Isaia 45:7 - Buki Tabu Lowaenei 1919

⁷ Ma‘edana ia bubuna, ta guguioi ia mweruruina; guguia ia bubuna, ta to‘umalina ia mweruruina; ‘Abo‘agu Ieoba, tauna iage iauiauna getedi ‘i guinuedi.

Isaia 45:7 ပူးပေါင်းရင်းမြစ်များ

Salamo 105:28

Guguioi ‘i etunena, ta ‘i gieguguioinina; Ta ‘ina ona nigea si loguitoasedi.

Salamo 29:11

Ieoba waiwai ‘i da ‘ebwaea ‘ina tomota ‘edia; Ieoba tomota ‘i da obobomedi guguiega.

Salamo 74:16

Asiata ‘imu iage, boiboi wate ‘imu iage: Ma‘edana ta sinara ni‘atu ‘u sa‘u ‘ai‘ailidi.

Salamo 75:7

Eaubada tauna to loina: ‘E bweu ‘i sa‘u mwa‘utena, ta ‘e bweu ‘i gitu‘eiena.

Salamo 8:3

‘Ena ‘imu garewa ia nuedi, nimamatagigio ‘idi guinua, Nawarae ta kwadimao, taudi ni‘atu ‘u sa‘u ‘ai‘ailidi;

Si Apwesa 14:20

Ta ‘i mai ga Aigupito ‘ina ‘ebemia ta Iseraela ‘ina ‘ebemia ta gamwagamwanaia; ta poana nina ‘i miami ta guguioi nina, ta ‘i giema‘edana boiboi: ta ‘e bweuna nigea ‘i mai ‘e ruena serabenaia boiboi maibo‘anega.

Isaia 31:2

Ta tauna wate ‘i sinasinapu, ta to‘umalina ‘i da me‘ei, ta ‘ina ona gea‘abo ‘i da ‘ewalimedi: ta ‘i da tooro toumalina ‘ina toguinuao ‘idi anua ‘enaia, ta taudi bubuna bokobokona si guinua ‘idi leme ‘enaia.

Isaia 42:16

Ta matakebokebodi ia da me‘edi ‘eda nigea si mwaratoni ‘enega; ‘edao nigea si mwaratoni ‘edia ia da ‘au‘ewedi: guguioi ia da bubuna be ‘i ma‘edana matadia, ta esena bokobokodi be si paruparu. Iage getedi ia da guinua, ta gea‘abo ia da e‘idi‘idiedi.

Isaia 44:24

Ieoba, ‘amu To‘ewalimana, ta tauna gamwega ‘i mweruruimu, gete nadigega ‘i gwae: ‘Abo‘agu Ieoba, tauna iage iauiauna ‘i mweruruidi; tauna tebweuna garewao ‘i lisidi: tauna bare‘u ‘i neasina; iaita ma‘ieagu?

Isaia 47:11

Ta ‘enega iage to‘umalina ‘emuia ‘i da mai; ‘ina gimi apwesama nigea ‘u da mwaratoni: ta wasegigi ‘i da be‘u emuia; gea‘abo ‘u da ewaiwai be ‘u da ‘ewaiaulena: ta waborebore ‘i da apwesa maninima ‘emuia, tauna nigea ‘u mwaratonina.