Isaia 46:3 - Buki Tabu Lowaenei 1919

³ ‘Eguia wa da nono, Iakobo ‘ina anua ie, ta Iseraela ‘ina anua tupwana maibo‘ana, taudi gamwaguiega ia ‘a‘aridi, taudi si ‘a‘aridi gamwa ‘enega:

Isaia 46:3 ပူးပေါင်းရင်းမြစ်များ

Salamo 28:9

‘Imu tomota ‘u da ‘etoseedi, ta ‘imu ‘ebe‘ewa ‘u da onaobobomedi: Wate ‘u da ‘e‘enidi, ta ‘u da ‘a‘aridi ‘ataia.

Salamo 71:6

‘Oio ‘u giiaigu goama ‘ina ‘ebetubua ‘enega: ‘Oio sinagu dianega u ‘au‘ewegu: ‘Igu tuputupu manuio ataia.

Si Apwesa 19:4

iage ia guinua me Aigupito ‘edia ni‘atu wa ‘itena, ta ia ‘a‘arimi magisubu papedi ‘edia, ta ia ‘au‘ewemima ‘eguia.

Isaia 1:9

‘Abo bodao ‘idi Ieoba nigea ‘i gisine ‘edaia tupwana gidarasedaina, ‘abo ta da ‘e Sodoma, ‘abo ta da ‘e Gomora.

Isaia 10:20

Ta gete ‘i da apwesa asiata gote ‘enega, ‘aene Iseraela tupwana, ta taudi susu Iakobo si denadena, gea‘abo wate tauna ‘i unuunudi ‘ena si da ‘emisa; ta Ieoba, Iseraela ‘ina Tabu Tebweuna, tauna ‘ena si da ‘emisa ‘ai‘aila.

Isaia 10:21

Tupwana si da ‘ilama, tuga Iakobo tupwana, Eaubada waiwai ‘enaia.

Isaia 10:22

‘Abo ‘imu tomota Iseraela si eora kaukauna na‘ieana ta ‘enega, ‘ediega tupwana tuga si da ‘ilama: loegumwara ‘i da apwesa ‘ai‘aila, ‘i da maa‘apu‘apu bubuna paruparuiega:

Isaia 11:11

Ta gete ‘i da apwesa asiata gote, ‘Inapwana nimana ‘i da sa‘u limana ‘e ruena be ‘ina tomota tupwadi ‘i da ‘ewalimedi, taudi si da miami, Asiriega, Aigupitoega be, Patarosega be, Kusega be, Elamega be, Sinaega be, Amatega be, ora saruna ‘ediega be.

Isaia 37:4

Nai Ieoba ‘imu Eaubada Rabasakei ‘ina ona ‘i da nonodi, tauna ‘ina ‘inapwana Asiria ‘ana king ni‘atu ‘i etunena be Eaubada maiawasina ‘i ba‘ena, ta ona nidi Ieoba ‘imu Eaubada ‘i nonodi ‘i da ba‘edi: ta ‘enega ‘imu sidasida ‘u da gitu‘e tupwana ‘i miami manuna.

Isaia 4:3

Ta gete ‘i da apwesa, tauna si pilisinena Siona ‘ena, ta tauna ‘i tupwa Ierusalema ‘ena, si da eesena tabu, tuga ‘e bweuna ‘e bweuna si ‘etoladina maiawasina Ierusalema ‘ena:

Isaia 44:21

Iage getedi wa da nua‘i‘isi, Iakobo ie; ta Iseraela, ‘oio ‘igu toguinua ta ‘enega: ‘Abo‘agu ia mweruruimu; ‘oio ‘igu to guinua: Iseraela ie, gea‘abo ia da nuapupureio.

Isaia 46:12

Omi to‘atepatu, bubuna paruparuiega wa mia ‘edasora, ‘eguia wa da nono:

Isaia 48:1

Iakobo ‘ina susu ie, gete wa da nono, taudi ‘adi esana Iseraela, ta Iuda ‘ina boasiao ‘ediega si apwesama; taudi si ona‘upa‘upa Ieoba ‘ana esanega, ta Iseraela ‘ina Eaubada si ‘inana, ta nigea ona ‘ai‘ailega, nai bubuna paruparuiega.

Isaia 51:1

‘Eguia wa da nono, ‘omi bubuna paruparu wa muria, ‘omi Ieoba wa ‘ebesa: gurewa ‘enega si taimi ‘ena wa da ‘ita, ta gaula ‘arena ‘enega si salemi.

Isaia 51:7

‘Eguia wa da nono, ‘omi bubuna paruparu wa mwaratoni, ‘omi tomota ‘igu loina ‘atemia ‘i miami; tai ‘idi ba‘e gea‘abo wa matautena, nai wa da ‘atesa‘ara ‘idi eliao manudi.

Isaia 63:9

‘Idi elo‘uia maibo‘anega tauna ‘i elo‘uia, ta ‘ina miami ‘ana anelose i ‘etoseedi: ‘ina oboboma ta ‘ina nua‘ole‘ole ‘ediega i ‘ewalimedi; ta i ‘amwamwedi, ta i ‘aridi asiata iauiauna lowaeneiega.