‘i da e‘ita ‘edaia? ‘adi to ‘itao si da me‘edi, be ‘enega si da eparuparu; nai si da nono, ta si da gwae, Tauna ona‘ai‘aila.

Isaia 44:28

Tauna ‘i gwae Koresa manuna, Tauna ‘igu to‐‘ita‘i‘isi‐sipi, ta ‘igu nuena iauiauna ‘i da guinua: tuga Ierusalema manuna ‘i gwae, si da ‘abina; ta anuatabu ‘ena, ‘Imu ‘autui si da sa‘u.

Isaia 44:7

Ta iaita, na‘ieana ‘abo‘agu, ‘i da bwau, ta ‘i da simanena, ta ‘i da sa‘u ‘ai‘aila manugu, ‘abo‘agu tomota lowaenei ia ‘aseiedi ‘enega? ta iage ‘i abe si mai, ta taudi si da apwesama, si da simana.

Isaia 45:13

Ia gietoorona bubuna paruparuiega, ta ‘ina ‘eda iauiauna ia da gieparuparu: ‘igu ‘asa ‘i da ‘abina, ta ‘igu tomia to‘u‘umara ‘i da li‘amidi, nigea e‘isa nai tamapu manuna, bodao ‘idi Ieoba ‘i gwae.