Isaia 48:13 - Buki Tabu Lowaenei 1919

¹³ Tamo, nimagu bare‘u ‘ana ‘autui ‘i sa‘una, ta ‘ataigu garewa ‘i neasidi: ‘ena ia bwau ‘edia, si tooro rererea.

Isaia 48:13 ပူးပေါင်းရင်းမြစ်များ

Salamo 102:25

Lowaeneiega gabura ‘ana ‘autu ‘u sa‘una; Ta garewao nimaio ‘idi guinua.

Salamo 147:4

Kwadima ‘adi iau ‘i sawena; ‘I eesedi iauiaudi.

Si Apwesa 20:11

Asiata ‘e sikisi ‘enega Ieoba garewa ta bare‘u ‘i mweruruidi, ora, ta iage iauiauna ‘edia si miami, ta asiata ‘e sebeni nina ‘i miadaita: ta ‘enega Ieoba asiata sabate ‘i ‘awabobo‘anena, ta ‘i etabuna.

Isaia 40:12

Iaita boasi i ‘etopwapwa nima gomwagomwana ‘enaia, ta garewa i ‘etopwapwa nimanega, ta bare‘u ‘ina kau ‘i mwaratonina keiga ‘ena, ta ‘oea ‘i kugedi ‘ebekuge ‘edia, ta ‘oea gidaridi ‘ebemwau ‘edia?

Isaia 40:21

Nigea wa mwaratoni nai? Nigea wa nonona nai? nigea nai si simana ‘emia nuganega? Nigea nai wa sinapuna bare‘u ‘ina ‘autuiao ‘ediega?

Isaia 40:22

Tauna ‘i miatoa bare‘u ‘ana mweii debanaia, ta ‘ana tomi nadigega gipawa; tauna garewa ‘i lisidi kaleko ‘atua, ta ‘i loneasidi ‘atua anuanaia ‘ena si miami:

Isaia 40:26

Wa da ‘ita tu‘e tabwanaia, ta tauna getedi ‘i mweruruidi wa da ‘ita, tauna ‘idi boda i ‘ewa‐apwesa nigea ‘adi sawamo: iauiaudi ‘i bwauiedi ‘adi esanega; ‘ina waiwai ‘ana sinabwana ‘enega, ta ‘i pa‘ara ‘ina waiwaiega manuna, nigea ‘e bweu ‘i kakaena.

Isaia 42:5

Gete nadigega Eaubada Ieoba ‘i gwae, tauna garewa ‘i mweruruidi, ta ‘i lisineasidi; tauna bare‘u ta iage ‘enega ‘i apwesa ‘i neasidi bababadi; tauna tomota ‘ena si miami iawasidi ‘i sa‘u, ta taudi ‘ena si lopilidadana iaruiaruadi i ‘ebwaedi:

Isaia 44:24

Ieoba, ‘amu To‘ewalimana, ta tauna gamwega ‘i mweruruimu, gete nadigega ‘i gwae: ‘Abo‘agu Ieoba, tauna iage iauiauna ‘i mweruruidi; tauna tebweuna garewao ‘i lisidi: tauna bare‘u ‘i neasina; iaita ma‘ieagu?

Isaia 45:12

‘Abo‘agu bare‘u ia mweruruina, ta tai ia mweruruina debanaia: ‘Abo‘agu, tuga nimaguao, garewa ia lisidi, ta ‘idi boda maibo‘ana ia loinei.

Isaia 45:18

Gete nadigega Ieoba tauna garewao ‘i mweruruidi ‘i gwae; tauna Eaubada; tauna bare‘u ‘i gibubuna ta ‘i mweruruina; ‘i sa‘u ‘ai‘ailina, ‘i mweruruina nigea iagedaisinamo, ‘i gibubuna be iauna ‘ana tomi: ‘Abo‘agu Ieoba; ta nigea wate ‘e bweu.

Isaia 51:13

Ta Ieoba ‘amu Tomwerurua ‘u nuapupurena, tauna garewa ‘i neasidi ta bare‘u ‘ina ‘autu ‘i sa‘udi; ta ‘u matauta ‘ataia asiata maibo‘anega to didiga ‘ina egamwagamwagu didiga manuna, ‘ena ‘i abe ‘i giesaoora? ta to didiga ‘ina egamwagamwagu didiga mane?