Isaia 45:5 - Buki Tabu Lowaenei 1919

⁵ ‘Abo‘agu Ieoba, ta nigea wate ‘e bweu; nigea ‘e bweu Eaubada ‘abo ‘abo‘agu nigea: nigea ‘u mwaratonigu, ta ia da paimiio tuga gadiwanega:

Isaia 45:5 ပူးပေါင်းရင်းမြစ်များ

Salamo 18:31

Iaita Eaubada ta ‘enega, Ieoba tugama? Ta iaita gurewa, ‘ida Eaubada tebweunamo?

Salamo 18:32

Eaubada nina waiwaiega ‘i elogadiwanigu, Ta ‘igu ‘eda ‘i giebobo‘ai‘ailina.

Salamo 18:33

‘Aegu ‘i bubudi be si da ‘egota mewainena ‘aedi nadigega: Ta ‘igu esena ‘ebemiatu‘e ‘edia ‘i sa‘ugu.

Salamo 18:39

Ni‘atu waiwaiega ‘u elogadiwanigu losaia ‘enaia ta ‘enega: Taudi mataguia si tooro ni‘atu ‘u giekopudi ‘agarauguia?

Salamo 86:10

‘Oio sinabwaio ta ‘enega, ta iage ‘ebenuaowana ‘u guinuedi: ‘Oio Eaubada tebweuio.

Si Apwesa 9:14

Tuta gete ‘enega ‘igu muia iauiauna ia da ‘etunedi ‘ateio ‘enaia ta ‘enega, ‘imu toguinuao ‘edia be, ‘imu tomota ‘edia be; be ‘enega ‘u da mwaratoni ‘aene nigea ‘e bweu ‘abo‘agu nadigega gabura maibo‘ana ‘enaia.

Isaia 22:21

Ta ‘amu tara‘apwarega ia da e‘otena, ta ‘amu gadiwanega ia da giepa‘arina, ta ‘imu loina ia da sa‘u nimanaia: ta tauna ‘i da to‐mia Ierusalema tamadi ‘atua, ta Iuda ‘ina susu tamadi ‘atua.

Isaia 37:20

Ta ‘enega, Ieoba ie ‘ima Eaubada, gete ‘enega ‘u da ‘etoseema nimanega, be ‘enega bare‘u ‘ina ‘ebeloina iauiauna si da mwaratoni ‘aene ‘oio Ieoba, tuga tebweumumo.

Isaia 43:10

‘Omi ‘igu to‐‘itao, Ieoba ‘i gwae, ta ‘igu to‐guinua tauna ia ‘esinua; be ‘enega wa da mwaratonigu ta wa da iaregu, ta wa da sinapuna ‘aene ‘Abo‘agu Tauna; nuganiguia nigea ‘e bweu Eaubada mwerumweruruina, ta gea‘abo ‘e bweu muriguia.

Isaia 44:6

Gete nadigega Ieoba ‘i gwae, Iseraela ‘ana King, ta ‘ina to‘ewa‘limana bodao ‘idi Ieoba: ‘Abo‘agu nugana nina, ta muria nina; ta nigea ‘e bweu Eaubada ‘abo ‘abo‘agu nigea.

Isaia 44:8

Gea‘abo wa matauta, nai wa da ‘atesa‘ara: nigea nai ia simana ‘emuia lowaeneiega, ta ia e‘ita‘ena? ta ‘omi ‘igu to‐‘itao. Wate ‘e bweu Eaubada ‘i miami ‘agu erua? tamo, nigea ‘e bweu Gurewa Sinabwana; nigea ‘e bweu ia mwaratoni.

Isaia 45:1

Gete nadigega Ieoba ‘i gwae ‘ina orooroina ‘enaia, Koresa ‘ena, tauna ‘ataina ia giiaina, sabi didiga ‘ebeloinao matanaia, ta kiniao tolobwadi ia da li‘amidi; sabi gigege ‘awa matanaia, ta ‘eberugu gea‘abo si da gibodedi;

Isaia 45:6

Be ‘enega si da mwaratoni sinara ‘ina sae ‘enega, ta ‘ebwagega, ‘aene nigea ‘e bweu ‘abo ‘abo‘agu nigea: ‘Abo‘agu Ieoba, ta nigea wate ‘e bweu.

Isaia 46:9

Gimi iage lowaeneiega wa da nua‘i‘isi: ‘abo‘agu Eaubada ta ‘enega, ta nigea wate ‘e bweu; ‘abo‘agu Eaubada, ta nigea ‘e bweu ‘abo‘agu nadigega;

Isaia 47:8

Ta ‘enega gete tuga ‘u da nono, ‘oio guausoara ‘areio, ‘oio to mia besobeso, ‘atemuia ‘u gwae, ‘abo‘agu, ta nigea wate ‘e bweu ‘agu e rua; gea‘abo ia da miatoa kwabura ‘atua, nai gogama ‘idi mwawasa ia da mwaratoni: